Akunndanfuɛ'n 5:9 - NYANMIƐN NDƐ'N 1998

⁹ Sran ng'ɔ klo sika dan'n, i nyin yi-man ng'ɔ lɛ i'n, sran ng'ɔ klo anyanbeun'n, ɔ nyɛn-mɛn i nun mmlusuɛ'n wie. I sɔ sa'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 5:9 ပူးပေါင်းရင်းမြစ်များ

Jue Mun 115:16

Nglo lɔ lika'n ti Anannganman bɔbɔ i lika. Ɔ fali asiɛ'n kusu mannin sran mun.

Nyanndra Mun 13:23

Yalɛfuɛ'n i fie liɛ ng'ɔ di'n, ɔ fite aliɛ kaka. Sran wie'm be kusu be gblɛ'n ti be wu.

Nyanndra Mun 28:19

Sran ng'ɔ di fie'n, i ku yi. Sran nga kusu bɔ finfin'n yɛ ɔ yo sin'n, san yalɛ'n yɛ ɔ di i-ɔ.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 5:10

Kɛ sran kun ko nyɛn i wun dan'n, be nga be su i su be di i wun ninnge mun'n, be di-man be yalɛ. ?Be nga be lɛ ninnge kaka sɔ mun'n, nguɛ yɛ be nyɛn i nun-ɔn? ?Nán nianlɛ bɔ be ´nian ninnge sɔ'n sa'n yɛ ɔ ti be liɛ nin-ɔn?

Akunndanfuɛ'n 5:8

Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Akunndanfuɛ'n 6:7

Sran'n i nuan nun aliɛ'n i nyanlɛ'n i ti yɛlɛ junman kekle ng'ɔ di i nyanmiɛn'n bo wa'n. Sanngɛ ninnge ng'ɔ nyan be'n wie fi jɔ-mɛn i klun.