Akunndanfuɛ'n 3:8 - NYANMIƐN NDƐ'N 1998

⁸ Ɔ lɛ blɛ kun bɔ be fa klo like-ɔ, yɛ ɔ lɛ blɛ kun bɔ be fa yi be wla like su-ɔ. Ɔ lɛ blɛ kun bɔ be fa kun alɛ-ɔ, yɛ ɔ lɛ blɛ kun bɔ be fa tran diin-ɔn .

Akunndanfuɛ'n 3:8 ပူးပေါင်းရင်းမြစ်များ

1 Famiɛn Mun 5:4

Salomɔn sieli lika ng'ɔ o Efrat'n i sin lɔ'n, kɛ ɔ fɛ i Tifsak b'ɔ fa ju Gaza'n. Famiɛn nga be o afiɛn sɔ'n nun lɛ'n be o i bo. Sran fi ɔ'a jaso-mɛn i wun.

2 Famiɛn Mun 9:22

Kɛ Zɔram wunnin Zei cɛ'n, ɔ usɛli i kɛ: «Zei, wɛtɛɛ su-ɔ?» Zei waan: «?Wɛtɛɛ su sɛ? A kan aunjuɛ ndɛ, sanngɛ wuun ɔ́ nin Zezabɛl tɛ sɔ amuɛn mun'n, wuun blɛ li yɛ b'a se i kɛ ɔ `di bae nin-ɔn.»

2 Be Nyoliɛ 19:2

Kɛ ɔ ´ba'n, Anani b'ɔ ti Nyanmiɛn nuan ijɔfuɛ'n i wa Zei bɛli i atin kpalɛ. Ɔ usali famiɛn Zozafat kɛ: «?Ɔ yo sɛ ti yɛ a ɔli klunwifuɛ'n nga i ukalɛ-ɔ? ?A klo be nga be kpɔ Anannganman'n? Ɔ sa nga a yoli i lɛ'n ti Anannganman ɔ'a fa ɔ́ wun ya,

Jue Mun 101:3

Sa ng'ɔ nin yolɛ fata-man'n, ɔ su kpɛn-man n klun kɛ n ´yo. Be nga be kaci bé sin be si wɔ'n, n kpɔ be nantilɛ'n. N su yo-man be aeliɛ'n wie mlɔnmlɔn.

Jue Mun 105:25

Ɔ kacili Eziptfuɛ'm be anwlɛn'n, Nyanmiɛn yoli man b'a klo-mɛn i bɔbɔ i sran'n bé sa kun. Be kpɛli be gblɛ, be yoli be tɛtɛ.

Jue Mun 139:21

Anannganman, n kpɔ ɔ kpɔfuɛ mun, mín nyin ci be bɔ be nin wɔ be lɛ i'n.

Nyanndra Mun 13:5

Gblɛ ndɛ'n, nanwlɛ difuɛ'n klo-mɛn i. Klunwifuɛ'n ɔ fa suɛn'n kuɛkuɛ i wiengu.

Ezekiɛl 16:8

N sinnin ɔ́ wun lɛ, n ´nian-an, a si yasua-a ɔ yo ye yɛ n fali min tralɛ dan'n n katali ɔ́ wun-ɔn, b'a wun-man ɔ́ wun kplɛn'n kun. N tali nda kɛ n su kpɔci-man wɔ e nin wɔ e trali aenguɛ. Kpɛkuun yɛ a yoli min liɛ-ɔ.› » Anannganman Nyanmiɛn'n yɛ ɔ kan sɔ-ɔ.

JÉSUS-CHRIST I DYASIN FE'N BO LUC KLELI'N 14:26

«Sran ng'ɔ ba min sin'n, sɛ ɔ'a kpɔ-mɛn i si, i nin, i yi, i mma mun, i niaan mun, yɛ i bɔbɔ i wun'n, ɔ su kwla yo-man n sɔnnzɔnfuɛ.

Efɛzfuɛ Mun 3:19

Kannzɛ sran fi kwla wun-man klolɛ bɔ Krist fa klo ye'n i wlɛ kpa'n, n ´srɛ i kɛ an wun i wlɛ nan an fa Nyanmiɛn sa kwlaa nun.

Efɛzfuɛ Mun 5:25

Yasua mun, kɛ Krist kloli Asɔnun'n, amun kusu an `klo amun yi mun sɔ.

Tite 2:4

nan be fa kle talua mun kɛ be `klo bé wun nin be mma mun,

Zozie 11:23

Wafa nga Anannganman kan kleli Moiz kɛ ɔ `fa mɛn sɔ'n, i su yɛ Zozie nian fali-ɔ. Ɔ fa cɛcɛli Izraɛl akpasua'm be kwlaa, i sin yɛ Izraɛlfuɛ'm be deli wunmiɛn alɛ kunlɛ nun-ɔn.

Sa nglô yile 2:2

N si amun nyoliɛ'n, nin fɛlɛ nga an fɛli'n, ɔ nin amun anwlɛn bɔ an trɛ i'n. N si kɛ amun nin sran tɛtɛ mun sɔn-man. An sa be nga be tɔn bé wun suɛn kɛ n sunmannin be'n niannin, yɛ an wunnin kɛ be bua ato.