Akunndanfuɛ'n 5:8 - NYANMIƐN NDƐ'N 1998

⁸ Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Akunndanfuɛ'n 5:8 ပူးပေါင်းရင်းမြစ်များ

2 Be Nyoliɛ 26:10

Ɔ kplannin sua bɔ be di nun gladi'n aawlɛ flɛnnɛn'n nun lɔ. Ɔ kpɛli nzue gbo kpanngban mɛn'n i ngua lɔ nin lika kpɛtɛkplɛɛ'n nun lɔ, afin ɔ lɛ nnɛn kpanngban. Ɔ lɛ fie difuɛ mun nin vinyi fie su nianfuɛ mun bɔ be di i junman kpɔlɛ'm be su lɔ nin vinyi fie'm be nun'n, afin ɔ klo asiɛ wun junman bɔ be di'n kpa.

Zɔb I Nyrɛnnɛn Wunlɛ 24:23

Ɔ yo man be tran fɔuun be klun ti-man be. Kan kwlaa nga be ´kɔ lɛ'n, ɔ nian be su.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 55:9

wuun n ´nyan aunngban dan b'ɔ ´fita'n i wun fiawlɛ kun icra'n.

Jue Mun 82:1

Jue nga ti Azaf liɛ. I waan: Nyanmiɛn i wun sran mun b'a sin b'a yiɛ i, ɔ su di jɔlɛ.

Jue Mun 83:18

Man bé nyin gua ase, man srɛ kun be sa tititi, man bé wla bo bé wun, man be yo kokloo!

Jue Mun 95:3

Afin Anannganman ti Nyanmiɛn kun b'ɔ ti kpli. Ɔ ti famiɛn dan ɔ sie ninnge'n kwlaa.

Nyanndra Mun 22:16

Sran ng'ɔ kle yalɛfuɛ'n i yalɛ'n, wuun ɔ su mɛn i anyanbeun. Sran nga kusu b'ɔ cɛ wlengbifuɛ like'n, i bɔbɔ di yalɛ.

Nyanndra Mun 24:12

Sɛ a se kɛ: «M'an wun-man nun o!» Nyanmiɛn bɔbɔ si nun. Ɔ si ɔ sa nga a yo be'n. I nyin ta wɔ. Ɔ si sa ngba. Sran kun i sa ng'ɔ yo be'n, i su yɛ ɔ nian fa bu i fɔ-ɔ.

Nyanndra Mun 8:17

Be nga be klo min'n, n kusu n klo be. Be nga be kunndɛ min'n, be wun min .

Akunndanfuɛ'n 3:16

N wunnin i wlɛ nyanmiɛn'n bo wa ekun kɛ kan be di jɔlɛ lɛ'n, klunwi o lɛ, yɛ be di ndɛ kwlɛ lɛ.

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Akunndanfuɛ'n 5:9

Sran ng'ɔ klo sika dan'n, i nyin yi-man ng'ɔ lɛ i'n, sran ng'ɔ klo anyanbeun'n, ɔ nyɛn-mɛn i nun mmlusuɛ'n wie. I sɔ sa'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 7:7

Sɛ be su kle sran kun nyrɛnnɛn'n, ɔ yo ngwlɛlɛfuɛ'n i ya lele tra su. Adi nga be man'n, ɔ yo man sran di-man nanwlɛ.

Akunndanfuɛ'n 8:9

M buli ninnge nga be yo be nyanmiɛn'n bo wa'n be akunndan kpa n niannin. Ɔ lɛ blɛ kun bɔ sran kun sie i wiengu kun kpɛkuun ɔ kle i nyrɛnnɛn-ɔn.

Ezai 10:12

Sɛ Anannganman ko wie i junman'n kwlakwla di Siɔn oka'n su lɔ nin Zerizalɛm lɔ'n, ɔ nin Asiri famiɛn'n be ´yia nun i wun tulɛ'n nin i wun dandan yolɛ'n ti.

Ezai 3:15

?Nzu ti yɛ amun tin min sran'm be su-ɔ? ?Nzu ti yɛ amun yo yalɛfuɛ'm be tokotoko sɔ-ɔ?» Min, Anannganman bɔ n sie mɛn wunmuan'n min yɛ n usa sɔ-ɔ.

