Akunndanfuɛ'n 7:14 - NYANMIƐN NDƐ'N 1998

¹⁴ Sɛ a wun ɔ́ wun fɛ'n, man ɔ klun jɔ, sɛ kusu a o nyrɛnnɛn nun'n, bu akunndan. Nyanmiɛn yɛ man sran wun i wun fɛ-ɔ, i kunngba'n yɛ man sran wun nyrɛnnɛn nin-ɔn. Kɛ ɔ ´yo nan sran ɔ'a si-man cɛn wie sa ng'ɔ wa ju'n, i ti yɛ ɔ yo i sɔ nin-ɔn.

Akunndanfuɛ'n 7:14 ပူးပေါင်းရင်းမြစ်များ

1 Famiɛn Mun 8:47

Kɛ be o kanga nun mɛn sɔ'n nun lɔ'n, atrɛkpa-a, be ´kaci akunndan, yɛ be ´fa bé wun wla ɔ sa nun ekun. Atrɛkpa-a, be ´se kɛ: ‹E yoli sa tɛ. Atin nga e nantili su'n, ti-man sein. E fɔnnin.›

Zɔb I Nyrɛnnɛn Wunlɛ 2:10

Zɔb tɛli i su kɛ: «A kan ndɛ kɛ bla b'ɔ lɛ-man akunndan sa. ?Sɛ e nyan ye Nyanmiɛn sa nun'n, ɔ fata-man kɛ e nyan wlɛ?» I kwlaa sɔ nun'n, ndɛ tɛ kun sa ɔ'a fin-man Zɔb nuan ɔ'a fite-man.

Jue Mun 119:71

Kɛ a buli min fɔ'n, ɔ ti kpa man min, afin i liɛ'n, n wun ɔ klun sa'n i wlɛ.

Jue Mun 40:3

Sɛ n ´kwla se'n, ɔ yili min bunman sroesroe'n i nun fiteli, ɔ yili min nnɔtiɛ b'ɔ lɛ-man bo'n i nun fiteli. Ɔ'a fa min ɔ'a sie yɛbuɛ su. N ja'n kwla asiɛ.

Akunndanfuɛ'n 10:14

Sinnglinfuɛ'n ɔ ijɔ fiaii. Sran'n b'ɔ o sa'n, ɔ si-man sa ng'ɔ wa ju cɛn wie'n. ?Wan yɛ ɔ ´bo sa ng'ɔ wa ju'n i su'n i su kle i-ɔ?

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Akunndanfuɛ'n 12:13

E `sie é su e tie ndɛ'n kwlaa ng'ɔ o lɛ'm be atabo'n: man ɔ́ nyin yi Nyanmiɛn, yɛ nanti i mmla'm be su. Like ng'ɔ fata kɛ klɔ sran kwlakwla yo'n yɛ ɔ o lɛ-ɔ.

Akunndanfuɛ'n 12:8

Akunndanfuɛ'n i waan: «Sa'm be kwlaa be tra sran i akunndan'n su. Be trɛ i kpɛn sakpa. Like nga be yo be'n, i kwlaa ti afɛ ngbɛn.»

Akunndanfuɛ'n 3:22

I agualiɛ su'n, n wunnin i kɛ, like ng'ɔ ti kpa man sran'n, yɛlɛ i junman ng'ɔ dili'n i nun ninnge b'ɔ nyɛnnin i'n i wie dilɛ. ?Afin sɛ sran kun i blɛ liɛ'n ko ju'n, wan yɛ ɔ kwla fɛ i ba mɛn'n nun wa ekun bɔ sa nga be yo be i sin wa'n, ɔ ´kwla wun be nun ekun-ɔn?

Akunndanfuɛ'n 3:4

Ɔ lɛ blɛ kun bɔ be fa sun-ɔn, yɛ ɔ lɛ blɛ kun bɔ be fa sri-ɔ. Ɔ lɛ blɛ kun bɔ be fa yi ngwlɛ-ɔ, yɛ ɔ lɛ blɛ kun bɔ be fa si able-ɔ.

