Akunndanfuɛ'n 4:16 - NYANMIƐN NDƐ'N 1998

¹⁶ Ɔ o sran kpanngban kpa bé ti su. Sanngɛ sran nga be wa ba kasiɛn'n be su klo-mɛn i sa kun. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:16 ပူးပေါင်းရင်းမြစ်များ

2 Samiɛl 19:9

Yɛ famiɛn'n wɔli ko trannin klɔ'n i anuan'n nun lɔ-ɔ. Sonja'm be tili i kɛ famiɛn'n ɔ'a ko tran klɔ'n i anuan'n nun lɔ. Yɛ be kwlaa be ko yiɛli i nyrun lɛ-ɔ. Kɛ ɔ ´yo sɔ'n, wuun Izraɛlfuɛ'm b'a wanndi b'a ɔ be tranwlɛ kunngun'm be nun.

1 Famiɛn Mun 1:40

Yɛ be kwlaa be sali bé sin be bali klɔ-ɔ. Salomɔn o be nyrun, yɛ be su i su-ɔ. Be ´kɔ'n, wuun be ´bo blo'n, wuun ´be kpan, afin be klun jɔli dan kpa asiɛ'n kejeli.

Akunndanfuɛ'n 1:14

N niannin junman nga be di be nyanmiɛn'n bo wa'n be kwlaa, n wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 2:11

I sin n niannin m bɔbɔ mín sa ti junman nga n dili'n, ɔ nin i su afɛ nga n fa fɛli'n, i kwlaa. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ fuan aunngban'n nan ɔ ko trɛ i sa. Nyanmiɛn'n bo wa'n, junman kekle kwlaa bɔ sran di'n, mmlusuɛ nun-man wie fi nun .

Akunndanfuɛ'n 2:17

Kɛ n wunnin i sɔ'n, mín nyin tuli nguan'n nun tranlɛ'n su. Afin n wunnin i kɛ like nga sran'm be yo be nyanmiɛn'n bo wa'n, i kwlaa'n ti tɛtɛ ngunmin. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:15

N wunnin i nyanmiɛn'n bo wa kɛ sɛ gbanflɛn kun sin famiɛn kun osu'n, sran'm be kwlaa be su i su.