Akunndanfuɛ'n 3:7 - NYANMIƐN NDƐ'N 1998

⁷ Ɔ lɛ blɛ kun bɔ be fa titi be wun ninnge'm be nun-ɔn, yɛ ɔ lɛ blɛ kun bɔ be fa kpa be nun-ɔn. Ɔ lɛ blɛ kun bɔ be fa muan bé nuan-an, yɛ ɔ lɛ blɛ kun bɔ be fa ijɔ-ɔ .

Akunndanfuɛ'n 3:7 ပူးပေါင်းရင်းမြစ်များ

Bo Bolɛ 37:29

Ribɛn ko nian gbo'n nun-ɔn, vlein, Zozɛf nun-man nun kun, yɛ ɔ titili i wun tralɛ'n nun-ɔn.

Bo Bolɛ 37:34

Yɛ Zakɔb ´titi i tralɛ'n nun yɛ ɔ ´wla bajɛ tralɛ-ɔ. Ɔ yoli i wa'n i sɛ'n cɛli lɔun kpa.

Bo Bolɛ 44:18

Yɛ Zida wunngeli i wun lɔ nan ɔ'a se i kɛ: «Nannan, n tu wɔ kpli, kaflɛ, n su wa kan ndɛ, nán ɔ lo wɔ ngasi. Afin a ti kɛ Ezipt famiɛn'n sa yɛ a o lɛ-ɔ.

Bo Bolɛ 44:34

?Sɛ nán e nin ba'n yɛ e kɔ'n, n ´ju mín si i nyrun lɔ sɛ yɛ ɔ ´yo ye-ɔ? N kwla tran-man lɛ n nian-man sa yalɛ sa ɔ tɔ-man mín si'n i su.»

2 Samiɛl 1:11

Yɛ David sɔli i wun tralɛ'm bé nun yɛ ɔ titi be nun-ɔn. Be nga be o i wun lɛ'n be kusu be titili be liɛ'm be nun.

2 Samiɛl 3:31

David seli Zoab nin sran nga be o i wun lɛ'n be kɛ: «Amun `titi amun wun tralɛ'm be nun, amun `wla bajɛ tralɛ. Amun `sun Abnɛr.» Famiɛn David suli fuɛn'n su.

1 Famiɛn Mun 21:27

Kɛ Akab tili i sɔ ndɛ'n, ɔ titili i wun tralɛ'm be nun. Ɔ wlali bajɛ tralɛ, kpɛkuun ɔ kpɛli srɛ nun. Ɔ fa bajɛ'n yɛ ɔ la-a. Ɔ nanti sa blɛblɛblɛ.

2 Famiɛn Mun 18:36

Sran nga be o lɛ'n be guali bliin, b'a tɛ-man su, afin famiɛn Ezekias seli be kɛ nán be kan ndɛ fi.

2 Famiɛn Mun 5:7

Blɛ bɔ Izraɛl famiɛn'n kanngannin fluwa'n nun cɛ'n, ɔ titili i wun tralɛ'm be nun. Yɛ i waan: «?Nyanmiɛn yɛlɛ min bɔ n yo man sran wu annzɛ ɔ nyan nguan-an, bɔ i ti yɛ ɔ se min kɛ n yo man i sran'n i kokowe'n wie-ɔ? Amun `nian, utre bɔ cɛ yɛ ɔ su fa wla min sin lɛ-ɔ.»

2 Famiɛn Mun 6:30

Kɛ famiɛn'n tili bla'n i ndɛ sɔ b'ɔ kannin'n, ɔ titili i wun tralɛ'm be nun. Kɛ ɔ ´nanti talɛ'n su sin'n, klɔ'n nunfuɛ'm be wunnin kɛ bajɛ tralɛ o i tralɛ titiwa b'ɔ o i wun'n i bo.

Ɛstɛr 7:4

Afin b'a yo min nin min nvlefuɛ mun e atɛ kɛ be `nunkun ye, be `kpɛ e kɔmin, yɛ be `nunnun ye mlɔnmlɔn. Sɛ ɔ ti kɛ be waan be ´yo ye atɛ nan e `kaci kanga'n, wuun n kan-man ndɛ. Nannan, like nga e kpɔfuɛ'n waan ɔ saci i'n ti dan. Sɛ ɔ saci'n, be tannin i kalɛ-ɔ, ɔ su yo-man ye.»

