Akunndanfuɛ'n 7:25 - NYANMIƐN NDƐ'N 1998

²⁵ Min waan n ´si sa'm bé bo. Min waan n ´si like nga be flɛ i ngwlɛlɛ'n i bo, yɛ min waan n ´si sa nga ti yɛ sa'm be ju'n. N wunnin kɛ klunwi yolɛ nin sinnzin yolɛ'n be ti fia like.

Akunndanfuɛ'n 7:25 ပူးပေါင်းရင်းမြစ်များ

Bo Bolɛ 34:7

Kɛ Zakɔb i mma yasua'm be fin blo lɔ bali bɔ be tili sa nga Sisɛm yoli'n, ɔ'a yo-man be fɛ mlɔnmlɔn. Afin wafa nga Sisɛm nin Zakɔb i wa bla'n be lali'n, nán i atin su-ɔ. Ɔ ti tete yɛ ɔ'a bo i Izraɛl mɛn'n nun-ɔn, i ti be fali ya dan kpa.

2 Samiɛl 13:12

Tamar seli kɛ: «Aa! Min niaan, nán mian min kɛ a nin min la. Be yo-man nga Izraɛl wa. Nán bo tete nga .

Nyanndra Mun 17:12

Sɛ a nin nnɛn sroesroe nga i mma'm b'a fi i sa'n be yia nun'n, ɔ ti kpa tra kɛ a nin sinnglinfuɛ nga sinnzin ɔ'a di i buɛ'n b'a yia nun'n .

Nyanndra Mun 26:11

Kɛ alua'n kpu gua b'ɔ sɛ i sin di i ekun'n, kɛ sinnglinfuɛ'n kusu ti sɔ-ɔ. I sinnzin sa ng'ɔ yo be'n, ɔ flan be nun yo i ekun.

Akunndanfuɛ'n 10:13

Kɛ sinnglinfuɛ'n ɔ ´kɛn i ndɛ wie'n, ɔ bo i bo nin ndɛ ngbɛn-ngbɛn mun. Kɛ ɔ ´gua'n, ɔ guɛ i bo nin fia ndɛ mun.

Akunndanfuɛ'n 2:12

Kɛ ɔ yoli sɔ'n, nan m'an bu ngwlɛlɛ'n i akunndan m'an gua, nan m'an bu sinnzin'n kusu i akunndan m'an gua. Yɛ n usali mín wun kɛ: «?Famiɛn ng'ɔ wa tran min osu'n, nzu yɛ ɔ ´yo bɔ m'an yo-man-an?»

Akunndanfuɛ'n 2:15

Yɛ n seli n klun kɛ: «?Sɛ awieliɛ kunngba ng'ɔ ´wie sinnglinfuɛ'n yɛ ɔ ´wie min wie'n, wuun min ngwlɛlɛ dan nga n si trɛli i'n ɔ yo nzu yɛ ɔ man min-ɔn?» Yɛ n seli min klun lɔ kɛ: «Sa sɔ'n tra sran i akunndan'n su, yɛ i kwlaa ti afɛ ngbɛn.»

Akunndanfuɛ'n 2:20

Ɔ man kɛ n nian junman nga n kplinnin min nyin n dili'n, ɔ yo min ya lele kpe nun.

Akunndanfuɛ'n 7:27

Akunndanfuɛ'n waan: «M buli sa'm be kwlaa bé sin kunngunngun n guɛli lɔ nan n ´wun bé bo, sanngɛ n kunndɛli bé bo sɔ'n lele ngbɛn. N wunnin kɛ sɛ a wun yasua akpi kun gua su sa'n, be nun kunngba cɛ yɛ ɔ ti sran kpa-a. Bla'm be liɛ'n, man be ´sɔn sɛ, a kwla wun-man be nun kunngba sa bɔ ti sran kpa-a.

Zozie 7:13

Jaso, ko se Izraɛlfuɛ'm be kɛ be siesie bé wun nan e nin be `yia ainman. Se be kɛ be yo bé wun saun nan m bɔbɔ min Anannganman bɔ n ti Izraɛl Nyanmiɛn'n min wan yoo: ‹Ninnge nga n seli amun kɛ nán amun fa'n, ɔ o amun trɔ'n nun. Ɔ man amun su kwla-man amun kpɔfuɛ'm be nyrun jran, san amu'an yi ninnge sɔ mun.