Akunndanfuɛ'n 7:18 - NYANMIƐN NDƐ'N 1998

¹⁸ Ɔ ti kpa kɛ a `fa afɔtuɛ nnyɔn ng'ɔ o lɛ'm be su. Afin sran nga i nyin yi Nyanmiɛn'n, ɔ fata-man kɛ be kɛn i wun ndɛ.

Akunndanfuɛ'n 7:18 ပူးပေါင်းရင်းမြစ်များ

Nyanndra Mun 12:21

Sa tɛ fi sa nyan-man klun-ufuefuɛ'n. Sanngɛ sa tɛtɛ'n kwlaa ti sin yia klunwifuɛ mun .

Nyanndra Mun 8:20

Nanwlɛ atin'n nun yɛ n nanti-ɔ, sɛsɛ atin'n i afiɛn yɛ n nanti-ɔ.

Akunndanfuɛ'n 11:6

I sɔ'n ti'n, lua ɔ ninnge mun nglɛmun nun lele fa ju nnɔsua nun, nán de wunmiɛn. Afin a si-man ng'ɔ wa yo kpa-a, sɛ nglɛmun nun liɛ'n nin o, sɛ nnɔsua nun liɛ'n nin o, sɛ kusu nglɛmun nun liɛ'n nin nnɔsua nun liɛ'm be nnyɔn yɛ be ´yo kpa o.

Akunndanfuɛ'n 12:13

E `sie é su e tie ndɛ'n kwlaa ng'ɔ o lɛ'm be atabo'n: man ɔ́ nyin yi Nyanmiɛn, yɛ nanti i mmla'm be su. Like ng'ɔ fata kɛ klɔ sran kwlakwla yo'n yɛ ɔ o lɛ-ɔ.

Akunndanfuɛ'n 3:14

N wunnin i wlɛ ekun kɛ Nyanmiɛn i sa ti like liɛ ng'ɔ yo'n, ɔ lɛ-man awieliɛ, ɔ ti anannganman. Be kwla uka-man su, be kwla kpɛ-man su. Sa ti bɔ Nyanmiɛn yo sɔ'n yɛlɛ kɛ ɔ klo kɛ sran'm bé nyin yi i .

Akunndanfuɛ'n 5:7

Sɛ mɛn wie nun a wun kɛ be su kle yalɛfuɛ wie nyrɛnnɛn'n, nan be su di i ndrunmun'n, nan be su di i ndɛ kwlɛ'n, nɛ́n i sɔ sa'n ɔ bo ɔ́ nuan. Afin kɛ mɛn'n wo yɛ'n, kannzɛ bɔ man a nyan nyrun sɛ, ɔ wiengu uflɛ o lɛ b'ɔ tra wɔ-ɔ.

Akunndanfuɛ'n 8:12

Kannzɛ bɔ sa tɛ yofuɛ'n ɔ yo sa tɛ'n lele kpɛ ya, nan i nguan'n i sin ɔ'a kpɛ-man'n, sanngɛ n si kɛ be nga be nyin yi Nyanmiɛn'n be liɛ be lɛ muae .

Akunndanfuɛ'n 8:13

Klunwifuɛ'n ɔ nyan-man muae yɛ i nguan nyanman'n yo-man tɛnndɛn. I nguan sɔ'n ɔ yo vɛɛ kan kɛ fɔnvɔ sa yɛlɛ kɛ i nyin yi-man Nyanmiɛn mlɔnmlɔn .

Zeremi 32:40

E nin be e ´tra aenguɛ kun b'ɔ su sin-man le. N su kaci-man min sin n si-man be kun. N ´di be nɛnnɛn. N ´yo man be sro min nan b'a kaci-man bé sin b'a si-man min.

JÉSUS-CHRIST I DYASIN FE'N BO LUC KLELI'N 1:50

Kɛ ɔ fin lalafuɛ nun lele b'ɔ ´fa ju ndɛ'n, ɔ si be bɔ be sro i'n be aunnvuɛ titi.

JÉSUS-CHRIST I DYASIN FE'N BO LUC KLELI'N 11:42

Amun Farizifuɛ mun, an yako! Yɛlɛ kɛ an yi mant nin ru nin like bɔ an lua be'n kwlaa be blusu'n, sanngɛ an yaci nanwlɛ dilɛ'n, nin Nyanmiɛn klolɛ'n, be yɛ be yolɛ'n ti su nin-ɔn, sanngɛ nán an yaci wie'm be yolɛ .