Akunndanfuɛ'n 7:26 - NYANMIƐN NDƐ'N 1998

²⁶ N wunnin kɛ bla nga ɔ sua yasua'm be wun aya'n, ɔ wla sran nyrɛnnɛn nun tra wie b'ɔ kun sran'n. Klolɛ ng'ɔ se kɛ ɔ klo yasua'n ɔ ti kɛ aya sa, yɛ i sa'n ɔ ti kɛ jrɔkɔ sa yɛ ɔ fa ci i-ɔ. Sanngɛ sran ng'ɔ klo Nyanmiɛn'n, i sɔ bla'n kwla nyɛn-mɛn i, san sran ng'ɔ yo sa tɛ'n yɛ ɔ kwla nyɛn i-ɔ.

Akunndanfuɛ'n 7:26 ပူးပေါင်းရင်းမြစ်များ

Bo Bolɛ 19:35

Yɛ kɔnguɛ sɔ'n be ´man bé si'n i nzan ɔ ´bo yɛ ba bla kasiɛn'n nin i be ´ko la-a. Kɛ talua'n wa la o, kɛ ɔ ´jaso o, bian'n ɔ'a wun-man nun.

Bo Bolɛ 39:9

Awlo'n nun wa'n, ɔ lɛ-man dunman tra-man min. Ɔ'a tannin-man min kɛ nán n kan like'n wie fi, san ɔ bɔ a ti i yi'n yɛ ɔ fata-man kɛ n kan wɔ-ɔ. Ɔ mɛn i ti, n yo sa tɛ dan nga-a ɔ yo-man ye. Sɛ n yo sɔ-ɔ, wuun Nyanmiɛn yɛ m'an wɔ i safle-ɔ.»

Ezipt Lɔ Tulɛ'n 10:7

Famiɛn'n i mantanfuɛ'm be seli famiɛn'n kɛ: «?Mantuan sɔ'n ´kle e nyrɛnnɛn sa lele ´ju cɛn onin? ?Sɛ ɔ ti sɔ-ɔ, wuun yaci Izraɛl yasua'm be nun nan be ko su Anannganman be Nyanmiɛn sɔ'n? ?A wun-man kɛ Ezipt mɛn'n su saci?»

Nyanndra Mun 2:16

I liɛ'n, a su yaci-man bla wie lɛ ɔ su lakalaka-man wɔ. Bla nuan nun ndɛ nɛnkɛn-nɛnkɛn wie su lakalaka-man wɔ.

Nyanndra Mun 22:14

Bla nga bian yɛ be kunndɛ'n, bé nuan nun ti nɛnkɛn-nɛnkɛn. Be nuan nun ndɛ'n ti kɛ kunman dan wie sa. I sɔ kunman liɛ'n, sran nga Anannganman fɛ i wun ya'n kpɛkuun ɔ'a tɔ nun.

Nyanndra Mun 6:23

Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Nyanndra Mun 6:24

Ninnge sɔ mun'n, be ti man bla tɛfuɛ'n ɔ su nyan-man wɔ. Ɔ man sɛ bla ng'ɔ ti-man ɔ́ yi'n lakalaka wɔ-ɔ ɔ su nyan-man wɔ.

Nyanndra Mun 9:18

Sran nga bla sinnglinfuɛ sɔ'n flɛ i'n, ɔ si-man kɛ kɛ ɔ o lɛ'n, ɔ o wie'n i nuan'n nun. Ɔ si-man kɛ be nga bla sɔ'n flɛli be bɔ b'a bɛ i wun'n, b'a ju blɔlɔ lɔ ɔ'a wie.

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 7:27

Akunndanfuɛ'n waan: «M buli sa'm be kwlaa bé sin kunngunngun n guɛli lɔ nan n ´wun bé bo, sanngɛ n kunndɛli bé bo sɔ'n lele ngbɛn. N wunnin kɛ sɛ a wun yasua akpi kun gua su sa'n, be nun kunngba cɛ yɛ ɔ ti sran kpa-a. Bla'm be liɛ'n, man be ´sɔn sɛ, a kwla wun-man be nun kunngba sa bɔ ti sran kpa-a.