Akunndanfuɛ'n 7:10 - NYANMIƐN NDƐ'N 1998

¹⁰ Nán usa kɛ ɔ yo sɛ ti yɛ laa blɛ liɛ'n ɔ ti kpa tra ndɛ blɛ liɛ nin-ɔn. Ngwlɛlɛfuɛ'n usa-man i sɔ sa liɛ'n.

Akunndanfuɛ'n 7:10 ပူးပေါင်းရင်းမြစ်များ

Akunndanfuɛ'n 7:11

Ngwlɛlɛ'n ɔ lɛ nyrun kɛ aja bɔ b'a sie'n ɔ fa lɛ nyrun'n sa. Yɛlɛ kɛ ɔ ti sran'm be kwlaa be wun nyanman nun.

Akunndanfuɛ'n 7:9

Nán fa ya ndɛndɛ. Afin sinnglinfuɛ yɛ i anwlɛn'n ɔ ti fufu-ɔ .

Ezai 50:1

Anannganman waan: «?Fluwa bɔ n klɛli b'ɔ kle kɛ m'an yra amún nin'n, ɔ o ninfan? ?Annzɛ kusu, sran nga i kalɛ wo min su bɔ n yoli amun atɛ i sa nun'n, yɛlɛ wan? Sɛ be yoli amun atɛ'n, ɔ fin amun fɔnlɛ bɔ amun fɔnnin'n, sɛ be kannin amún nin bo'n, ɔ fin amun sa tɛtɛ bɔ amun yo'n.

Jɔlɛ Difuɛ Mun 6:13

Zedeɔn tɛli i su kɛ: «?Ai nannan, sɛ Anannganman nin e o nun'n, yɛ wuun ɔ yo sɛ ti yɛ sa nga'm be ju e su-ɔ? ?Abonuan sa nga e si'm be kan kle e bɔ be waan: ‹Anannganman i fanngan nun yɛ e fin Ezipt lɔ e bali'n,› i sɔ abonuan sa liɛ ɔ yo sɛ ti yɛ e wun-man be kun-ɔn? Andɛ e yɛ Anannganman ɔ'a yi e blo yɛ, ɔ'a fa e ɔ'a wlɛ i Madianfuɛ'm bé sa nun.»