Akunndanfuɛ'n 5:10 - NYANMIƐN NDƐ'N 1998

¹⁰ Kɛ sran kun ko nyɛn i wun dan'n, be nga be su i su be di i wun ninnge mun'n, be di-man be yalɛ. ?Be nga be lɛ ninnge kaka sɔ mun'n, nguɛ yɛ be nyɛn i nun-ɔn? ?Nán nianlɛ bɔ be ´nian ninnge sɔ'n sa'n yɛ ɔ ti be liɛ nin-ɔn?

Akunndanfuɛ'n 5:10 ပူးပေါင်းရင်းမြစ်များ

Jue Mun 52:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Dɔɛg b'ɔ fin Edɔm'n, i kɔlɛ b'ɔ ɔli ko seli Sail kɛ: « David ɔli Asimelɛk wun lɔ'n,» i su jue-ɔ. I waan:

Jue Mun 52:7

Nga, Nyanmiɛn ´nunkun wɔ mlɔnmlɔnmlɔn. Ɔ ´fuan wɔ wɔ awlo'n nun, ɔ ´yi wɔ mɛn nga e o nun yɛ'n nun.

Jue Mun 62:10

Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

Akunndanfuɛ'n 1:17

N kunndɛli ngwlɛlɛ nin sinnzin'n be afiɛn ngbaciɛ'n. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 1:8

Kannzɛ be ´ijɔ lele sɛ, sanngɛ nán ndɛ i kwlaa yɛ be ´wie i kan-an. Be nyinma'n ɔ fɛ-man ninnge'm be nianlɛ'n nun. Be su'n kusu ɔ fɛ-man sa tilɛ'n nun.

Akunndanfuɛ'n 2:10

Like kwlaa nga n klo kɛ n ´nian'n, n niannin. Like nga be nyan nun aklunjuɛ'n i wafa wie fi ɔ'a san-man mín wun. Min junman kwlaa nga n dili'n, n nyɛnnin i nuan aklunjuɛ. Junman nga n dili'n i nuan like liɛ nga n ko nyɛn i mɛn'n nun'n, yɛ ɔ o lɛ-ɔ.

Akunndanfuɛ'n 2:11

I sin n niannin m bɔbɔ mín sa ti junman nga n dili'n, ɔ nin i su afɛ nga n fa fɛli'n, i kwlaa. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ fuan aunngban'n nan ɔ ko trɛ i sa. Nyanmiɛn'n bo wa'n, junman kekle kwlaa bɔ sran di'n, mmlusuɛ nun-man wie fi nun .

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 3:19

Afin sran'm be agualiɛ'n nin nnɛn'm be liɛ'n, ngbaciɛ nun-man be afiɛn. Like kunngba nga bɔ man sran de wunmiɛn'n, i kunngba'n yɛ nnɛn'm be kusu be lɛ i-ɔ. I klɔ sran o, i nnɛn o, be kwlaa be wu. Sran'n i kpa tra-man nnɛn'n. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Akunndanfuɛ'n 4:16

Ɔ o sran kpanngban kpa bé ti su. Sanngɛ sran nga be wa ba kasiɛn'n be su klo-mɛn i sa kun. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:4

N wunnin ekun kɛ sran'm bé klo kɛ be ´yo kɛ be wiengu'm bé sa, i ti yɛlɛ bé wun ase nga be wla be di junman lɛ'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 5:9

Sran ng'ɔ klo sika dan'n, i nyin yi-man ng'ɔ lɛ i'n, sran ng'ɔ klo anyanbeun'n, ɔ nyɛn-mɛn i nun mmlusuɛ'n wie. I sɔ sa'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 6:7

Sran'n i nuan nun aliɛ'n i nyanlɛ'n i ti yɛlɛ junman kekle ng'ɔ di i nyanmiɛn'n bo wa'n. Sanngɛ ninnge ng'ɔ nyan be'n wie fi jɔ-mɛn i klun.

Matthieu 6:19

«Nán an sie amun anwlɛn su ninnge'm be wa, afin nvɔlɛ nin annganblalɛ be saci be, yɛ awiefuɛ'm be bu anuan'n be wua asiɛ'n su wa.

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.