Akunndanfuɛ'n 3:2 - NYANMIƐN NDƐ'N 1998

² Ɔ lɛ blɛ kun bɔ be fa wu ba-a, yɛ ɔ lɛ blɛ kun bɔ sran fa wu-ɔ. Ɔ lɛ blɛ kun bɔ be fa ta ninnge mun-ɔn, yɛ ɔ lɛ blɛ kun bɔ be fa tu ninnge nga be tali'n be bo-ɔ .

Akunndanfuɛ'n 3:2 ပူးပေါင်းရင်းမြစ်များ

Bo Bolɛ 17:21

Sanngɛ sran nga e nin i e tra aenguɛ'n yɛlɛ Izaak, Sara i wa nga afuɛ ng'ɔ ´ba lɔ bikisa'n, wuun ɔ'a wu i ɔ'a man wɔ'n.»

Bo Bolɛ 47:29

Kɛ ɔ ´nian b'ɔ su wa wu'n, ɔ flɛli i wa Zozɛf, ɔ seli i kɛ: «Sɛ min ndɛ lo wɔ'n, yaci fa ɔ́ sa'n wla min sɔwa'n bo b'ɔ kle kɛ a su ta min nda kɛ a ´yo min ye nan a su yi-man min ase. Srɛlɛ yɛ n ´srɛ wɔ-ɔ, nán sie min Ezipt wa.

1 Famiɛn Mun 13:2

Yɛ ɔ kannin ndɛ nga Anannganman fa wlɛli i nuan kɛ ɔ kɛn i sraka yiwlɛ'n i wun kɛ sran sa nin-ɔn. I waan: «Sraka yiwlɛ! Sraka yiwlɛ! Tie ndɛ nga Anannganman kan'n. I waan: ‹Be wa wu ba kun David osu'n nun, be ´flɛ i kɛ Zozias. Ba sɔ'n, sraka yifuɛ nga be yi tɛ ɔ́ su'n, ɔ ´fa be bɔbɔ yi tɛ ɔ́ su. Yɛ be wa yra sran owie ɔ́ su.› »

2 Famiɛn Mun 4:16

Yɛ Elize seli i kɛ: «Afuɛ ng'ɔ ´ba lɛ'n, blɛ kunngba nga nun'n, a ´ju ba yasua.» Bla'n waan: «Aa! Min min, a ti Nyanmiɛn sran, nán laka min.»

Zɔb I Nyrɛnnɛn Wunlɛ 14:14

Sɛ ɔ ti kɛ sran wu-ɔ ɔ ba'n, wuun n ´tran m ´minndɛ kɛ junman difuɛ b'ɔ minndɛ lelee, kpɛkuun be fa sran kaci i'n sa .

Zɔb I Nyrɛnnɛn Wunlɛ 14:5

Wɔ yɛ a sie sran'n i cɛn ng'ɔ ´di'n i nuan-an. Wɔ yɛ a sie i anglo ng'ɔ ko di'n i nuan-an. A sieli bé nuan, sran'n ɔ tra su-ɔ ɔ yo-man ye.

Zɔb I Nyrɛnnɛn Wunlɛ 7:1

Sran i nguan'n ɔ ti kɛ sonja'm be nguan'n sa, yɛ ɔ ti kɛ kpa difuɛ'm be nguan'n sa.

Jue Mun 113:9

Ɔ yo man bla klun kpanfuɛ'n ɔ nyan awlo kɛ bla ta bɔ i mma'm be sin yiɛ i bɔ i klun jɔ'n sa. Amun `manman Anannganman!

Jue Mun 52:5

A klo sa tɛ'n tra sa kpa'n. A klo ato'n tra nanwlɛ'n.

Nyanndra Mun 24:27

Dun mmua wie ɔ junman nga be o guasu lɔ'n be di, yɛ ɔ fie'm bé su junman mun, wie be di nan w'a bu sua kplanlɛ'n wun akunndan.

Ezai 28:24

?Sran ng'ɔ tutu lika kɛ ɔ ´lua like'n, ɔ ka lika'n i tutulɛ'n su tititi? ?Sɛ i waan ɔ ´bo i lika nun kofie'n, kɛ ɔ jin kofie bolɛ'n su'n yɛ ɔ jin-ɔn?

Ezai 38:1

I blɛ sɔ nun'n, Ezekias tɔli tukpacɛ, ɔ ti-man nguan liɛ. Yɛ Amɔz i wa Ezai b'ɔ ti Nyanmiɛn i nuan ijɔfuɛ'n ɔ wa toli i nan ɔ'a se i kɛ: «Anannganman waan a siesie wɔ aja'n, afin a su nyan-man nguan, a ´wu.»

