Akunndanfuɛ'n 6:3 - NYANMIƐN NDƐ'N 1998

³ Man sran kun wu ba lele ya yɛ man ɔ cɛ lele'n, sanngɛ sɛ i nguan tɛnndɛn sɔ'n nun ɔ'a nyan-man alaje nan ɔ'a nyan-man asieliɛ kpa'n, ba ng'ɔ wu i nin klun lɔ b'ɔ flo tɔ'n, i nyrun ba nyan trɛ i.

Akunndanfuɛ'n 6:3 ပူးပေါင်းရင်းမြစ်များ

Bo Bolɛ 33:5

Kɛ Ezau wunnin bla nin ba mun'n, ɔ usali kɛ: «?Wan mun yɛlɛ be nga be su wɔ su yɛ'n?» Zakɔb waan: «Ba nga Nyanmiɛn fa mannin min mun-ɔn.»

Bo Bolɛ 47:9

Zakɔb tɛli i su kɛ: «M'an tu m'an tran mɛnmɛn wie'm be nun lele afuɛ ya afuɛ ablasan. Sa yalɛ sunman nyannin min, i ti m'an yo oke ndɛ. N su cɛ-man kɛ mín si'm be sa, kusu be yoli wlan-wlan sinfuɛ wie kɛ min sa.»

2 Famiɛn Mun 10:1

Akab lɛ ba ableso Samari klɔ'n su. Zei klɛli fluwa ɔli Samari, ɔ fa ko mannin Zizreɛl lɔ sonja kpɛnngbɛn mun, ɔ nin kpɛnngbɛn mun, ɔ nin be nga be kle Akab i mma'm be ngwlɛlɛ'n. Ɔ klɛli i fluwa'n nun kɛ:

2 Famiɛn Mun 9:35

Yɛ be ɔli kɛ be ´ko sie i-ɔ. Kɛ be ´kɔ i falɛ'n, i ti awa'n, nin i sa ngbabua mun, ɔ nin i ja mun yɛ be wunnin be-ɔ.

1 Be Nyoliɛ 28:5

Anannganman mannin min ba kpanngban. Ba sɔ'm be nun'n, ɔ kpali min wa Salomɔn kɛ ɔ tran Izraɛl b'ɔ ti i bɔbɔ Anannganman i nvle'n i famiɛn bia'n su.

2 Be Nyoliɛ 11:21

Rɔbɔam kloli Absalɔm wa Maaka sa trɛli i yi nin i soman'm be kwlaa. I yi nga be trannin i bo'n be ti blu-nin-mɔcuɛ, yɛ i soman'm be yoli ablesiɛn. I mma yasua'm be yoli ablaɔn-nin-mɔcuɛ, yɛ bla'm be yoli ablesiɛn.

Ɛstɛr 5:11

Aman dili i nuan kleli be. I anyanbeun sroesroe'n nin i wa yasua kpanngban'm be ndɛ yɛ ɔ kan kleli be-ɔ, yɛ i sa su nga famiɛn'n mɛnnin i'n b'ɔ man i dan tra mɛn'n su kpɛnngbɛn mun nin sonja kpɛnngbɛn'm be kwlaa'n be ndɛ yɛ ɔ kan kleli be ekun-ɔn!

Ɛstɛr 7:10

Nan b'a ko bo Aman kɔmin kɔmin bowlɛ ng'ɔ kplɛnnin i Mardose dunman nun'n su. Kɛ ɔ yoli sɔ'n yɛ famiɛn'n i ya'n jɔli-ɔ.

Zɔb I Nyrɛnnɛn Wunlɛ 3:11

Ɔo! ?Ɔ yo sɛ ti yɛ man m'an wu-man mín nin klun-ɔn? ?Ɔ yo sɛ ti yɛ man kɛ be wuli min cɛ'n m'an ka-man abialiɛ-ɔ?

Zɔb I Nyrɛnnɛn Wunlɛ 3:16

Annzɛ kusu wuun n nun-man lɛ, wuun n yoli kɛ ba bɔ be kpɔli i'n sa, wuun n yoli kɛ ba bɔ ɔ'a wun-man wia'n i wun'n sa.

Jue Mun 58:8

Man be wie kɛ nzue b'ɔ sonji kɔ'n sa, man be glɔ kɛ ijre bɔ b'a tiatia su'n sa.

Nyanndra Mun 17:6

Anunman'm be ti kɛ oke'm be famiɛn kle sa. Siɛ'm be kusu be ti kɛ ba'm be anyrunnyan like sa .

Akunndanfuɛ'n 4:3

Yɛ sran nga be nian wunnzɛ-mɛn i'n, i liɛ'n flunman lele tra be nga be nyin o su nin be nga b'a wu'n. Afin ɔ nian wun-man sa tɛtɛ nga be yo be nyanmiɛn'n bo wa yɛ'n be wie.

Akunndanfuɛ'n 6:4

Afin ba ng'ɔ flo tɔli sɔ'n, ɔ bali ngbɛn, ɔ su sɛ i sin aosin'n nun lɔ, be su si-mɛn i dunman mlɔnmlɔn.

Zeremi 22:19

Be ´sie i kɛ aflunmun wie sa. Be ´cuɛn i fuɛn'n klɔ'n nun be ´ko yi i Zerizalɛm sin lɔ.»

Zeremi 36:30

ɔ man ndɛ nga min Anannganman'n n kan man wɔ'n yɛ: sran nga be flɛ i kɛ Zozakim'n ɔ su nyan-man ba nan se kɛ anunman b'ɔ ´trɛn i ajalɛ nun David famiɛn bia'n su'n yɛ ɔ ´nyɛn i-ɔ. Zozakim bɔbɔ i fuɛn'n, be ´nɛnnɛn i lɛ wia'n bo i yɛ kɔnguɛ bɔlɛ flɔlɔ'n ɔ ´guɛ i su.

Zeremi 8:2

Be ´fa be yi gua'n su, wia'n i bo. Anglo nin nzraama'm be ´ta be su. Afin be kloli ninnge sɔ mun, be suli be, be suli be su, be fali bé wun mantannin be, be kotoli bé bo. Be su yiayia-man be owie sɔ'm be su. Be su sie-man be ndia nun. Be ´kaci kɛ angrɛ yɛ b'a fa guɛ i asiɛ'n nun sa.

Matthieu 26:24

M bɔ n kacili Sran'n n su kɔ kɛ be fa klɛli min wun ndɛ'n nun'n sa, sanngɛ sran ng'ɔ ´fa min man sran mun'n, i yako! Ɔ flunman kɛ b'a wu-man sran sɔ'n.»