Akunndanfuɛ'n 5:15 - NYANMIƐN NDƐ'N 1998

¹⁵ I sɔ ng'ɔ o lɛ'n kwlaa ti nyrɛnnɛn sa dan ngboko. Ɔ ´sɛ i sin ´kɔ'n, ɔ ´yo kɛ ɔ fa fin i nin klun lɔ bali'n sa. ?Yɛ kɛ ɔ yo sɔ'n, wuun afɛ junman wla ng'ɔ dili'n, nguɛ mmlusuɛ yɛ ɔ nyɛnnin i nun-ɔn?

Akunndanfuɛ'n 5:15 ပူးပေါင်းရင်းမြစ်များ

Jue Mun 49:17

Sɛ sran kun nyɛn i wun'n, yɛ sɛ i anyanbeun'n trɛ'n, nán ɔ klun ti wɔ.

Zɔb I Nyrɛnnɛn Wunlɛ 1:21

yɛ ɔ seli kɛ: «Kɛ n fin mín nin klun m ´ba'n, mín wun ngbɛn. N kɔlɛ su'n, mín sa ngbɛn yɛ n ´fa kɔ-ɔ. Anannganman yɛ ɔ mannin-ɔn, Anannganman yɛ ɔ'a fa-a. Man manmanlɛ'n ɔ yo i liɛ!»

1 Timote 6:7

Afin kɛ be ´wu ye'n, e nin like fi a ba-man, ɔ man kɛ e ´kɔ'n, e kwla fa-man like fi kɔ-man.

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

Akunndanfuɛ'n 5:14

I bɔbɔ kusu, kɛ ɔ fin i nin klun ´ba'n, i sa ngbɛn, kɛ ɔ ´sɛ i sin kɔ'n, ɔ ´fɛ i sa ngbɛn ekun yɛ ɔ ´kɔ-ɔ. Kɛ ɔ ´wu kɔ'n, i junman kekle b'ɔ dili'n, ɔ su nyan-man nun like fi kɔ-man.

Zɔb I Nyrɛnnɛn Wunlɛ 15:2

?Kɛ ngwlɛlɛfuɛ ijɔ kɛ nga sa? ?I ndɛ b'ɔ fin i nuan fite'n, ɔ ti fokofoko kɛ aunngban sa? ?I sa'm be su tɛlɛ ɔ ti kɛ wia afiliɛ lɔ aunngban'n sa?

Ndɛ Nga Nyanmiɛn I Nuan Ijɔfuɛ Oze Kannin'n 12:2

Efraimfuɛ'm be fa ngo ko man Eziptfuɛ mun. Be janvuɛ sɔ mun bɔ be ti-man like fi'n, bɔ be ti kɛ aunngban sa'n, yɛ be nin be nanti-ɔ. Ɔliɛ Asirifuɛ'm bɔ be tɛ ti kɛ wia afiliɛ lɔ aunngban klakla sa'n, be yɛ ɔ nin be di anuansɛ nin-ɔn. Gblɛ nin sa tɛtɛ'n yɛ ɔ'a kaci Efraimfuɛ'm be junman-an .