Akunndanfuɛ'n 3:19 - NYANMIƐN NDƐ'N 1998

¹⁹ Afin sran'm be agualiɛ'n nin nnɛn'm be liɛ'n, ngbaciɛ nun-man be afiɛn. Like kunngba nga bɔ man sran de wunmiɛn'n, i kunngba'n yɛ nnɛn'm be kusu be lɛ i-ɔ. I klɔ sran o, i nnɛn o, be kwlaa be wu. Sran'n i kpa tra-man nnɛn'n. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Akunndanfuɛ'n 3:19 ပူးပေါင်းရင်းမြစ်များ

2 Samiɛl 14:14

Ɔ lɛ-man e nun kun b'ɔ su ko wu-man-an. Kɛ e ko wu'n, e ti kɛ nzue bɔ ɔ'a utu'n sa, be isa-a, ɔ yo-man ye kun, sanngɛ Nyanmiɛn ɔ'a sie-man ba ng'ɔ wanndi ɔli mɛn wie nun i liɛ'n sɔ kɛ ɔ ka lɔ. Ɔ'a sie-mɛn kɛ ɔ trɛn i bɔbɔ Nyanmiɛn'n i wun mmua.

Jue Mun 104:29

Sanngɛ sɛ a to ɔ́ nyin blo'n, srɛ kun be kpa. Sɛ a yi wunmiɛn ng'ɔ o be nun'n, be ka lɛ be wu, yɛ be sa bé sin be kaci fa.

Jue Mun 49:12

Be dunman nga be fa sie i lika'm bé su'n, kannzɛ ɔ yo sɛ san ndia'n yɛ ɔ ´kaci bé sua bɔ be ´tran nun mlɔnmlɔn-ɔn.

Jue Mun 49:13

Sran'n, kannzɛ ɔ ´nyan nyrun sɛ, nán kɛ ɔ ´ka lɛ ti-ɔ, ɔ ´wu kɛ nnɛn'm be sa.

Jue Mun 49:20

kannzɛ ɔ yo sɛ san ɔ ´to be nga be dunnin mmua i nyrun bɔ be su wun-man wia'n i wun mlɔnmlɔn kun le'n be lɔ.

Akunndanfuɛ'n 1:14

N niannin junman nga be di be nyanmiɛn'n bo wa'n be kwlaa, n wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 1:17

N kunndɛli ngwlɛlɛ nin sinnzin'n be afiɛn ngbaciɛ'n. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 2:14

Ngwlɛlɛfuɛ'n ɔ wun ase yɛ sinnglinfuɛ'n nanti i liɛ ble'n nun. Sanngɛ n si kɛ awieliɛ kunngba'n yɛ ɔ wa wie be nnyɔn nin-ɔn.

Akunndanfuɛ'n 2:16

I ngwlɛlɛfuɛ o, i sinnglinfuɛ o, be kwlaa be wu, yɛ kɛ ɔ ´cɛ kɔ'n, sran'm be wla fi be su.

Akunndanfuɛ'n 7:2

Awlo nga sɛ o nun'n, i nun kɔlɛ'n ti kpa tra awlo nga be su di cɛn nun'n. Yɛlɛ kɛ sran'm be kwlaa be awieliɛ yɛlɛ wie'n, i ti ɔ fata kɛ be nga be nyin o su'n be bu i akunndan.

Akunndanfuɛ'n 9:12

Kɛ kpatra'n b'ɔ ´wun i wun-ɔn, lala ɔ'a trɛ i'n, annzɛ anunman'n b'ɔ ´wun i wun-ɔn, aya ɔ'a trɛ i'n, kɛ klɔ sran'n kusu ɔ ti sɔ-ɔ, ɔ si-man cɛn nga nyrɛnnɛn'n ɔ wa tɔ i su-ɔ. Blɛ wie'n, sran'n sunnzun-man kɛ sa su wa nyɛn i, kpɛkuun sa wie ɔ'a tɔ i su ɔ'a blɛblɛ i wun.

Akunndanfuɛ'n 9:2

Sa nga be ju sran'm be kwlakwla bé su'n, i kwlaa ti kunngba. Sran kpa'n i agualiɛ'n nin sran tɛ'n i agualiɛ'n be ti kunngba. Sa ng'ɔ ju sran kpa nin sran ng'ɔ ti saun Nyanmiɛn nyrun bé su'n, i sɔ sa kunngba'n ju sa tɛ yofuɛ'n su. Sran ng'ɔ yi sraka o, sran ng'ɔ yi-man sraka o, klun-ufuefuɛ o, klunwifuɛ o, sran ng'ɔ ta Nyanmiɛn nda o, sran nga be sro nda talɛ o, be awieliɛ'n ɔ ti kunngba.

Kalɛ 16:29

Sɛ sran nga be o yɛ'n be wu kɛ sran'm be kwlaa be fa wu'n sa'n, wuun nán Anannganman yɛ ɔ sunmannin min-ɔn.