Akunndanfuɛ'n 5:6 - NYANMIƐN NDƐ'N 1998

⁶ Sinnglinfuɛ'n i like liɛ ng'ɔ klo i'n yɛlɛ like nga be kwla yo-man'n i akunndan bulɛ nin ndɛ finfin, ɔ nin ndɛ kpanngban'm be kanlɛ. Sanngɛ ɔ liɛ bɔ a ti ngwlɛlɛfuɛ'n, man ɔ nyin yi Nyanmiɛn .

Akunndanfuɛ'n 5:6 ပူးပေါင်းရင်းမြစ်များ

Bo Bolɛ 48:16

nan anz ng'ɔ deli min sa yalɛ'n kwlakwla nun'n ɔ `yo ba nga'm be ye. Man n dunman'n ka be su. Man min nannan Abraam nin mín si Izaak be dunman'n ka be su. Man be trɛ kpa mɛn'n nun.»

Nyanndra Mun 23:17

Nán ɔ́ nyin ka klunwifuɛ'm bé sin, aliɛ ba blu-nin-nso nun'n, man ɔ́ nyin yi Anannganman.

Akunndanfuɛ'n 10:12

Akunndanfuɛ'n i nuan nun ndɛ'n yo man sran'm bé nyin yi i. Sanngɛ sinnglinfuɛ'n i nuan ndɛ'n mlin i bɔbɔ.

Akunndanfuɛ'n 3:14

N wunnin i wlɛ ekun kɛ Nyanmiɛn i sa ti like liɛ ng'ɔ yo'n, ɔ lɛ-man awieliɛ, ɔ ti anannganman. Be kwla uka-man su, be kwla kpɛ-man su. Sa ti bɔ Nyanmiɛn yo sɔ'n yɛlɛ kɛ ɔ klo kɛ sran'm bé nyin yi i .

Saun Yolɛ 4:2

ɔ `kan ndɛ ng'ɔ yɛ'n kle Izraɛlfuɛ mun. I waan: «Like nga min mmla'n tannin kɛ nán be yo i mlɔnmlɔn'n, bɔ sran kun ɔ'a sunnzun-man kɛ ɔ ´yo i sɔ sa'n, bɔ ɔ'a yo'n, like ng'ɔ fata kɛ ɔ yo'n yɛ:

Saun Yolɛ 4:22

«Sɛ siefuɛ kun yɛ like nga min Anannganman b'ɔ n ti i Nyanmiɛn'n min mmla'n tannin kɛ nán be yo i mlɔnmlɔn'n, b'ɔ sunnzun-man kɛ ɔ ´yo, kpɛkuun i sɔ sa liɛ'n ɔ'a yo'n, wuun ɔ'a yo sa tɛ.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Kalɛ 15:25

Man min nyrun jranfuɛ'n ɔ yo like ng'ɔ fata kɛ ɔ yo nan m'an yaci Izraɛlfuɛ nga be yiali'n be kwlaa bé sa m'an cɛ be'n, kpɛkuun n ´yaci bé wun sa'n n ´cɛ be, afin sanvuɛsa-a, yɛ kusu b'a yi i ti tɛ nga be yrɛ i nnɛn'n kɔlikɔli'n nin n kpatalɛ tɛ'n.

1 Korɛntfuɛ Mun 11:10

I sɔ'n ti'n, man bla fa like b'ɔ kle kɛ yasua sie i'n kɛtɛ i ti anz'm be ti.

1 Timote 5:21

Fa ndɛ nga m'an kan kle wɔ yɛ'n su kpa, sɛ a nian ti-man sran kun i nuan nun ndɛ'n, nán bu i fɔ, nán bu sran'n wie kpa tra wie. Nyanmiɛn, nin Krist-Jésus, ɔ nin Nyanmiɛn i anz'm b'ɔ kpali be'n be ti min lalofuɛ kɛ n kan ndɛ sɔ'n kleli wɔ.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

Jacques 1:26

Sɛ sran kun bu i wun kɛ ɔ su Nyanmiɛn sanngɛ ɔ sie-mɛn i nuan'n diin'n, i Nyanmiɛn sulɛ'n ti ngbɛn, ɔ su lɛkɛ i wun.

Jacques 3:2

E kwlaa e fɔn sa sunman nun. Sran nga i nuan fitefite-man tɛtɛ'n, ɔ ti sran kpa b'ɔ kwla niɛn i wun su.

2 Jean 1:8

I sɔ'n ti, an `nian amún wun kpa nan amun junman'n i nuan like'n ɔ'a to-man fuan-man amun sanngɛ amu'an nyan nun like kpa'n ti.