Akunndanfuɛ'n 5:11 - NYANMIƐN NDƐ'N 1998

¹¹ Junman difuɛ ng'ɔ klo junman dilɛ'n, sɛ ɔ nyannin aliɛ kan dili o, sɛ ɔ nyannin aliɛ dan dili o, ɔ lafi klanman. Sanngɛ anyanbeunfuɛ'n i liɛ'n, i anyanbeun ninnge kpanngban'm be ti ɔ kwla lafi-man.

Akunndanfuɛ'n 5:11 ပူးပေါင်းရင်းမြစ်များ

Bo Bolɛ 12:16

Bla'n i dunman nun ti, kɛ Ezipt famiɛn'n ko di Abram nɛnnɛn'n yɛ ɔ dili-ɔ. Ɔ mɛnnin i bua mun nin boli mun, nin nannin mun, nin kanga yasua mun, nin kanga bla mun, ɔ nin aflunmun yasua nin bla mun, ɔ nin nyɔnngɔnmɛn mun.

Bo Bolɛ 13:2

Abram ti anyanbeunfuɛ dan. Ɔ lɛ nnɛn nin jɛtɛ ufue, ɔ nin sika ɔkwlɛ kpanngban.

Nyanndra Mun 23:5

Kɛ sika'n wo lɛ'n, ɔ ti kɛ anunman nyin b'ɔ tu kɔ nglo mmua'n sa. Ɔ lɛ ndɛwa yɛ ɔ o lɛ-ɔ. Kɛ ɔ waan a ´nian'n, wuun ɔ'a tu anunman lalaa. ?A kunndɛ i-ɔ a wun i nin?

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Akunndanfuɛ'n 2:9

N nyannin nyrun dan kpa, min nyrun nga n nyɛnnin i'n yoli dan trali be kwlaa nga be dun mmua trannin min nyrun Zerizalɛm wa'n. Yɛ min ngwlɛlɛ'n i su ɔ'a kpɛ-man le.

Akunndanfuɛ'n 5:12

N wunnin sa kun nyanmiɛn'n bo wa, ɔ ti nyrɛnnɛn sa. Yɛlɛ kɛ sran wie tian sika nuan, sanngɛ ɔ di-man, ɔ fa minndɛ sa yalɛ nga be wa tɔ i su'n.

Akunndanfuɛ'n 6:9

Sɛ sran kun nyin yi like ng'ɔ lɛ i'n, ɔ ti kpa tra kɛ i konvi o like wie su sanngɛ ɔ kwla nyɛn-mɛn i'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Zeremi 17:11

Sran ng'ɔ fa gblɛ fa nyɛn i wun'n, ɔ ti kɛ cinndalo wie b'ɔ utu klenzua bɔ nɛ́n i yɛ ɔ toli'n su sa. I nguan'n wie-man nan ninnge sɔ'n b'a fi i sa. I agualiɛ su'n, ɔ kaci kɛ sinnglinfuɛ sa.»

Abakik 2:13

Mɛnfuɛ'm be ´kle bé wun yalɛ ngbɛn. Junman nga be ´di i lɛ'n, san sin'n yɛ ɔ ´di-ɔ. Anannganman b'ɔ sie mɛn wunmuan'n yɛ ɔ di i sɔ junman liɛ'n ngba-a.

1 Jean 2:16

Like nga be yo be mɛn'n nun'n i kwlaa'n: bé nyin b'ɔ blo ninnge'm bé su'n, nin akunndan nga be bu fa gua ninnge nga be wun be'n bé su'n, ɔ nin be wun tulɛ'n, i kwlaa sɔ'n i wie fi fin-man e Si'n, sanngɛ be ti mɛn'n nun nzuɛn.