Akunndanfuɛ'n 7:15 - NYANMIƐN NDƐ'N 1998

¹⁵ Blɛ kan nga m'an di i asiɛ'n su wa nun'n, m'an wun kɛ sa'n kwlaa kwla ju. Kannzɛ bɔ sran'n ti kpa sɛ, sanngɛ ɔ kpɛ kpo wu. Sran wie kusu i klunwi liɛ'n be kwla kan-man, sanngɛ ɔ wu-man ndɛ.

Akunndanfuɛ'n 7:15 ပူးပေါင်းရင်းမြစ်များ

Bo Bolɛ 47:9

Zakɔb tɛli i su kɛ: «M'an tu m'an tran mɛnmɛn wie'm be nun lele afuɛ ya afuɛ ablasan. Sa yalɛ sunman nyannin min, i ti m'an yo oke ndɛ. N su cɛ-man kɛ mín si'm be sa, kusu be yoli wlan-wlan sinfuɛ wie kɛ min sa.»

1 Famiɛn Mun 21:13

Sran finfinfuɛ nnyɔn be bali be wa trannin i nyrun ndɛnman su lɛ, kpɛkuun be tɔnnin i suɛn nzrafuɛ'm be nyrun. Be waan: «Nabɔt boli Nyanmiɛn nin famiɛn'n be sannzan.» Yɛ be fali Nabɔt klɔ'n nun fiteli, nan b'a ko finfin i yɛbuɛ b'a kun i.

Jue Mun 10:3

Klunwifuɛ'n i nyin blo ninnge tɛtɛ'm bé su, ɔ fa be di i nuan. Lufle klofuɛ sɔ'n ɔ bo Nyanmiɛn i sannzan, ɔ yo i finfin.

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Akunndanfuɛ'n 2:23

Mɛn'n nun tranlɛ b'ɔ trannin'n i kwlaa'n ti nyrɛnnɛn ngbɛn. I junman b'ɔ dili'n, klunngbɔ yɛ ɔ nyɛnnin i nun-ɔn. Kɔnguɛ bɔbɔ sa'n, i wla kwla gua-man ase. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 3:16

N wunnin i wlɛ nyanmiɛn'n bo wa ekun kɛ kan be di jɔlɛ lɛ'n, klunwi o lɛ, yɛ be di ndɛ kwlɛ lɛ.

Akunndanfuɛ'n 6:12

Sran i nguan'n ti kɛ fɔnvɔ wie sa. ?Wan yɛ ɔ si like kpa ng'ɔ wa ju i nguan tika sɔ'n nun-ɔn? ?Nyanmiɛn'n i bo wa'n, wan yɛ ɔ kwla kan sran kun i wie'n i sin sa mun kle i-ɔ?

Akunndanfuɛ'n 9:9

Wɔ anwlɛn su bla'n, a nin i be `tran fɛfɛ blɛ vɛɛ kan nga Nyanmiɛn fa mannin wɔ nyanmiɛn'n bo wa'n nun. Afin ɔ liɛ nga a ko nyɛn i afɛ nga a fɛli nyanmiɛn'n bo wa nun'n yɛ ɔ o lɛ-ɔ.

Ezai 65:20

Be su wun-man kɛ bakan ɔ ´wu i kaan nun lɔ kun, yɛ sran kpɛnngbɛn b'ɔ yo-man oke kɔ-man mmua b'ɔ wu'n, be su wun-mɛn i sɔ lɔ kun. Afin sɛ sran kun ´wu nan ɔ lɛ afuɛ ya'n, wuun be flɛ kɛ ɔ tɛ yo gbanflɛn annzɛ talua. Sran nga ɔ'a di-man afuɛ ya nan ɔ wu'n, wuun be se kɛ b'a bo i sannzan ti-ɔ.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.