Ezai 38:5

Ɔ seli i kɛ: «Ko se Ezekias kɛ: ‹Anannganman b'ɔ ti ɔ nannan David i Nyanmiɛn'n i waan: N tili ɔ srɛlɛ'n, n wunnin ɔ nyinmuɛn'n. Nian, n ´sa ɔ nguan'n su afuɛ blu-nin-nnun.

Ezai 54:1

Zerizalɛmfuɛ mun, amun bɔ amun ti kɛ klun kpanfuɛ mun sa'n, amun bɔ amu'an nyan-man ba kun'n, amun `bo sro. Amun bɔ amu'an wu-man ba kun'n, man amun wun blibli amun, yɛ man amún wun nyrɛn amun! Afin Anannganman wan yoo: «Amun bɔ amun ti kɛ bla nga b'a yaci be'n sa'n, amun mma'm be wa sɔn tra bla nga be tɛ o bé wun'm bé bo'n !»

Zeremi 1:10

Nian, m'an fa wɔ m'an sie i nvle-nvle nin famiɛn diwlɛ'm bé su. A ´tu wie'm be bo: A ´bu wie mun yi be ase kɛ waka sa. A ´kun wie mun. A ´nunnun wie mun. A ´kplan wie kɛ sua sa. A ´ta wie kɛ waka sa.»

Zeremi 45:4

Anannganman'n waan n se wɔ kɛ yoo: «Like nga n kplannin'n, n wo i bubulɛ. Like nga n tali'n, n wo i bo tulɛ. Ɔ lɛ-man mɛn'n i lika kun b'ɔ ´kalɛ-ɔ.

Matthieu 13:41

M bɔ n kacili Sran'n, n ´sunman min anz mun kɛ be wa yi be kwlaa nga be saci sran'm be ti nun'n nin be bɔ be bo tete'n min mɛn'n nun

Matthieu 15:13

Ɔ seli be kɛ: «Waka kwlaa bɔ nán min Si b'ɔ o nyanmiɛn su lɔ'n yɛ ɔ tali'n, be ´tu i bo .

JÉSUS-CHRIST I DYASIN FE'N BO LUC KLELI'N 1:13

Yɛ anz'n seli i kɛ: «Zakari, nán srɛ kun wɔ, afin ndɛ nga a kan kleli Nyanmiɛn'n, ɔ tili. Ɔ yi Elizabɛt ɔ wa wu ba yasua kun man wɔ, a ´tɔn i dunman Zan.

JÉSUS-CHRIST I DYASIN FE'N BO LUC KLELI'N 1:20

Nian, a wa yo bobo, a su kwla-man ijɔ lele san b'a wu ba sɔ'n, yɛlɛ kɛ a lafi-man min ndɛ'n su, sanngɛ sɛ i cɛn'n ju'n sa sɔ'n ´yo.»

JÉSUS-CHRIST I DYASIN FE'N BO LUC KLELI'N 1:36

Nian, Elizabɛt b'ɔ ti ɔ osufuɛ'n, ɔ'a wunnzɛ i kpɛnngbɛn ba, bla sɔ'n bɔ be flɛ i klun kpanfuɛ'n, ɔ'a wunnzɛ i anglo nsiɛn yɛ.

Jean 16:21

Kɛ bla kun koto awuliɛ'n, wuun afɛ'n ɔ'a to i, sanngɛ kɛ ɔ ko wu ba'n, i wla fi i afɛ'n, i klun jɔ ba bɔ ɔ'a wu i'n ti.

Jean 7:30

Ɔ man be waan be ´trɛ i, sanngɛ i tralɛ cɛn nian ju-man ti sran fi sa a kɛn-mɛn i.

Sa nga bé yôli'n 7:17

Kɛ ndɛ nga Nyanmiɛn kan kleli Abraam'n ɔ wa kpɛn su'n, e nvle trɛli Ezipt lɔ ɔ yoli dan

Sa nga bé yôli'n 7:20

I nun sɔ'n nun yɛ be wuli Moiz-ɔ. Ba sɔ'n ti klanman, Nyanmiɛn klo i. Ɔ dili anglo nsan i si awlo lɔ.

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.

Mmla'n 34:5

Anannganman i sufuɛ Moiz wuli Moab mɛn'n nun lɛ kɛ Anannganman fa kannin'n sa.

Hébreu 9:27

Be sieli i kɛ sran wu kpɛ kunngba, i sin be fɛ i kɔ Nyanmiɛn ja su.

1 Samiɛl 2:5

Be nga be ku yili laa'n, be su kunndɛ junman nan b'a nyan aliɛ, sanngɛ be nga awe kunnin be laa'n, be su de wunmiɛn. B'a yaci junman dilɛ. Ɔliɛ bla klun kpanfuɛ'n ɔ'a wu ba kpɛ nso, sanngɛ bla ng'ɔ lɛ ba kaka laa'n, ɔ kwla wu-man ba kun.