Akunndanfuɛ'n 5:5 - NYANMIƐN NDƐ'N 1998

⁵ Nán kan ndɛ tɛ ng'ɔ ko fa wɔ ko wla sa tɛ nun'n, kɛ ɔ ´yo nan ɔ'a mian-man ɔ́ sa nan w'a se-man Nyanmiɛn nyrun jranfuɛ'n kɛ nán ɔ nyinfu'n ti. Sɛ ɔ'a yo-man sɔ-ɔ, ɔ ijɔlɛ sakasaka sɔ'n ti, Nyanmiɛn ´fa ɔ wun ya kpɛkuun ɔ ´saci ɔ́ sa nun ninnge'm be ngba .

Akunndanfuɛ'n 5:5 ပူးပေါင်းရင်းမြစ်များ

Nyanndra Mun 20:25

A kpli ta Nyanmiɛn nda-a, a mian. Sɛ a ta nda kwlaa ka nan w'a bu i akunndan'n, ɔ ti-man kpa.

Saun Yolɛ 5:4

Sɛ sran wie ɔ'a bu-man akunndan kpɛkuun ɔ ta nda ngbɛn kɛ ɔ ´yo sa kpa wie annzɛ kusu ɔ ´yo sa tɛ wie'n, nan sɛ i kasiɛn nun ɔ wa si kɛ kannzu ndɛ kun yɛ ɔ'a kɛn i lɛ'n, wuun ɔ'a yo sa tɛ.

Zonas 2:9

Sran nga amuɛn bɔ be bɔn-man like'n yɛ be sɔ be'n, be bɔbɔ man a kwla si-man be aunnvuɛ.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Sa nga bé yôli'n 5:4

?Kɛ ɔ o lɛ bɔ a nian yo-mɛn i atɛ'n, ɔ ti-man ɔ liɛ? ?Yɛ kɛ a yoli i atɛ'n, i sika'n ti-man ɔ liɛ? ?Nguɛ ti yɛ a bu akunndan kɛ nga sa-a? Nán sran yɛ a bua ato sɔ'n kleli i-ɔ, sanngɛ Nyanmiɛn-ɔn.»

Mmla'n 23:21

Aofuɛ mun yɛ sɛ be usa afɛ amun sa nun'n, amun se be kɛ be su i bo-ɔ. Sanngɛ sɛ amun niaan Izraɛlfuɛ'm be usa afɛ amun sa nun'n, amun lɛ-man atin se-man be kɛ be su i bo. I liɛ'n, Anannganman amun Nyanmiɛn'n ɔ ´yo man junman kwlaa nga amun ´di i lika nga amun ´ko fɛ i lɔ'n nun'n, ɔ ´yo ye amún sa nun.

Mmla'n 23:22

Sɛ a ta Anannganman i nda kɛ a ´cɛ i like wie'n, nán man ɔ cɛ nan w'a yiɛ i nuan. Sɛ ɔ'a yo-man sɔ'n, Anannganman ɔ Nyanmiɛn'n ɔ usa wɔ nun, kpɛkuun wuun sa tɛ yɛ w'a yo i lɛ-ɔ.

Jɔlɛ Difuɛ Mun 11:35

Kɛ ɔ wunnin i cɛ'n, ɔ titili i tralɛ'n nun. I waan: «Ee! Mín wa, w'a kun min, w'a kun min! Amun ngba yɛ amun sanngan min akunndan nin-ɔn. M'an ta nda Anannganman i nyrun. N lɛ-mɛn i yowlɛ fi kun.»