Akunndanfuɛ'n 5:17 - NYANMIƐN NDƐ'N 1998

¹⁷ Sa nga n wunnin i sa sɔ'm be kwlaa be nun'n yɛ: like ng'ɔ ti kpa man sran'n, yɛlɛ aliɛ dilɛ, nin nzan nɔnlɛ, ɔ nin i junman kekle ng'ɔ di'n i nuan like nyanlɛ. Blɛ nga Nyanmiɛn mɛnnin i kɛ ɔ di i nyanmiɛn'n bo wa'n, ng'ɔ ti i liɛ'n yɛ ɔ o lɛ-ɔ.

Akunndanfuɛ'n 5:17 ပူးပေါင်းရင်းမြစ်များ

Bo Bolɛ 3:17

Yɛ ɔ seli yasua'n kusu kɛ: «Sa ti bɔ ɔ́ yi i aniɛn liɛ'n yɛ a tili'n, bɔ a dili waka mma nga n seli wɔ kɛ: ‹Nán di'n,› i ti asiɛ'n ´saci. A ´fɛ kpa nan w'a nyan ɔ́ nuan nun aliɛ. Ɔ ´yo sɔ lele yɛ a ´fa wu-ɔ.

1 Famiɛn Mun 17:12

Bla'n tɛli i su kɛ: «N kan Anannganman ɔ Nyanmiɛn'n! N lɛ-man kpaun bewa lɛ. N like nga n lɛ i'n yɛlɛ sanmlɛn kan. Ɔ ti bé sa buɛ kun, ɔ o sɛ'n i bo lɔ. Yɛ n lɛ ngo kaan sa sɛ mma kun nun. M bali kɛ n wa bu yie kan nan n ´fa ko tɔn sanmlɛn kan sɔ'n nan e nin mín wa'n e ´di, kpɛkuun wie'n yɛ e su minndɛ i siɛn nin-ɔn.»

2 Famiɛn Mun 1:2

Le kun Akazia fin i nglo sua ng'ɔ o Samari lɔ'n i fenɛtri nun tɔli. Like yaya yoli i, yɛ ɔ sunmannin i sufuɛ wie'm be kɛ be ko usa Ekrɔnfuɛ'm be amuɛn'n bɔ be flɛ i Baal-Zɛbib'n kɛ like nga ɔ'a yo i yɛ'n, ɔ ´jaso.

2 Famiɛn Mun 1:6

Be tɛli i su kɛ: «Kɛ e ´kɔ'n, sran kun nin ye yiali. Ɔ seli ye kɛ: ‹Amun `sa amun sin famiɛn b'ɔ sunmannin amun'n i sin lɔ, nan amun `se i kɛ: Anannganman waan: ?Nyanmiɛn nun-man Izraɛl wa ti yɛ a sunman sran Baal-Zɛbib b'ɔ ti Ekrɔnfuɛ'm be amuɛn'n i sin-ɔn? I ti'n, li nga a la su lɛ'n, a su fin-man su jra-man kun, a ´wu.› »

2 Famiɛn Mun 5:27

Nian, Naaman i kokowe'n, ɔ ´yo wɔ nin wɔ osu'n nunfuɛ mun, yɛ ɔ ´ka amún wun sɔ tititi.» Yɛ Geazi fiteli-ɔ. Kɛ ɔ fɛ i Elize wun lɛ b'ɔ ´kɔ'n, kokowe'n ɔ'a yo i. I wunnɛn'n yoli ufue fuaii.

Zɔb I Nyrɛnnɛn Wunlɛ 21:25

Wie kusu i nguan liɛ'n ti klunngbɔ ngunmin. Ɔ si-man like nga be flɛ i muae'n le yɛ ɔ wu-ɔ.

Jue Mun 102:9

Ɔ lɛ-man cɛn kun bɔ min kpɔfuɛ'm be klɔklɔ-man min-ɔn. Be yo min fiaan. Min yɛ be fa min koko be yalɛ su-ɔ.

Jue Mun 127:2

Aliɛ'n ɔ kwla cɛn-man nan amu'an jaso, sanngɛ wuun amun la-man ndɛ. Amun fɛ lele nan amu'an nyan amun nuan nun aliɛ b'a di. Nga amun yo i sɔ'n ɔ ti ngbɛn, afin Anannganman fa aliɛ kunngba nga an di'n man i klofuɛ nga be la be lafi mun.

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Jue Mun 78:33

Ɔ man ɔ fita be guali. Kɛ ɔ kunnin be kɛ nga sa. Ɔ yoli nyrɛnnɛn sɔ ngbɛn.

Akunndanfuɛ'n 2:10

Like kwlaa nga n klo kɛ n ´nian'n, n niannin. Like nga be nyan nun aklunjuɛ'n i wafa wie fi ɔ'a san-man mín wun. Min junman kwlaa nga n dili'n, n nyɛnnin i nuan aklunjuɛ. Junman nga n dili'n i nuan like liɛ nga n ko nyɛn i mɛn'n nun'n, yɛ ɔ o lɛ-ɔ.

Akunndanfuɛ'n 2:23

Mɛn'n nun tranlɛ b'ɔ trannin'n i kwlaa'n ti nyrɛnnɛn ngbɛn. I junman b'ɔ dili'n, klunngbɔ yɛ ɔ nyɛnnin i nun-ɔn. Kɔnguɛ bɔbɔ sa'n, i wla kwla gua-man ase. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 2:24

Like ng'ɔ ti kpa man sran'n, yɛlɛ aliɛ dilɛ nin nzan nɔnlɛ, ɔ nin junman bɔ be di'n i nuan like nyanlɛ. N wunnin kɛ like kpa sɔ'n kusu Nyanmiɛn yɛ ɔ man-an.

Akunndanfuɛ'n 7:14

Sɛ a wun ɔ́ wun fɛ'n, man ɔ klun jɔ, sɛ kusu a o nyrɛnnɛn nun'n, bu akunndan. Nyanmiɛn yɛ man sran wun i wun fɛ-ɔ, i kunngba'n yɛ man sran wun nyrɛnnɛn nin-ɔn. Kɛ ɔ ´yo nan sran ɔ'a si-man cɛn wie sa ng'ɔ wa ju'n, i ti yɛ ɔ yo i sɔ nin-ɔn.

Sa nga bé yôli'n 12:23

I osu kunngba'n nun e Min Nyanmiɛn i anz kun man tukpacɛ wie tɔli i su. Kakaa'm be loli i wun nan ɔ'a wu yɛlɛ kɛ ɔ'a tu-man Nyanmiɛn i kpli.