Akunndanfuɛ'n 3:11 - NYANMIƐN NDƐ'N 1998

¹¹ Sa kun ng'ɔ o sa'n, sɛ i blɛ ko ju'n, Nyanmiɛn nian su yo i sɛsɛsɛ. Nyanmiɛn bɔbɔ yɛ man e si like ng'ɔ lɛ-man bo bolɛ nin awieliɛ nin-ɔn. Sanngɛ sa nga Nyanmiɛn yo'n, kɛ ɔ fin i bo bolɛ'n nun lele b'ɔ ´fa ju i awieliɛ'n, sran si-mɛn i bo.

Akunndanfuɛ'n 3:11 ပူးပေါင်းရင်းမြစ်များ

Bo Bolɛ 1:31

Nyanmiɛn niannin ninnge ng'ɔ yoli'n be kwlaa, ɔ wunnin kɛ ɔ yoli kpa dan. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsiɛn su'n yɛ ɔ o lɛ-ɔ.

Zɔb I Nyrɛnnɛn Wunlɛ 11:7

?Ɔ kpa'n, a kwla si Nyanmiɛn i bo ndɛ mun? ?Nyanmiɛn b'ɔ kwla like kwlaa yo'n i dan'n i wafa b'ɔ ti'n, a kwla wun i wlɛ?

Zɔb I Nyrɛnnɛn Wunlɛ 37:23

Nyanmiɛn b'ɔ kwla like kwlaa yo'n, e kwla ju-mɛn i wun lɔ. I fanngan'n ɔ ti dan. Ɔ yo sa i nuan su weiin weiin kpa. Ɔ tɛ-man sran fi su.

Zɔb I Nyrɛnnɛn Wunlɛ 5:9

Ɔ yo sa dandan, yɛ be wun-man sa sɔ'm bé bo. Abonuan sa ng'ɔ yo be'n be sɔnnin.

Jue Mun 104:24

Ee Anannganman, junman nga a di be'n, be sɔnnin o! Ngwlɛlɛ nga a fa yoli i kwlakwla sɔ'n ɔ cɛnnin o! Ɔ sa nuan ninnge'n ɔ'a yi asiɛ'n.

Nyanndra Mun 16:4

Kɛ Anannganman ´yo like kun sa'n ɔ lɛ bo. Klunwifuɛ mun bɔbɔ, jɔlɛ dilɛ cɛn'n nun b'ɔ ´kle be nun'n, ɔ bu i akunndan sie.

Akunndanfuɛ'n 1:13

M buli like nga be ju mɛn'n nun'n be kwlaa be akunndan nan n ´si bé bo. I sɔ yolɛ'n ɔ ti junman kekleke kun yɛ Nyanmiɛn fa mannin sran'm be kɛ be di-ɔ.

Akunndanfuɛ'n 11:5

Kɛ bɔ a si-man wafa nga aunngban'n fa fita'n, nin wafa nga ba kan kun ɔ fa trɛn i nin klun lɔ'n b'ɔ nyin'n, i kunngba nin-ɔn, a si-man wafa nga Nyanmiɛn b'ɔ yo sa kwlaa'n ɔ fa di i junman'n.

Akunndanfuɛ'n 7:13

Nian Nyanmiɛn i sa nuan ninnge mun. ?Wan yɛ sɛ Nyanmiɛn bli like kun'n ɔ kwla tinngɛ nun-ɔn?

Akunndanfuɛ'n 7:23

M buli ninnge'm be kwlaa be akunndan n niannin. N seli n klun lɔ kɛ: «N wa nanti kɛ ngwlɛlɛfuɛ sa.» Sanngɛ ɔ'a yo-man ye.

Akunndanfuɛ'n 7:29

Sa kunngba nga n wunnin i wlɛ kpa i kwlaa sɔ'n nun'n yɛ. Nyanmiɛn yili sran'm be kpa, be bɔbɔ yɛ be fali bé wun wlali sa sukusuku'm be nun-ɔn.»

Akunndanfuɛ'n 8:17

N wunnin Nyanmiɛn i junman ng'ɔ di'n i kwlaa, yɛ n wunnin kɛ sran'm be ´kle bé wun nyrɛnnɛn ngbɛn, be su wun-mɛn i wlɛ le. Sran nga bɔ i waan ɔ si ngwlɛlɛ bɔbɔ'n, ɔ su wun-mɛn i wlɛ le.

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

Matthieu 13:22

Yɛ nduin'n bɔ awie'n tɔli nun'n, yɛlɛ sran ng'ɔ ti Nyanmiɛn ndɛ'n, sanngɛ mɛn'n nun ninnge'n i ngokoɛ'n nin anyanbeun'n i klolɛ'n ɔ tra Nyanmiɛn ndɛ'n, ɔ man ndɛ sɔ'n yo-man kpa.

Marc 7:37

Bé nuan'n boli be wun dan kpa nan b'a se kɛ: «Like kwlaa ng'ɔ yo'n ɔ yo ye, ɔ man sutrefuɛ'm be ti sa yɛ bobofuɛ'm be ijɔ!»

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.