Zɔb I Nyrɛnnɛn Wunlɛ 2:13

I sin be trannin i wun lɛ kɔnguɛ nin wia nun lele cɛn ba klonglo nso. Be nun kun sa ɔ'a uke-mɛn i nuan, afin be wunnin kɛ afɛ ng'ɔ o i su'n ɔ ti dan ngboko.

Jue Mun 39:2

N seli min wun kɛ n ´sasa min wun kɛ ɔ ´yo nan m'an fɔn-man min ijɔlɛ bɔ n ijɔ'n nun'n ti. N waan kɛ klunwifuɛ'n wo lɛ'n, m ´muan mín nuan'n su.

Akunndanfuɛ'n 3:6

Ɔ lɛ blɛ kun bɔ be fa kunndɛ like-ɔ, yɛ ɔ lɛ blɛ kun bɔ be fa saci like bɔ be nyɛnnin nin-ɔn. Ɔ lɛ blɛ kun bɔ be fa yia like su-ɔ, yɛ ɔ lɛ blɛ kun bɔ be fa yi like blo-ɔ.

Ezai 36:21

Be tɔli bliin, b'a tɛ-man su, afin famiɛn seli be kɛ nán man be kan ndɛ fi.

Zeremi 36:24

Famiɛn'n nin i awlo lɔ sran dandan'm be kwlaa be tili ndɛ sɔ'n i kwlaa weiin, sanngɛ be klun sa ɔ'a ti-man be nan se kɛ be ´titi bé wun tralɛ'm be nun.

Zeremi 8:14

?Ɔ yo sɛ ti yɛ e titi ase-ɔ? Amun man e yia e wlu klɔ nga be si bé wun'n be nun. E `ko wu lɔ. Afin Anannganman e Nyanmiɛn'n waan san wulɛ yɛ e ´wu-ɔ. Ɔ'a man e nzue nga duwlɛ o nun'n kɛ e `nɔn, sa tɛ bɔ e yoli i'n i dunman nun ti.

Ngwlɛ Yilɛ 3:28

Sɛ Nyanmiɛn sa sran kun nian'n, man ɔ trɛn i ngunmin bɔ diin .

Zoɛl 2:13

Amún wun tralɛ'm be nun titilɛ'n ti ngbɛn, amun anwlɛn ba'n yɛ ɔ fata kɛ an `kaci i-ɔ. An `kaci i nan an `sa amun sin Anannganman amun Nyanmiɛn'n i sin. I klun ti ufue, ɔ si aunnvuɛ. Ɔ fa-man ya ndɛndɛ. I klun-ufue liɛ'n gua lɛ ngbɛn yɛ be isa-a. Kɛ ɔ ko fua kɛ ɔ fa nyrɛnnɛn yi sran kun su'n, kpɛkuun i kunngba'n i sa sin ɔ'a bubu i, ɔ yo-mɛn i kun.

Amɔs 5:13

Blɛ'n ɔ'a yo kekle. I sɔ'n ti, be nga be si ngwlɛlɛ'n, be wun ndɛ-ɔ be kwla kan-man.

Amɔs 8:3

Anannganman Nyanmiɛn wan yoo: «Min jɔlɛ dilɛ cɛn sɔ nun'n, famiɛn sua'n nun jue tofuɛ'm be ´yaci jue tolɛ be ´sun. Fuɛn'm be ´tru lika'n nun sa trutrɛɛ, kpɛkuun lika'n ´tɔ sa bliin.»

Mise 7:5

Nán an fa amún wla guɛ i amun janvuɛ'm be su. Sran nga bɔ yɛ amun nin i be ti koko nnya nun-ɔn, ɔ ti-man'n, nán an fa amún wla guɛ i su .

Sa nga bé yôli'n 4:20

nanwlɛ, e kwla yaci-man like nga e wunnin i'n nin ndɛ nga e tili'n i kanlɛ.»

Sa nga bé yôli'n 9:39

Piɛr a sisi-mɛn i bo, ɔ nin be ɔli. Kɛ ɔ juli lɔ'n, be fɛ ɔli nglo sua'n nun lɔ. Angboti mmla'm be kwlaa be bɛli i wun lɛ, be fa tralɛ nin tralɛ dandan nga Dɔrkas wuli be kɛ i nyin tɛ o su'n, kleli i, wuun be ´sun.

1 Samiɛl 10:16

Sail tɛli i su kɛ: «Ɔ kan kleli e weiin kpa kɛ be wunnin aflunmun bla mun.» Sail ɔ'a kan-man famiɛn dilɛ ndɛ nga Samiɛl kan kleli i'n.