Akunndanfuɛ'n 4:1 - NYANMIƐN NDƐ'N 1998

¹ Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Akunndanfuɛ'n 4:1 ပူးပေါင်းရင်းမြစ်များ

Zɔb I Nyrɛnnɛn Wunlɛ 16:4

Sɛ amun yɛ sa ng'ɔ o min su yɛ'n wo amun su'n, wuun n ´kan ndɛ wafa nga amun ´kɛn i lɛ'n wie, wuun n ´ijɔ amun su kpanngban wie, wuun n ´keje n ti'n annvɔ bɔ amun ´yo min'n ti,

Zɔb I Nyrɛnnɛn Wunlɛ 35:9

Kɛ yalɛ klelɛ'n ɔ yo dan'n, sran'm be kpan. Sran wlɛfuɛ'm be dunman nun ti be kplin.

Zɔb I Nyrɛnnɛn Wunlɛ 6:29

Amun `nian min nan amun `fa nanwlɛ'n be di. Amun `nian min, m'an fɔn-man mlɔnmlɔn.

Zɔb I Nyrɛnnɛn Wunlɛ 9:24

Sɛ sran nga be bu-man Nyanmiɛn like fi'n be nun wie kle mɛn kun nunfuɛ'm be yalɛ'n, Nyanmiɛn kata jɔlɛ difuɛ'm bé nyin. ?Afin sɛ nɛ́n i'n, wuun waan-an?

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 142:4

Kɛ n wla'n ɔ bo min wun'n, Anannganman, a si atin nga n wo su'n. B'a sua mín bo aya atin nga m'an fa'n su.

Jue Mun 142:5

To ɔ́ nyin mín su wa nian: sran fi sa si-man min, n lɛ-man wanndi kɔwlɛ, sran fi ndɛ nun-man min ndɛ nun.

Jue Mun 42:3

N konvi sɔ Nyanmiɛn b'ɔ lafi-man'n i mantanlɛ'n kɛ nzue we kun sran b'ɔ kunndɛ nzue nɔn'n sa. ?Cɛn onin nan m'an ɔ Nyanmiɛn i sua'n nun lɔ nan m'an ju i nyrun ?

Jue Mun 42:9

Anannganman yo min ye wia nun. Kɔnguɛ'n, n to jue m mɛnmɛn i yɛ n srɛ i afin ɔ man min nguan.

Jue Mun 69:20

A si nzowa nga be kpɛ min'n. A si nyannzuɛn nga n wo nun'n nin sokpalɛ bɔ m'an sokpa'n. Min kpɔfuɛ mun yɛ ɔ́ nyin ta be lɛ-ɔ.

Jue Mun 69:21

Min anwlɛn'n kpɛ min klun nzowa'n dunman nun. N kwla sin-man min osu kun. M'an minndɛ kɛ sran wie si min aunnvuɛ lele ngbɛn. N nyan-man sran fi b'ɔ ´fɔnvɔ min-ɔn.

Jue Mun 80:5

?Anannganman, wɔ bɔ a ti mɛn wunmuan'n i Nyanmiɛn'n, cɛn onin ko yɛ e bɔ e ti ɔ nvle'n i nunfuɛ'n e srɛlɛ'n ɔ ´yaci wɔ ya kunlɛ-ɔ?

Ezipt Lɔ Tulɛ'n 1:16

Ezipt famiɛn'n wlali bé su nun kpa kɛ: «Blɛ bɔ amun ´uka Ebre bla mun be ´wu ba'n, amun `nian ba nga be wu i'n kpa. Sɛ ɔ ti yasua'n, amun `kun i, sɛ kusu ɔ ti bla'n, amun `yaci i lɛ.»

Ezipt Lɔ Tulɛ'n 1:22

Siɛn liɛ'n, Ezipt famiɛn wlali i nvlefuɛ'm be kwlaa be su nun kɛ: «Ebre'm be wa yasua nɔnman kwlaa nga be wu be'n, amun `to be gua Nil nzue'n nun lɔ, sanngɛ amun `yaci ba bla'm be lɛ.»

Nyanndra Mun 19:7

Yalɛfuɛ'n i niaan'm be bɔbɔ be kpɔ i, nan nán se kɛ i janvuɛ mun. Sɛ i waan ɔ ´koko yalɛ-ɔ, ɔ kunndɛ be-ɔ ɔ wun-man be.

Nyanndra Mun 28:3

Yalɛfuɛ bɔ b'a sie i bia su'n, b'ɔ mian-mian aunnvuɛfuɛ mun'n, ɔ ti kɛ nzue ng'ɔ tɔ b'ɔ saci fie'n su ninnge mun b'ɔ man awe kpɛn'n sa.

Nyanndra Mun 29:2

Kɛ sran kpa'm be sɔn'n, ɔ ti sran'm be cenjele like. Kɛ klunwifuɛ'n yɛ ɔ kwla'n, sran'm be koko.

Akunndanfuɛ'n 3:16

N wunnin i wlɛ nyanmiɛn'n bo wa ekun kɛ kan be di jɔlɛ lɛ'n, klunwi o lɛ, yɛ be di ndɛ kwlɛ lɛ.

Akunndanfuɛ'n 5:8

Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Akunndanfuɛ'n 7:7

Sɛ be su kle sran kun nyrɛnnɛn'n, ɔ yo ngwlɛlɛfuɛ'n i ya lele tra su. Adi nga be man'n, ɔ yo man sran di-man nanwlɛ.

