Akunndanfuɛ'n 2:9 - NYANMIƐN NDƐ'N 1998

⁹ N nyannin nyrun dan kpa, min nyrun nga n nyɛnnin i'n yoli dan trali be kwlaa nga be dun mmua trannin min nyrun Zerizalɛm wa'n. Yɛ min ngwlɛlɛ'n i su ɔ'a kpɛ-man le.

Akunndanfuɛ'n 2:9 ပူးပေါင်းရင်းမြစ်များ

1 Famiɛn Mun 10:23

Anyanbeun nun o, ngwlɛlɛ nun o, famiɛn Salomɔn yoli dan trali asiɛ'n su famiɛn'm be ngba.

1 Famiɛn Mun 10:7

N tili i lɔ m'an fa-man. Min bɔbɔ m'an ba. M'an wun i nin min nyinma. Kɛ n bali'n, nanwlɛ, n wunnin kɛ i kpa'n b'a kan-man ɔ́ wun ndɛ'n i bue bɔbɔ. Ɔ ngwlɛlɛ'n, ɔ nin ɔ́ sa nun ninnge mun be tra bé wun ndɛ nga n tili'n fatifati.

1 Famiɛn Mun 3:12

i ti like nga a usali'n, n wa yo man wɔ. N wa man wɔ ngwlɛlɛ, a ´yo akunndanfuɛ dan. Sran fi nian nyɛn-mɛn i sɔ ngwlɛlɛ'n le, yɛ sran fi su nyɛn-mɛn i sɔ le nan kɛ ɔ ´yo ɔ'a yo-ɔ.

1 Be Nyoliɛ 29:25

Anannganman mannin Salomɔn su dan kpa. I dunman'n fuli Izraɛlfuɛ'm be kwlaa be afiɛn. Yɛ Anannganman yoli man i sielɛ'n takali trali Izraɛl famiɛn nga be dunnin mmua i nyrun'n.

2 Be Nyoliɛ 1:1

David wa Salomɔn i sielɛ'n takali. Anannganman b'ɔ ti i Nyanmiɛn'n nin i trannin, ɔ man ɔ yoli dan kpa.

Akunndanfuɛ'n 1:16

N seli n klun lɔ kɛ ngwlɛlɛ nga n ko si i'n, m'an si i. N seli kɛ be nga be dunnin mmua trannin famiɛn Zerizalɛm wa nan m'an yo famiɛn'n, min ngwlɛlɛ'n ɔ'a tra be kwlaa be liɛ'n. M'an wun wie, yɛ m'an si mɛn'n nun sa kpanngban kpa.

Akunndanfuɛ'n 5:11

Junman difuɛ ng'ɔ klo junman dilɛ'n, sɛ ɔ nyannin aliɛ kan dili o, sɛ ɔ nyannin aliɛ dan dili o, ɔ lafi klanman. Sanngɛ anyanbeunfuɛ'n i liɛ'n, i anyanbeun ninnge kpanngban'm be ti ɔ kwla lafi-man.