Akunndanfuɛ'n 6:6 - NYANMIƐN NDƐ'N 1998

⁶ ?Sɛ sran kun cɛ lele di afuɛ akpi nnyɔn (2.000) nan ɔ'a nyan-man manndran le'n, i mmlusuɛ liɛ'n yɛlɛ onin? ?Sran'm be kwlaa be kɔwlɛ'n ti-man kunngba?

Akunndanfuɛ'n 6:6 ပူးပေါင်းရင်းမြစ်များ

Bo Bolɛ 5:5

Adam dili afuɛ ya ngwlan nin afuɛ ablasan yɛ ɔ wuli-ɔ.

Zɔb I Nyrɛnnɛn Wunlɛ 1:21

yɛ ɔ seli kɛ: «Kɛ n fin mín nin klun m ´ba'n, mín wun ngbɛn. N kɔlɛ su'n, mín sa ngbɛn yɛ n ´fa kɔ-ɔ. Anannganman yɛ ɔ mannin-ɔn, Anannganman yɛ ɔ'a fa-a. Man manmanlɛ'n ɔ yo i liɛ!»

Zɔb I Nyrɛnnɛn Wunlɛ 30:23

N si jrɛin kɛ wie'n i sin yɛ a nin min kɔ-ɔ. Sran'm be kwlaa be kɔwlɛ lika'n nun lɔ yɛ a fa min kɔ-ɔ.

Zɔb I Nyrɛnnɛn Wunlɛ 7:7

Ee Nyanmiɛn, ɔ bɔbɔ a si kɛ min nguan'n ti kɛ aunngban sa. N su nyan-man alaje kun le.

Jue Mun 34:12

Min mma mun, amun `bla man n kan ndɛ n kle amun. N ´kle amun kɛ bé nyin fa yi Anannganman'n.

Akunndanfuɛ'n 12:7

Kɛ ɔ ko yo sɔ'n, wuun sran i wunnɛn'n ɔ su sɛ i sin ndutre bɔ be fa yili i'n i nun, yɛ nguan ng'ɔ o i nun'n kusu ɔ sɛ i sin kɔ Nyanmiɛn b'ɔ fa mɛnnin i'n i wun lɔ.

Akunndanfuɛ'n 2:14

Ngwlɛlɛfuɛ'n ɔ wun ase yɛ sinnglinfuɛ'n nanti i liɛ ble'n nun. Sanngɛ n si kɛ awieliɛ kunngba'n yɛ ɔ wa wie be nnyɔn nin-ɔn.

Akunndanfuɛ'n 3:20

Ndutre yɛ be fa yili like kwlaa-a, yɛ ninnge kwlaa be sa bé sin asiɛ wun, afin ninnge kwlaa be kɔwlɛ'n ti kunngba.

Akunndanfuɛ'n 6:3

Man sran kun wu ba lele ya yɛ man ɔ cɛ lele'n, sanngɛ sɛ i nguan tɛnndɛn sɔ'n nun ɔ'a nyan-man alaje nan ɔ'a nyan-man asieliɛ kpa'n, ba ng'ɔ wu i nin klun lɔ b'ɔ flo tɔ'n, i nyrun ba nyan trɛ i.

Akunndanfuɛ'n 6:5

Ɔ'a wun-man wia'n i wun. I liɛ'n, ɔ flunman tra sran nga i waan be `se kɛ be wuli i nan ɔ'a cɛ nyanmiɛn'n bo wa'n.

Akunndanfuɛ'n 7:2

Awlo nga sɛ o nun'n, i nun kɔlɛ'n ti kpa tra awlo nga be su di cɛn nun'n. Yɛlɛ kɛ sran'm be kwlaa be awieliɛ yɛlɛ wie'n, i ti ɔ fata kɛ be nga be nyin o su'n be bu i akunndan.

Akunndanfuɛ'n 9:2

Sa nga be ju sran'm be kwlakwla bé su'n, i kwlaa ti kunngba. Sran kpa'n i agualiɛ'n nin sran tɛ'n i agualiɛ'n be ti kunngba. Sa ng'ɔ ju sran kpa nin sran ng'ɔ ti saun Nyanmiɛn nyrun bé su'n, i sɔ sa kunngba'n ju sa tɛ yofuɛ'n su. Sran ng'ɔ yi sraka o, sran ng'ɔ yi-man sraka o, klun-ufuefuɛ o, klunwifuɛ o, sran ng'ɔ ta Nyanmiɛn nda o, sran nga be sro nda talɛ o, be awieliɛ'n ɔ ti kunngba.

Ezai 65:20

Be su wun-man kɛ bakan ɔ ´wu i kaan nun lɔ kun, yɛ sran kpɛnngbɛn b'ɔ yo-man oke kɔ-man mmua b'ɔ wu'n, be su wun-mɛn i sɔ lɔ kun. Afin sɛ sran kun ´wu nan ɔ lɛ afuɛ ya'n, wuun be flɛ kɛ ɔ tɛ yo gbanflɛn annzɛ talua. Sran nga ɔ'a di-man afuɛ ya nan ɔ wu'n, wuun be se kɛ b'a bo i sannzan ti-ɔ.

Ezai 65:22

Be su kplan-man sua be yaci man-man sran wie kɛ ɔ tran nun. Be su ta-man waka be yaci man-man sran uflɛ kɛ ɔ di i su mma. Afin min nvle'n nunfuɛ'm be ´cɛ cɛcɛcɛcɛ. Yɛ min sran kpa'm be ´di be bɔbɔ bé sa nuan ninnge'm be su.

Zeremi 17:6

I sɔ sran liɛ'n i agualiɛ'n yo kɛ susrɛ kan wie b'ɔ o lika kee'n nun'n sa. Ɔ ´minndɛ muae'n lele ɔ ´fɛ ngbɛn. Afin i sɔfuɛ'n ɔ'a yo kɛ ɔ ko trannin aawlɛ flɛnnɛn'n nun kan lika'n ti yrawa lɛ'n nun sa, ɔ ti kɛ njin asiɛ bɔ sran fi tran-man lɔ'n sa.

Hébreu 9:27

Be sieli i kɛ sran wu kpɛ kunngba, i sin be fɛ i kɔ Nyanmiɛn ja su.