Akunndanfuɛ'n 8:9

M buli ninnge nga be yo be nyanmiɛn'n bo wa'n be akunndan kpa n niannin. Ɔ lɛ blɛ kun bɔ sran kun sie i wiengu kun kpɛkuun ɔ kle i nyrɛnnɛn-ɔn.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Ezai 51:23

Be nga be kle amun nyrɛnnɛn'n, bɔ be se amun kɛ: ‹Amun `la man e sin amún su,› n ´fa n ya sɔ'n gua be su. Amun fali amun wunnɛn'n mannin, yɛ sran'm be fa yoli kɛ klɔ'n nun atin'm bɔ be sin nun'n sa, be nantili su.»

Ezai 59:7

Amun wanndi ndɛndɛ ko yo sa tɛ'n, amun kɔ ndɛndɛ be ko kun sran kpa'n. Sa nga be nin yolɛ fata-man'n yɛ amun yo be-ɔ. Lika kwla nga amun sin lɛ'n, san amun ´saci like lɛ, san amun ´yo sa tɛtɛ.

Zeremi 16:7

Sran fi nin i sɔfuɛ'm be su di-man aliɛ kɛ be ´fa fɔnvɔ be. Sran nga i si annzɛ i nin wuli'n, ɔ su nyan-man sran b'ɔ ´mɛn i nzan ´yo i yako-ɔ.

Ngwlɛ Yilɛ 1:16

I ti yɛlɛ muɛn bɔ n kplo bɔ min nyinma ɔ'a blo mín ti nun kankankan'n. Min fɔnvɔfuɛ'n b'ɔ ko man min wunmiɛn'n, ɔ'a wanndi min. Min mma'm be liɛ a wie, min wunmiɛn ju-man min kpɔfuɛ'n i liɛ'n nun.

Ngwlɛ Yilɛ 1:17

Siɔn tinngɛli i sa, sran fi ɔ'a sɔ-man nun nan se kɛ ɔ ´fɔnvɔ i. Anannganman seli nvle nga be mantan Izraɛlfuɛ'm be lɛ'n kɛ be nin be be `nyɛn i. Zerizalɛm i wun yo nvle kun nga'm be tɛ siɛn'n.

Ngwlɛ Yilɛ 1:2

Kɔnguɛ'n, ngwlɛ'n yɛ ɔ yi-ɔ, i nyinmuɛn'n ɔ gua sa puu. Be b'ɔ nin be trali janvuɛ'n, kun sa fɔnvɔ-mɛn i. Be kwlaa be wieli i wanndi, b'a tu bé nyin b'a wɔ i .

Ngwlɛ Yilɛ 1:9

I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»

Amɔs 3:10

Anannganman'n wan yoo: «Like ng'ɔ ti-man bɔ be yo'n, yɛ Samarifuɛ'm be yo-ɔ. Sa kekleekle nga be yo'n, i nun ninnge nga be nyɛn i'n, nin sran'm bé bo ninnge nga be fɛn'n, be tiɛn i nuan bé sua kpakpa'm be nun.»

Amɔs 3:9

Amun `kpan be se Asdɔd famiɛn'n i awlofuɛ mun nin Ezipt famiɛn'n i awlofuɛ mun kɛ yoo: «Be `yia Samari oka'm be su lɔ, nan be `nian sannganlɛ bɔ ɔ'a sanngan lɔ-ɔ nin sa kekleekle bɔ ɔ'a ju sran'm be su lɔ-ɔ.»

Malasi 2:13

Amún sa kun ekun bɔ amun yo i siɛn'n, yɛlɛ amun nyinmuɛn'n, amu'an fa gua Nyanmiɛn i sɔwlɛ'n su lele ɔ'a jran su dannguun! Sunlɛ nin kokolɛ yɛ ɔ'a kaci amun junman-an. Like nga bɔ amun fa ba Anannganman i manlɛ b'ɔ sɔ-man nun'n ti.

Malasi 3:18

Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Matthieu 26:56

Sanngɛ be yoli i kwlaa sɔ'n nan ndɛ nga Nyanmiɛn nuan ijɔfuɛ'm be klɛli'n ɔ ´kpɛn su.» Yɛ i sɔnnzɔnfuɛ'm be kwlaa be yacili i lɛ be wanndili-ɔ.

Mmla'n 28:33

Nvle nga amun si-man be'n be nunfuɛ'm be ´di amun fie'm be su ninnge nin amun junman'n i nuan ninnge'm be kwlaa. Yalɛ yɛ be ´kle amun sa tititi-ɔ, yɛ mianmianlɛ yɛ be ´mianmian amun-ɔn .

Mmla'n 28:48

amun wa su amun kpɔfuɛ nga Anannganman man be nin amun wa kun'n. Awe nin nzue we ´kun amun. Amún wun tralɛ'n kwlakwla ´wie titi, yalɛ ´di amun. Anannganman ɔ ´sie amun kɔmin'n su blalɛ trɔ lele san ɔ ´wie amun nunnun.

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

Jɔlɛ Difuɛ Mun 4:3

Izraɛlfuɛ'm be kpan flɛli Anannganman afin Sizɛra lɛ blalɛ kakaklolo ya ngwlan. Ɔ kleli Izraɛlfuɛ'm be nun afuɛ kɔe ablaɔn.