Akunndanfuɛ'n 4:8 - NYANMIƐN NDƐ'N 1998

⁸ Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 4:8 ပူးပေါင်းရင်းမြစ်များ

Bo Bolɛ 2:18

Kpɛkuun Anannganman Nyanmiɛn'n waan: «Ɔ ti-man kpa kɛ sran ngunmin tran. N wa yo i ukafuɛ kun b'ɔ nin i be ´kwla tran.»

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Jue Mun 39:7

Sran'n ɔ nanti kɛ fɔnvɔ sa. Ɔ sin kɔ wa, ɔ sin kɔ wa, ɔ yo nga, ɔ yo nga, sanngɛ ɔ ti kɛ aunngban sa. Ninnge ng'ɔ nyɛn i'n ɔ si-man sran ng'ɔ wa fa-a .

Nyanndra Mun 27:20

Like nga be flɛ i kɛ wie'n, ɔ nin blɔlɔ'n be ku yi-man le. Kɛ sran'n kusu ti sɔ-ɔ, i nyin yi-man like le .

Akunndanfuɛ'n 1:13

M buli like nga be ju mɛn'n nun'n be kwlaa be akunndan nan n ´si bé bo. I sɔ yolɛ'n ɔ ti junman kekleke kun yɛ Nyanmiɛn fa mannin sran'm be kɛ be di-ɔ.

Akunndanfuɛ'n 1:8

Kannzɛ be ´ijɔ lele sɛ, sanngɛ nán ndɛ i kwlaa yɛ be ´wie i kan-an. Be nyinma'n ɔ fɛ-man ninnge'm be nianlɛ'n nun. Be su'n kusu ɔ fɛ-man sa tilɛ'n nun.

Akunndanfuɛ'n 2:21

Afin sran kun fa ngwlɛlɛ nin akpue fa di junman, yɛ i sa nun ninnge'm be kwlaa be yo ye, kpɛkuun ɔ'a yaci i ngba ɔ'a ɔ. I kwlaa sɔ'n ɔ ka sran uflɛ sa nun. I kwlaa nga ti anwlɛn su fitalɛ like. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 2:23

Mɛn'n nun tranlɛ b'ɔ trannin'n i kwlaa'n ti nyrɛnnɛn ngbɛn. I junman b'ɔ dili'n, klunngbɔ yɛ ɔ nyɛnnin i nun-ɔn. Kɔnguɛ bɔbɔ sa'n, i wla kwla gua-man ase. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 4:7

N wunnin sa uflɛ ekun nyanmiɛn'n i bo wa b'ɔ tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 5:10

Kɛ sran kun ko nyɛn i wun dan'n, be nga be su i su be di i wun ninnge mun'n, be di-man be yalɛ. ?Be nga be lɛ ninnge kaka sɔ mun'n, nguɛ yɛ be nyɛn i nun-ɔn? ?Nán nianlɛ bɔ be ´nian ninnge sɔ'n sa'n yɛ ɔ ti be liɛ nin-ɔn?

Akunndanfuɛ'n 5:9

Sran ng'ɔ klo sika dan'n, i nyin yi-man ng'ɔ lɛ i'n, sran ng'ɔ klo anyanbeun'n, ɔ nyɛn-mɛn i nun mmlusuɛ'n wie. I sɔ sa'n tra sran i akunndan'n su, yɛ i kwlaa ti afɛ ngbɛn.

Ezai 5:8

Sran nga be kplan sua uka sua su'n, be nga be di fie uka fie su'n b'ɔ man lika fi ka-man lɛ'n, be yako! Be ngunmin yɛ be lɛ tranwlɛ mɛn'n nun-ɔn.

Ezai 55:2

?Ɔ yo sɛ ti yɛ amun fa sika to aliɛ ng'ɔ ta-man sran nin-ɔn? ?Ɔ yo sɛ ti yɛ amun kle amún wun yalɛ be kunndɛ like ng'ɔ yi-man sran ku nin-ɔn? Sɛ amun ti ndɛ nga n kan be'n, amun ´nyan like kpa be ´di, aliɛ kpakpa mun yɛ amun ´di-ɔ .

Matthieu 11:28

Amun kwlaa bɔ an sua trɔ bɔ amu'an fɛ'n, an bla min sin, n ´sike amun, yɛ amun ´de wunmiɛn.

JÉSUS-CHRIST I DYASIN FE'N BO LUC KLELI'N 12:20

Sanngɛ Nyanmiɛn usali bian sɔ'n kɛ: ‹?Sinnglinfuɛ, ndɛ kɔnguɛ be ´fa wɔ, yɛ ninnge nga a yiayia be su yɛ'n, ɔ ´kɔ waan sa nun ?›

1 Jean 2:16

Like nga be yo be mɛn'n nun'n i kwlaa'n: bé nyin b'ɔ blo ninnge'm bé su'n, nin akunndan nga be bu fa gua ninnge nga be wun be'n bé su'n, ɔ nin be wun tulɛ'n, i kwlaa sɔ'n i wie fi fin-man e Si'n, sanngɛ be ti mɛn'n nun nzuɛn.