Akunndanfuɛ'n 3:4 - NYANMIƐN NDƐ'N 1998

⁴ Ɔ lɛ blɛ kun bɔ be fa sun-ɔn, yɛ ɔ lɛ blɛ kun bɔ be fa sri-ɔ. Ɔ lɛ blɛ kun bɔ be fa yi ngwlɛ-ɔ, yɛ ɔ lɛ blɛ kun bɔ be fa si able-ɔ.

Akunndanfuɛ'n 3:4 ပူးပေါင်းရင်းမြစ်များ

Bo Bolɛ 21:6

Sara seli kɛ: «Ee! Min yɛ Nyanmiɛn man m'an kwla sri yɛ. Sran kwlaa ng'ɔ ti ndɛ nga'n ɔ ´kle i srilɛ.»

2 Samiɛl 6:16

Kɛ be ´fa Anannganman i alaka'n ´ju David Klɔ lɛ'n, wuun Sail i wa bla Mikal jin fenɛtri'n nun lɔ, i nyin ta be. Ɔ ´nian-an, famiɛn David yɛ ɔ su si able ´tu kpɛn Anannganman nyrun yɛ, ɔ yoli i tɛ nan ɔ'a yo i finfin.

Jue Mun 30:11

Anannganman, sie ɔ su. Si min aunnvuɛ. Anannganman, de min.

Jue Mun 30:5

Anannganman i sufuɛ nanwlɛfuɛ mun, amun `to jue bo flɛ i, afin i dunman'n ɔ lɛ-man wunsu. Amun `mɛnmɛn i.

Ezipt Lɔ Tulɛ'n 15:20

Kɛ ɔ yoli sɔ'n, Nyanmiɛn nuan ijɔfuɛ bla bɔ be flɛ i Mari, b'ɔ ti Aarɔn i niaan bla'n, ɔ fali klɛn ba kun. Kɛ ɔ ´bo'n, wuun Izraɛl mmla'm be kwlaa be ´si able be su i su.

Akunndanfuɛ'n 3:5

Ɔ lɛ blɛ kun bɔ be fa to yɛbuɛ be yi i blo-ɔ, yɛ ɔ lɛ blɛ kun bɔ be fa tiantian yɛbuɛ nuan-an. Ɔ lɛ blɛ kun bɔ be fa tɔ be wiengu nun-ɔn, yɛ ɔ lɛ blɛ kun bɔ be fa titi nun-ɔn .

Akunndanfuɛ'n 7:14

Sɛ a wun ɔ́ wun fɛ'n, man ɔ klun jɔ, sɛ kusu a o nyrɛnnɛn nun'n, bu akunndan. Nyanmiɛn yɛ man sran wun i wun fɛ-ɔ, i kunngba'n yɛ man sran wun nyrɛnnɛn nin-ɔn. Kɛ ɔ ´yo nan sran ɔ'a si-man cɛn wie sa ng'ɔ wa ju'n, i ti yɛ ɔ yo i sɔ nin-ɔn.

Ezai 40:1

Amun Nyanmiɛn'n i waan: «Amun `fɔnvɔ min nvle'n nunfuɛ mun, amun `fɔnvɔ be.

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Matthieu 11:17

‹E boli blo kleli amun, sanngɛ amu'an si-man able, E boli amun sɛ, sanngɛ amu'an bo-man awuyomo.›

Matthieu 9:15

Jésus seli be kɛ: «?Sɛ yasua kun su fa atɔnvlɛ'n b'ɔ nin i janvuɛ'm b'ɔ yiali be'n be tɛ o lɛ'n, bé wla bo? Le kun be wa de yasua sɔ'n bé sa nun, blɛ sɔ'n nun yɛ be ´kpɛ srɛ nun-ɔn.

JÉSUS-CHRIST I DYASIN FE'N BO LUC KLELI'N 1:58

Kɛ Elizabɛt i tranfuɛ nin i osufuɛ'm be tili kɛ e Min Nyanmiɛn'n ɔ'a si i aunnvuɛ dan'n, be klun jɔli.

Rɔmfuɛ Mun 12:15

Sɛ sran kun i klun jɔ'n, man ɔ yo amun fɛ, sɛ sran kun ´sun'n, man ɔ yo amun annvɔ.

2 Korɛntfuɛ Mun 7:10

Afin kokolɛ nga Nyanmiɛn man sran koko'n, i agualiɛ yɛlɛ nzuɛn kacilɛ b'ɔ man sran nyɛn i ti'n, i sɔ liɛ'n yo-man ya, sanngɛ klɔ sran kokolɛ liɛ'n i agualiɛ yɛlɛ wie.

Jacques 4:9

Man amun nyrɛnnɛn'n wlu amún nyin su, an `bo awuyomo, an `sun, yɛ srilɛ nga an sri'n, man ɔ kaci sunlɛ.