Akunndanfuɛ'n 6:10 - NYANMIƐN NDƐ'N 1998

¹⁰ Ninnge nga be o mɛn'n nun'n, b'a tɔn be kwlaa be dunman laa, yɛ e si like nga be flɛ i klɔ sran'n. Klɔ sran'n ɔ nin like nga i wunmiɛn trɛ i liɛ'n be kwla si-man akplowa.

Akunndanfuɛ'n 6:10 ပူးပေါင်းရင်းမြစ်များ

Bo Bolɛ 3:9

Yɛ Anannganman Nyanmiɛn ´flɛ yasua nin-ɔn, ɔ usɛli i kɛ: «?A o nin?»

Zɔb I Nyrɛnnɛn Wunlɛ 33:13

?Ɔ yo sɛ ti yɛ kɛ ɔ tɛ-man sa nga a usɛ i'n be su'n, a kɛn i ndɛ nin-ɔn?

Zɔb I Nyrɛnnɛn Wunlɛ 40:2

«Nja b'ɔ nin min Nyanmiɛn b'ɔ n kwla like kwlaa yo'n si akplowa'n, sɛ a nin min lɛ ndɛ-ɔ, kan! Nja bɔ i yɛ ɔ kle ngwlɛlɛ'n, sɛ a ´tɛ min su o!»

Zɔb I Nyrɛnnɛn Wunlɛ 9:32

Min nin Nyanmiɛn sɛ-man. Ɔ ti-man sran, e nin i e kwla kan-man ndɛ. N kwla n ko sɛnmɛn-mɛn i.

Jue Mun 103:15

Klɔ sran'n i nguan'n ɔ ti kɛ ijre sa. Ɔ ti kɛ blo lɔ ijre nnyrɛ'n b'ɔ kpuke'n sa.

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Nyanndra Mun 21:30

Anannganman i like nga i waan ɔ ´yo i sa'n, sran i akunndan o, sran i ngwlɛlɛ o, sran i gugulɛ o, i wie fi kwla jrɛn-mɛn i.

Akunndanfuɛ'n 3:15

Sa nga be ju kɛ e ´se yɛ'n, ɔ nin sa nga be wa ju cɛn wie'n, be wunsu sa'm be juli laa blɛ liɛ'n nun. Nyanmiɛn yo man sa nga be juli laa'n be ju ekun.

Akunndanfuɛ'n 6:11

Kɛ sran kun ijɔ kpanngban'n, ɔ kan ndɛ ngbɛn ngbɛn mun. ?Mmlusuɛ onin yɛ sran kwla nyɛn i nun-ɔn?

Zeremi 49:19

«N ´yo kɛ asɔmɔli wie b'ɔ fin Zurdɛn nuan susrɛ wie nun fite kpɛkuun ɔ ti nyanman kɔ aawlɛ flɛnnɛn'n i afiɛn nzue ti lika'n i ndɛnman trele'n sa. Be nyinma bulɛ kun nun'n, n ´fuan Edɔmfuɛ mun sekeseke. N ´fa min sran liɛ'n n ´sie Edɔm su kpɛnngbɛn. ?Wan cɛ yɛ ɔ nin min sɛ-ɔ? ?Kɛ wan sa cɛ yɛ ɔ ´se min kɛ: ‹Nguɛ ti yɛ a yo sɔ-ɔ?› ?Kpɛn onin bɔ cɛ yɛ ɔ jran min nyrun-ɔn ɔ yo ye-ɔ?

1 Korɛntfuɛ Mun 10:22

?E ´kan e Min'n i ya? ?E lɛ wunmiɛn trɛ i ?