Akunndanfuɛ'n 5:4 - NYANMIƐN NDƐ'N 1998

⁴ Sɛ w'a se-man Nyanmiɛn kɛ a yo like wie mɛn i'n, ɔ ti kpa tra kɛ a se i kɛ a ´yo like wie mɛn i nan w'a yo-man'n.

Akunndanfuɛ'n 5:4 ပူးပေါင်းရင်းမြစ်များ

Bo Bolɛ 28:20

Zakɔb tali nda, i waan: «Sɛ Nyanmiɛn nin min o nun'n, sɛ ɔ yo man n nanti ye'n, sɛ ɔ man min aliɛ n di'n, sɛ ɔ man min tralɛ n wla'n,

Bo Bolɛ 35:1

Nyanmiɛn seli Zakɔb kɛ: «Kɛ a ´wanndi ɔ niaan bian Ezau nyrun a ´kɔ'n, Nyanmiɛn ng'ɔ fiteli ɔ nyrun'n yɛlɛ min. Ɔ man jaso kɔ Betɛl ko tran lɔ, kplan min sɔwlɛ kun lɔ man min.»

Bo Bolɛ 35:3

An `siesie amún wun man e wɔ Betɛl. N ´ko kplan Nyanmiɛn sɔwlɛ kun lɔ m ´man Nyanmiɛn nga min asamian blɛ'n nun ɔ tɛli min su'n, bɔ kusu ɔ ukali min ajalɛ bɔ n tuli'n nun'n.»

Jue Mun 116:14

Ninnge nga n tali nda kɛ n ´yo be m ´man Anannganman'n, n ´yo be i nvlefuɛ'm be nyrun.

Jue Mun 119:106

Jɔlɛ klanman nga a dili'n, i su sa bɔ n seli wɔ kɛ n ´yo'n, san n ´yo i nuan su.

Jue Mun 22:25

Afin ɔ yo-man nyrɛnnɛnfuɛ'n i finfin, ɔ yi-mɛn i ase, ɔ kaci-mɛn i sin si-mɛn i. Sanngɛ kɛ nyrɛnnɛnfuɛ sɔ'n ɔ kpan flɛ i'n, ɔ sie i su ɔ ti.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Jue Mun 76:11

Sɛ sran'm be fa ya sɛ, i agualiɛ su'n, wɔ yɛ a nyan nyrun be ya falɛ sɔ'n nun-ɔn. Be nga be ko nyan bé ti ɔ́ ya liɛ bɔ a fa nun'n, be ´di cɛn be man wɔ.

Nyanndra Mun 20:25

A kpli ta Nyanmiɛn nda-a, a mian. Sɛ a ta nda kwlaa ka nan w'a bu i akunndan'n, ɔ ti-man kpa.

Ezai 19:21

I blɛ sɔ nun'n, Anannganman ´yi i wun ´kle Eziptfuɛ mun. Be ´si i, be ´yi tɛ be mɛn i, yɛ be ´yi sraka be mɛn i. Be ´ta nda kɛ be ´yo like be mɛn i, yɛ be ´nian su be ´yo.

Zonas 2:9

Sran nga amuɛn bɔ be bɔn-man like'n yɛ be sɔ be'n, be bɔbɔ man a kwla si-man be aunnvuɛ.

Malasi 1:10

Anannganman b'ɔ sie mɛn wunmuan'n wan yoo: «Sɛ sran kun ko nyin Nyanmiɛn sua'n i anuan'n ɔ flunman. I liɛ'n amun su trɔ-man sin mín sɔwlɛ'n su ngbɛn kun. Amun wun yo-man min fɛ. Ɔ man kusu like nga amun fa man min'n, n su sɔ-man nun.

Kalɛ 30:2

Moiz kannin Anannganman i nuan su ndɛ mun kleli Izraɛl akpasua-akpasua'm bé su kpɛn mun. Ɔ seli be kɛ Anannganman wan yoo:

Matthieu 5:33

«An tili i ekun kɛ be kan kleli laafuɛ'm be kɛ: ‹Nán ta nda ngbɛn, sanngɛ nda nga a ta e Min Nyanmiɛn'n, yiɛ i nuan.›

Hébreu 10:6

Tɛ nga be yrɛ i nnɛn kɔlikɔli'n annzɛ ɔ kpatalɛ tɛ'n, be jɔ-man ɔ klun.

Jɔlɛ Difuɛ Mun 11:35

Kɛ ɔ wunnin i cɛ'n, ɔ titili i tralɛ'n nun. I waan: «Ee! Mín wa, w'a kun min, w'a kun min! Amun ngba yɛ amun sanngan min akunndan nin-ɔn. M'an ta nda Anannganman i nyrun. N lɛ-mɛn i yowlɛ fi kun.»