Ezai 37:36

Anannganman i anz'n ɔli Asirifuɛ'm be nanmue'n nun. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun-ɔn, nanmue'n nun ti fuɛn ngunmin.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Ezai 57:15

Afin Anannganman b'ɔ o like kwlaa ti su'n, bɔ i lika ng'ɔ tran nun'n lɛ-man bo tuwlɛ'n, bɔ i dunman'n lɛ-man wunsu'n, i wan yoo: «N tran lika nga be o nglo-nglo mmua lɔ'n be nun, yɛ min nzuɛn nin klɔ sran liɛ ti-man kun. Sanngɛ be nga b'a fɛ'n, ɔ nin be nga bé wun a fɔ'n, min nin be e o nun, kɛ ɔ ´yo nan m'an wla be fanngan, nan m'an wla be nga b'a fɛ'n be fanngan wie'n ti .

Ezekiɛl 18:18

I si yɛ ɔ mianmiannin sran mun-ɔn, i yɛ ɔ wuali-ɔ, i yɛ ɔ yoli sran nga be mɛntɛn i'n be tɛtɛ nin-ɔn. I bɔbɔ yɛ ɔ wa wu i sa tɛ'm bé nuan-an.

Amɔs 5:12

«Min Nyanmiɛn, amún sa tɛ nga amu'an yo'n, bɔ ɔ'a bobo su n si be. N si kɛ sran nga ɔ'a yo-man like fi'n, an fa bé nyin be ci i. An kan ndɛ sika nun. Amun ndɛ kanwlɛ lɔ'n, amun bu ndɛ be yi i yalɛfuɛ'm be su.»

Amɔs 6:12

?Nnɛn kpanngɔ'm be wanndi yɛbuɛ su-ɔ, ɔ yo ye? ?Be kwla fa nannin be trutru kpangba nun kɛ be ´lua nun like-ɔ ɔ yo ye'n? ?Yɛ wuun sɛ ti yɛ amu'an yo man nanwlɛ dilɛ'n ɔ'a kaci kɛ duwlɛ sa nin-ɔn, bɔ sa i nan su yolɛ'n ɔ'a kaci kɛ kondu sa nin-ɔn?

Mise 2:9

Awlo nga min nvle'n nun mmla'm be klo nun tranlɛ'n, amun ko kankan be bo i nun. Kpɛkuun anyrunnyan nga n fa mannin be mma mun'n, an deli bé sa nun.

Zakari 8:6

Anannganman b'ɔ sie mɛn wunmuan'n wan yoo: «?Sɛ Izraɛlfuɛ nga be kali'n, be lafi su kɛ i sɔ sa'n kwla yo-man le'n, i sɔ'n ti m bɔbɔ n kwla m bu i sɔ wie ?»

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

JÉSUS-CHRIST I DYASIN FE'N BO LUC KLELI'N 1:32

Ɔ ´yo sran dan, be ´flɛ i kɛ Nyanmiɛn bɔ like fi nun-mɛn i sin'n i Wa, yɛ e Min Nyanmiɛn'n ɔ ´fɛ i nannan David bia'n mɛn i.»

JÉSUS-CHRIST I DYASIN FE'N BO LUC KLELI'N 1:35

Yɛ anz'n seli i kɛ: «Nyanmiɛn Wawɛ'n ɔ ´ba ɔ́ wun, yɛ Nyanmiɛn bɔ like fi nun-mɛn i sin'n, ɔ ´jran ɔ sin. I sɔ'n ti'n, ba'n bɔ a ´wu i b'ɔ ti Nyanmiɛn liɛ klonglo'n, be ´flɛ i Nyanmiɛn Wa .

JÉSUS-CHRIST I DYASIN FE'N BO LUC KLELI'N 1:76

Bakan, ɔ kusu, be wa flɛ wɔ Nyanmiɛn bɔ like fi nun-mɛn i sin'n i nuan ijɔfuɛ, afin a ´dun mmua e Min'n nyrun a ´siesie i akpɔ'n .

Sa nga bé yôli'n 12:23

I osu kunngba'n nun e Min Nyanmiɛn i anz kun man tukpacɛ wie tɔli i su. Kakaa'm be loli i wun nan ɔ'a wu yɛlɛ kɛ ɔ'a tu-man Nyanmiɛn i kpli.

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?

Jacques 2:13

Afin kɛ Nyanmiɛn ´di be nga be si-man sran aunnvuɛ'n be jɔlɛ'n, ɔ su si-man be aunnvuɛ. Sɛ aunnvuɛ silɛ'n nin fɔ bulɛ'n be ti sran'n, wuun aunnvuɛ silɛ'n kwla fɔ bulɛ'n.

1 Piɛr 4:12

N sran kpa mun, nán man sa ng'ɔ tɔ amún su amun sa nianlɛ'n ti'n, ɔ bo amún nuan. Nán an bu i kɛ ɔ ti sa tɛ.

1 Jean 3:13

Aniaan mun, sɛ mɛn'n nunfuɛ'm be kpɔ amun'n, nán man ɔ bo amún nuan.