Akunndanfuɛ'n 5:13 - NYANMIƐN NDƐ'N 1998

¹³ Kɛ sanvuɛsa wa tɔ i su'n, kpɛkuun i sɔ anyanbeun liɛ'n kwlaa ɔ'a tu anunman i sa nun. I ti ba yasua ng'ɔ wuli i'n, ɔ nyan-man like fi.

Akunndanfuɛ'n 5:13 ပူးပေါင်းရင်းမြစ်များ

Bo Bolɛ 14:16

Ninnge nga be sua ɔli'n, ɔ fali be ngba bali. Ɔ fɛli i niaan wa Lɔt nin i bo ninnge mun, nin bla mun, ɔ nin be mɛn'n nun sran nga be trali be'n mun.

Bo Bolɛ 19:14

Yɛ Lɔt fiteli-ɔ, ɔ ko toli i wa bla'm bé wun mun nan ɔ'a se be kɛ: «Anannganman su wa nunnun klɔ'n, an `jaso su ndɛndɛ.» Sanngɛ ng'ɔ ´kɛn i lɛ'n ti be nyrun ndɛ finfin.

Bo Bolɛ 19:26

Lɔt i yi'n niɛnnin i sin, kpɛkuun ɔ kacili njin yɛbuɛ.

Zɔb I Nyrɛnnɛn Wunlɛ 20:20

I konvi'n ɔ ti tɛ dan. Ɔ man i anwlɛn su ninnge'n kwlaa ɔ ´fi i sa.

Nyanndra Mun 1:19

Be nga be waan be ´kpli be ´nyan bé wun'n, ɔ lɛ cɛn bɔ be anyanbeun sɔ'n ɔ ´kun be-ɔ. Sran nga be konvi'n ti kpli'n, be nguan'n kpɛ sin .

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Nyanndra Mun 23:4

Nán kle ɔ́ wun yalɛ ngboko kɛ a ´nyan ɔ́ wun. Nán bu i akunndan beblebe .

Nyanndra Mun 27:24

Afin anyanbeun'n ka-man sran kun sa nun mlɔnmlɔn. Ɔ bɔbɔ a si jrɛiin kɛ famiɛn kle'n ka-man awlo kunngba nun tititi.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 5:14

I bɔbɔ kusu, kɛ ɔ fin i nin klun ´ba'n, i sa ngbɛn, kɛ ɔ ´sɛ i sin kɔ'n, ɔ ´fɛ i sa ngbɛn ekun yɛ ɔ ´kɔ-ɔ. Kɛ ɔ ´wu kɔ'n, i junman kekle b'ɔ dili'n, ɔ su nyan-man nun like fi kɔ-man.

Akunndanfuɛ'n 8:9

M buli ninnge nga be yo be nyanmiɛn'n bo wa'n be akunndan kpa n niannin. Ɔ lɛ blɛ kun bɔ sran kun sie i wiengu kun kpɛkuun ɔ kle i nyrɛnnɛn-ɔn.

Ezai 2:20

I cɛn sɔ nun'n, sran'm be amuɛn mun bɔ be fa jɛtɛ ufue yoli be kɛ be ´koto bé bo'n, ɔ nin be amuɛn mun bɔ be fa sika ɔkwlɛ yoli be kɛ be ´koto be bo'n, be ´to be gua gbekle nin akpannin'm be bo.

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.

JÉSUS-CHRIST I DYASIN FE'N BO LUC KLELI'N 19:8

Sanngɛ Zase jao jrannin e Min'n i nyrun lɛ, ɔ seli i kɛ: «Nannan, nian, n ´fa min ninnge'n i bue man yalɛfuɛ mun, yɛ sran nga n dili i ndrunmun'n, n ´yi i sika'n i wunsu kpɛ nnan mɛn i .»