Akunndanfuɛ'n 6:7 - NYANMIƐN NDƐ'N 1998

⁷ Sran'n i nuan nun aliɛ'n i nyanlɛ'n i ti yɛlɛ junman kekle ng'ɔ di i nyanmiɛn'n bo wa'n. Sanngɛ ninnge ng'ɔ nyan be'n wie fi jɔ-mɛn i klun.

Akunndanfuɛ'n 6:7 ပူးပေါင်းရင်းမြစ်များ

Nyanndra Mun 16:26

Awe'n ɔ su junman difuɛ'n bo ɔ di junman kpa, afin ɔ klo kɛ i ku yi.

Akunndanfuɛ'n 1:8

Kannzɛ be ´ijɔ lele sɛ, sanngɛ nán ndɛ i kwlaa yɛ be ´wie i kan-an. Be nyinma'n ɔ fɛ-man ninnge'm be nianlɛ'n nun. Be su'n kusu ɔ fɛ-man sa tilɛ'n nun.

Akunndanfuɛ'n 5:10

Kɛ sran kun ko nyɛn i wun dan'n, be nga be su i su be di i wun ninnge mun'n, be di-man be yalɛ. ?Be nga be lɛ ninnge kaka sɔ mun'n, nguɛ yɛ be nyɛn i nun-ɔn? ?Nán nianlɛ bɔ be ´nian ninnge sɔ'n sa'n yɛ ɔ ti be liɛ nin-ɔn?

Akunndanfuɛ'n 5:9

Sran ng'ɔ klo sika dan'n, i nyin yi-man ng'ɔ lɛ i'n, sran ng'ɔ klo anyanbeun'n, ɔ nyɛn-mɛn i nun mmlusuɛ'n wie. I sɔ sa'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 6:3

Man sran kun wu ba lele ya yɛ man ɔ cɛ lele'n, sanngɛ sɛ i nguan tɛnndɛn sɔ'n nun ɔ'a nyan-man alaje nan ɔ'a nyan-man asieliɛ kpa'n, ba ng'ɔ wu i nin klun lɔ b'ɔ flo tɔ'n, i nyrun ba nyan trɛ i.

Akunndanfuɛ'n 6:8

?Nguɛ yɛ ngwlɛlɛfuɛ'n nyɛn i tra sinnglinfuɛ nin-ɔn? ?Yɛ nguɛ like yɛ yalɛfuɛ nga i nzuɛn ti kpa'n, ɔ nyɛn i sran'm be nyrun-ɔn?

Matthieu 6:25

I sɔ'n ti, n ´kan kle amun kɛ, nán an koko ninnge bɔ an lɛ-mɛn'n ti se kɛ: ‹?Nguɛ yɛ e ´di-ɔ? ?Nguɛ yɛ e ´nɔn-ɔn? Annzɛ, ?E ´nyan tannin nin yɛ e ´kla-a? ?Nguan ndɛ'n ti-man cinnjin tra-man aliɛ'n? ?Be wunnɛn'n ti-man kpa tra-man tannin?› »

JÉSUS-CHRIST I DYASIN FE'N BO LUC KLELI'N 12:19

Kɛ ɔ ko yo sɔ'n, n ´tran ase, n ´de wunmiɛn, n ´di n klun like, afin ninnge ng'ɔ o yɛ'n, n ´di lele ɔ su wie-man. N klun a jɔ siɛn'n.›

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»