Akunndanfuɛ'n 6:2 - NYANMIƐN NDƐ'N 1998

² A ´nian-an, sran wie o lɛ, kpɛkuun Nyanmiɛn ɔ'a yo man ɔ'a nyɛn i wun yɛ ɔ'a nyan nyrun. Like nga sran sɔ'n ɔ kunndɛ'n, i wie fi miɛn-mɛn i sa, sanngɛ wienun-ɔn, Nyanmiɛn kplin-man su kɛ ɔ di like sɔ'n su. Sran uflɛ yɛ ɔ di su-ɔ. Ɔ ti anwlɛn su fitalɛ like. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 6:2 ပူးပေါင်းရင်းမြစ်များ

1 Famiɛn Mun 3:13

Yɛ like nga w'a usa-man'n, n ´fa uka su: m ´man wɔ anyanbeun, ɔ nin anyrunnyan, ɔ ´tra ɔ blɛ su famiɛn'm be kwlakwla be liɛ'n.

1 Be Nyoliɛ 29:25

Anannganman mannin Salomɔn su dan kpa. I dunman'n fuli Izraɛlfuɛ'm be kwlaa be afiɛn. Yɛ Anannganman yoli man i sielɛ'n takali trali Izraɛl famiɛn nga be dunnin mmua i nyrun'n.

1 Be Nyoliɛ 29:28

Kɛ ɔ ´wu'n, wuun ɔ'a yo kpɛnngbɛn kpa. I klun jɔli i nguan'n su. Ɔ nyɛnnin i wun, yɛ ɔ nyannin nyrun. I wa Salomɔn yoli famiɛn, ɔ trɛnnin i ja nun.

2 Be Nyoliɛ 1:11

Nyanmiɛn seli Salomɔn kɛ: «A usa-man anyanbeun nin anyrunnyan. A usa-man kɛ ɔ kpɔfuɛ'm be wu. I kpa'n bɔ, a usa-man kɛ ɔ nguan nyanman'n yo tɛnndɛn'n. Kɛ bɔ nga a usali'n yɛlɛ ngwlɛlɛ ɔ nin akunndan nga be fa wun sa'm be wlɛ'n nga a ko fa ko sie min nvle bɔ n fa wɔ n sieli su'n,

Jue Mun 17:14

Anannganman, yo man n fin bé sa nun n fite. Bu klunwifuɛ mun nin be mma mun, ɔ nin be anunman mun be fɔ.

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Jue Mun 73:7

Be anyanbeun'n ti be bu-man sran nga'm be sran. Be klun akunndan be ti-man fiawa.

Akunndanfuɛ'n 4:4

N wunnin ekun kɛ sran'm bé klo kɛ be ´yo kɛ be wiengu'm bé sa, i ti yɛlɛ bé wun ase nga be wla be di junman lɛ'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 5:13

Kɛ sanvuɛsa wa tɔ i su'n, kpɛkuun i sɔ anyanbeun liɛ'n kwlaa ɔ'a tu anunman i sa nun. I ti ba yasua ng'ɔ wuli i'n, ɔ nyan-man like fi.

Akunndanfuɛ'n 5:16

Ng'ɔ o su ekun'n, yɛlɛ kɛ i blɛ ng'ɔ dili i nyanmiɛn'n bo wa'n, ɔ dili i aosin, nin sa yalɛ, nin afɛ, ɔ nin klunngbɔ'n nun .

Akunndanfuɛ'n 5:18

Cɛn wie Nyanmiɛn man sran wie anyanbeun kɛ ɔ di su aklunjuɛ. Sran sɔ'n nyɛn i liɛ junman ng'ɔ di'n i nun. Nyanmiɛn yɛ ɔ man i sɔ nin-ɔn .

Akunndanfuɛ'n 5:19

Nyanmiɛn man sran sɔ'n i klun'n ɔ jɔ dan, kpɛkuun i wla fi su kɛ i nguan'n ti tika.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Ngwlɛ Yilɛ 5:2

Like ng'ɔ ti e aja like klonglo'n, kɛ e ´se yɛ'n, ɔ o sran wie'm bé sa nun. Sran ngbɛn'm be yɛ be tran e sua'm be nun-ɔn.

Daniɛl 5:18

Nannan, Nyanmiɛn bɔ like fi nun-mɛn i sin'n, ɔ yoli man ɔ́ si Nɛbikadnɛzar yoli famiɛn dan kpa, ɔ nyannin nyrun, yɛ be mɛnmɛnnin i kpa.

Ndɛ Nga Nyanmiɛn I Nuan Ijɔfuɛ Oze Kannin'n 7:9

I wunmiɛn ng'ɔ o i nun'n, aofuɛ'm b'a fa, sanngɛ ɔ si-man sɔ. I ti'n ɔ'a bo je sanngɛ ɔ wun-man nun kɛ ɔ'a yo oke.

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .

Mmla'n 28:43

Aofuɛ nga be ´sike amun'n, be ´nyan nyrun tra amun tititi. Sanngɛ amun liɛ'n, amun ´kan ase tititi.

Jɔlɛ Difuɛ Mun 18:10

Sɛ amun ju lɔ'n, amun wa wun kɛ be bu-man akunndan kɛ sran wie ɔ wa fa alɛ wla bé sin cɛn wie le. Lika'n ti tɛtrɛ. Like kwlaa nga sran kun kwla miɛn i wun'n, be nyɛn i lɔ. Nyanmiɛn kusu yili lika sɔ'n mannin amun.»