Akunndanfuɛ'n 5:17

Sa nga n wunnin i sa sɔ'm be kwlaa be nun'n yɛ: like ng'ɔ ti kpa man sran'n, yɛlɛ aliɛ dilɛ, nin nzan nɔnlɛ, ɔ nin i junman kekle ng'ɔ di'n i nuan like nyanlɛ. Blɛ nga Nyanmiɛn mɛnnin i kɛ ɔ di i nyanmiɛn'n bo wa'n, ng'ɔ ti i liɛ'n yɛ ɔ o lɛ-ɔ.

Akunndanfuɛ'n 8:7

Kusu ɔ si-man sa ng'ɔ wa ju i su'n. ?Yɛ wan li yɛ ɔ ´kan wafa nga sa sɔ'n wa fa ju'n ´kle i-ɔ?

Akunndanfuɛ'n 9:7

I sɔ'n ti, di ɔ́ sa ti aliɛ'n, nan nɔn ɔ́ sa ti nzan'n man ɔ klun jɔ. Afin ɔ sa nga a yo be'n, be jɔ Nyanmiɛn i klun.

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezai 42:25

I sɔ'n ti, Anannganman fali ya Izraɛlfuɛ'm bé wun, yɛ ɔ man alɛ dan'n tɔli be su. Alɛ sɔ'n ɔ yoli kɛ sin sa, ɔ katali bé su kplu, sanngɛ b'a wun-man sa fi wlɛ. Sɛ e ´kwla se'n, sin sɔ'n ɔ yrali be, sanngɛ b'a bu-mɛn i ndɛ.»

Zeremi 23:20

Sɛ a ´wun kɛ Anannganman'n i ya'n ɔ ´jɔ'n, wuun sa ng'ɔ guguli kɛ ɔ ´yo'n ɔ'a wie kwlaa yo. Cɛn wie yɛ amun wa wun i wlɛ-ɔ.

Ngwlɛ Yilɛ 3:38

?Sa fɛ o, sa kekle o, nán Anannganman yɛ ɔ man atin yɛ be ju-ɔ?

Mise 6:9

Anannganman se klɔfuɛ'm be kɛ be nga bé nyin yi i'n, be ´nyan bé ti. «Zida akpasua sufuɛ mun, amun kwlaa nga amun yia klɔ'n su yɛ'n, an `tie!

Matthieu 9:13

An `wɔ ko bu ndɛ ng'ɔ o yɛ'n i akunndan nan amun wun i wlɛ. Ndɛ sɔ'n yɛlɛ kɛ: ‹Afin n klo aunnvuɛ nga be si sran'n tra tɛ nga be yi be man min'n› afin m'an ba-man sran kpa'm be flɛlɛ, sanngɛ sa tɛtɛ yofuɛ mun yɛ m bali be flɛlɛ-ɔ .»

Sa nga bé yôli'n 14:22

be wlali asɔnunfuɛ'm be fanngan, be tuli be fɔ kɛ be lafi Nyanmiɛn su kpa, yɛ be seli be ekun kɛ: «San e ´wun nyrɛnnɛn dan kpa nan y'a kwla ju Nyanmiɛn mɛn'n nun.»

Mmla'n 26:11

Kpɛkuun amun nin Levifuɛ mun, ɔ nin aofuɛ nga be nin amun tran lɛ mun'n, amun `di cɛn, ye nga Anannganman amun Nyanmiɛn'n ɔ yoli amun nin amun awlofuɛ mun'n ti.

Mmla'n 28:47

Blɛ bɔ like kwlakwla ti sin yia amun'n, sɛ amun waan amun tu-man amun klun amun su-man Anannganman amun Nyanmiɛn'n aklunjuɛ su'n,

Mmla'n 8:3

Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.

Mmla'n 8:5

Ɔ man sɛ Anannganman tu amun fɔ'n, man amun wun i wlɛ kɛ ɔ yo i kɛ sran su tu i wa fɔ sa.

Jacques 5:13

Sɛ nyrɛnnɛn wo amun nun wie su'n, man ɔ koko kle Nyanmiɛn. Sɛ amun nun wie klun ti jɔwa'n, man ɔ to jue manman Nyanmiɛn.