Akunndanfuɛ'n 5:1 - NYANMIƐN NDƐ'N 1998

¹ Nán kpli kan ndɛ. Ndɛ nga ɔ waan a ´kan'n, dun mmua bu i wun akunndan nan w'a kan. Afin Nyanmiɛn'n wo nglo lɔ, ɔ kusu a o asiɛ'n su wa. I sɔ'n ti nán ijɔ fiaii .

Akunndanfuɛ'n 5:1 ပူးပေါင်းရင်းမြစ်များ

2 Be Nyoliɛ 26:16

I nyrun b'ɔ nyɛnnin i'n ti'n, ɔ tuli i wun. Ɔ man ɔ yoli sa tɛ. Ɔ fɔnnin Anannganman b'ɔ ti i Nyanmiɛn'n wun. Cɛn kun ɔ wluli Anannganman i sua'n nun lɔ. I bɔbɔ ko yrali ansans kan be yrɛ i lɛ'n.

Zɔb I Nyrɛnnɛn Wunlɛ 11:2

?Sran kun ´ijɔ beblebe sa nan be su tɛ-mɛn i su? N si ijɔ'n ɔ kle-man kɛ min ndɛ yo fɛ.

Zɔb I Nyrɛnnɛn Wunlɛ 22:12

Nyanmiɛn o nglo lɔ nyanmiɛn su lɔ. Nzraama'm be o nglo mmua lɔ.

Jue Mun 89:7

?Anannganman, nyanmiɛn su lɔ'n, wan cɛ yɛ ɔ nin wɔ sɛ-ɔ? ?Amuɛn'm be nun'n, onin cɛ yɛ ɔ fɛ i wun sunnzun wɔ-ɔ ɔ yo ye-ɔ?

Ezipt Lɔ Tulɛ'n 3:5

Anannganman seli i kɛ: «Nán mantan susrɛ'n wa. Yi ɔ ja ngbabua'n, afin lika nga a o nun yɛ'n ti min Nyanmiɛn min lika.

Ezipt Lɔ Tulɛ'n 30:18

«Man be yo aaba kpongbo kun bɔ i takawlɛ'n ti aaba. I nun yɛ be ´kplo fiɛn'n nin-ɔn. Man be sie i tannin sua'n nin min sɔwlɛ'n be afiɛn'n nun, yɛ man be gua nun nzue.

Nyanndra Mun 10:19

Sran ng'ɔ ijɔ ngboko'n, ɔ yaci-man sa tɛ yolɛ le. Sran nga kusu b'ɔ ijɔ-man plapla'n, ɔ ti ngwlɛlɛfuɛ.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 21:27

Klunwifuɛ'm bé tɛ nga be yi'n ɔ yo Anannganman i tɛ, afin be klun akunndan nga be fa yi'n ɔ ti-man kpa.

Ezai 66:3

Sran ng'ɔ kun nannin fa yi tɛ'n, ɔ ti kɛ ɔ'a kun sran sa. Sran ng'ɔ kpɛ bua kɔmin'n, ɔ ti kɛ ɔ'a fin alua kɔmin sin like ɔ'a kun i sa. Sran ng'ɔ fa ble sanmlɛn yi sraka'n, ɔ ti kɛ ɔ'a fa kɔkɔti mmoja a yi sraka sa. Sran ng'ɔ yra ansans'n, ɔ ti kɛ ɔ su yɛyɛ amuɛn sa. Kɛ bɔ sran sɔ'm be waan atin ng'ɔ o lɛ'n yɛ be ´fa'n, kɛ bɔ tete sa'm be yolɛ'n yɛ ɔ yo be fɛ'n,

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Sa nga bé yôli'n 10:33

Kpɛkuun yɛ n sunmannin sran kɛ be ko yia wɔ-ɔ, ɔ man ɔ balɛ'n yo n fɛ. I sɔ'n ti, e kwlaa e yiali Nyanmiɛn nyrun wa kɛ e ´tie ndɛ kwlaa nga e Min Nyanmiɛn'n kan kleli wɔ kɛ a kan kle ye'n.»

Sa nga bé yôli'n 17:11

Zuif sɔ'm be nzuɛn'n ti kpa tra Tɛsalonik liɛ mun, be fali Nyanmiɛn ndɛ'n su ndɛndɛ, cɛn kwlaa be fa Nyanmiɛn ndɛ nga be klɛli'n nin ndɛ nga Pɔl kan kle be'n, be sunnzun nian sɛ ɔ ti kun o.

1 Korɛntfuɛ Mun 11:22

?An lɛ-man awlo bɔ an di like lɔ-ɔ? ?Annzɛ Nyanmiɛn i asɔnun'n i finfin yɛ amun yo-ɔ? ?Amun ´gua yalɛfuɛ'm bé nyin ase? ?Nguɛ ndɛ yɛ n `kan kle amun-ɔn? ?N `yi amun ayɛ? Sa sɔ'n liɛ'n, n su yi-man amun ayɛ nun.

Hébreu 10:26

Afin sɛ e si nanwlɛ'n nan e nyinfu e yo sa tɛ ekun'n, i sɔ sa liɛ'n ɔ lɛ-mɛn i ti nnɛn kun.

Jacques 1:19

N niaan kpa mun, an `bu ndɛ nga i akunndan: man sran'm be kwlakwla be sie bé su be tie ndɛ nga be kan'n kpa, nán man sran fi kan ndɛ ndɛndɛ, yɛ nán man ɔ fa ya ndɛndɛ.

Zozie 5:15

Anannganman i alɛ kunfuɛ'm be su kpɛnngbɛn'n seli Zozie kɛ: «Yi ɔ ja ngbabua'n, afin lika nga a o nun yɛ'n ti Nyanmiɛn liɛ .» Yɛ Zozie yili i ngbabua nin-ɔn.