Akunndanfuɛ'n 5:18 - NYANMIƐN NDƐ'N 1998

¹⁸ Cɛn wie Nyanmiɛn man sran wie anyanbeun kɛ ɔ di su aklunjuɛ. Sran sɔ'n nyɛn i liɛ junman ng'ɔ di'n i nun. Nyanmiɛn yɛ ɔ man i sɔ nin-ɔn .

Akunndanfuɛ'n 5:18 ပူးပေါင်းရင်းမြစ်များ

Jue Mun 42:8

Wɔ man nzue'n ɔ bo, kpɛkuun ɔ bo ekun flan nun. Nzue ng'ɔ ´bo lɛ'n, i kwlakwla'n sin min su kpan! Ɔ kata min su kplu!

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Akunndanfuɛ'n 2:10

Like kwlaa nga n klo kɛ n ´nian'n, n niannin. Like nga be nyan nun aklunjuɛ'n i wafa wie fi ɔ'a san-man mín wun. Min junman kwlaa nga n dili'n, n nyɛnnin i nuan aklunjuɛ. Junman nga n dili'n i nuan like liɛ nga n ko nyɛn i mɛn'n nun'n, yɛ ɔ o lɛ-ɔ.

Akunndanfuɛ'n 2:24

Like ng'ɔ ti kpa man sran'n, yɛlɛ aliɛ dilɛ nin nzan nɔnlɛ, ɔ nin junman bɔ be di'n i nuan like nyanlɛ. N wunnin kɛ like kpa sɔ'n kusu Nyanmiɛn yɛ ɔ man-an.

Akunndanfuɛ'n 2:3

N seli n klun lɔ kɛ n ´fa mín wun n ´wlɛ i nzan nɔnlɛ nun nan n ´yo sinnzin ninnge'm be kwlaa, sanngɛ min waan n ´yo i akunndan su. Min waan n ´yo sɔ nan n ´wun like ng'ɔ nin klɔ sran i yolɛ fata blɛ'n kwlaa'n ng'ɔ ´di i nyanmiɛn'n bo wa'n.

Akunndanfuɛ'n 3:22

I agualiɛ su'n, n wunnin i kɛ, like ng'ɔ ti kpa man sran'n, yɛlɛ i junman ng'ɔ dili'n i nun ninnge b'ɔ nyɛnnin i'n i wie dilɛ. ?Afin sɛ sran kun i blɛ liɛ'n ko ju'n, wan yɛ ɔ kwla fɛ i ba mɛn'n nun wa ekun bɔ sa nga be yo be i sin wa'n, ɔ ´kwla wun be nun ekun-ɔn?

Akunndanfuɛ'n 6:2

A ´nian-an, sran wie o lɛ, kpɛkuun Nyanmiɛn ɔ'a yo man ɔ'a nyɛn i wun yɛ ɔ'a nyan nyrun. Like nga sran sɔ'n ɔ kunndɛ'n, i wie fi miɛn-mɛn i sa, sanngɛ wienun-ɔn, Nyanmiɛn kplin-man su kɛ ɔ di like sɔ'n su. Sran uflɛ yɛ ɔ di su-ɔ. Ɔ ti anwlɛn su fitalɛ like. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 8:15

N wunnin i kɛ like ng'ɔ ti kpa man sran'n yɛlɛ aklunjuɛ dilɛ. Afin nyanmiɛn'n i bo wa'n, like fi ti-man kpa man-man sran kɛ like dilɛ, nin nzan nɔnlɛ, ɔ nin aklunjuɛ nyanlɛ'n sa. Kɛ sran'n fɛ nyanmiɛn'n bo wa lele'n, i junman nuan like nga Nyanmiɛn mɛnnin i kɛ ɔ `nyɛn i'n yɛ ɔ o lɛ-ɔ.

Akunndanfuɛ'n 9:7

I sɔ'n ti, di ɔ́ sa ti aliɛ'n, nan nɔn ɔ́ sa ti nzan'n man ɔ klun jɔ. Afin ɔ sa nga a yo be'n, be jɔ Nyanmiɛn i klun.

Zeremi 52:34

Yɛ kusu lele b'ɔ ´fa ju i nguan'n i awieliɛ'n, famiɛn'n mɛnnin i like kwlaa ng'ɔ miɛn i sa'n. Ɔ'a kpɛ-man cɛn kun lele yɛ wie'n fa kunnin i-ɔ.

1 Korɛntfuɛ Mun 16:16

man amún nyin yi sran kɛ nga be ti kɛ be sa mun, yɛ be kwlaa nga be mian bé nyin be nin be di junman kunngba'n, amun nyin yi be wie.

Mmla'n 12:18

Kan amun `di be'n yɛlɛ lika nga Anannganman amun Nyanmiɛn'n ko kle'n i nun. Amun `di be Anannganman amun Nyanmiɛn'n i nyrun lɛ. Amun nin amun mma yasua mun nin amun mma bla mun, nin amun kanga mun, nin amun afanniɛn bla mun, ɔ nin Levifuɛ nga be nin amun tran lɛ'n yɛ amun `di be sɔ nin-ɔn. Amun junman nuan like nga amun nyannin be'n, amun `di be Anannganman amun Nyanmiɛn'n i nyrun lɛ aklunjuɛ nun.

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 26:11

Kpɛkuun amun nin Levifuɛ mun, ɔ nin aofuɛ nga be nin amun tran lɛ mun'n, amun `di cɛn, ye nga Anannganman amun Nyanmiɛn'n ɔ yoli amun nin amun awlofuɛ mun'n ti.

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.