Akunndanfuɛ'n 2:8 - NYANMIƐN NDƐ'N 1998

⁸ Like nga be flɛ i sika ɔkwlɛ nin jɛtɛ ufue'n, n suali wie. N fali famiɛn mun nin mɛn'n su kpɛnngbɛn nga n sie be'n be kwlaa be anwlɛn su ninnge kpakpa'm be wie. N nyannin n klun klo jue tofuɛ bla nin yasua mun. Bla kaka jalɛ b'ɔ ti klɔ sran'm be aklunjuɛ like'n, n jali wie kpa liɛ su.

Akunndanfuɛ'n 2:8 ပူးပေါင်းရင်းမြစ်များ

2 Samiɛl 19:35

Barzilai waan: «?Nannan, n tɛ di le nnyɛ nguan nun bɔ man e nin wɔ e kɔ Zerizalɛm-ɔ?

1 Famiɛn Mun 10:10

Seba famiɛn bla'n fali sika ɔkwlɛ b'ɔ ´ju tɔnun nsan nin sin, ɔ nin parfɛn kpanngban kpa, ɔ nin yɛbuɛ kpakpa mun, ɔ fa mannin famiɛn'n. Kɛ ɔ fin lɛ'n, be nian wun-mɛn i kɛ be blɛli famiɛn Salomɔn i parfɛn kpanngban kɛ nga Seba famiɛn bla'n fa bali'n sa.

1 Famiɛn Mun 10:14

Afuɛ nuan kwlaa sika ɔkwlɛ nga be fa blɛ Salomɔn'n ti tɔnun ablaɔn.

1 Famiɛn Mun 10:21

Salomɔn i klowa'm be kwlaa be ti sika ɔkwlɛ. Yɛ i ninnge nga be o «Liban bo'n» nun lɔ'n, atiɛ o, ninnge nga be ti kɛ i kpongbo sa o, be kwlaa be ti sika ɔkwlɛ jrɛiin. Wie fi ti-man jɛtɛ ufue. Salomɔn blɛ su'n, be bu-man jɛtɛ ufue'n i like.

1 Famiɛn Mun 11:3

I bo bla'm be ti ya nso. I soman'm be ti ya nsan. Be kwlakwla sɔ'n be kacili i anwlɛn'n.

1 Famiɛn Mun 14:27

Famiɛn Rɔbɔam wa yoli aaba nyrɛn fa sieli be osu. Ɔ fa be wlali sonja'm bé su kpɛnngbɛn nga be jran famiɛn i sua'n i anuan'n nun'n bé sa nun kɛ be nian su.

1 Famiɛn Mun 9:14

Kusu wuun Iram mannin Salomɔn sika ɔkwlɛ tɔnun nsan nin sin.

1 Famiɛn Mun 9:28

Bé bo yoli kun be ɔli Ɔfir mɛn'n nun, be ko nyannin sika ɔkwlɛ b'ɔ ju tɔnun blu-nin-nnyɔn, be fa blɛli famiɛn Salomɔn.

1 Be Nyoliɛ 25:1

David nin be nga be nian Nyanmiɛn sulɛ'n su'n be sieli Azaf osu'n nunfuɛ mun, nin Eman osu'n nunfuɛ mun, ɔ nin Zɛditɛn osu'n nunfuɛ'm be ngunmin. Be nga be sieli be sɔ'n, be fa Nyanmiɛn nuan ndɛ'n be kpɛ jue. Kɛ be ´to'n, wuun be ´bo jru, nin aluku, ɔ nin aaba ndɛ mun. Be nga be fa junman sɔ'n wlali bé sa nun'n mun yɛ:

1 Be Nyoliɛ 25:6

Sran sɔ'm be kwlaa'n, be si mun yɛ be jran be nyrun to jue Anannganman i sua'n nun-ɔn. Be lɛ aaba ndɛ mun, nin aluku mun, nin jru mun yɛ be fa su Nyanmiɛn i sua'n nun-ɔn. Famiɛn'n yɛ ɔ nian Azaf, nin Zɛditɛn, nin Eman be su-ɔ.

2 Be Nyoliɛ 9:11

Famiɛn'n fali santal waka'n wie yoli Anannganman i sua'n nin i bɔbɔ i sua'n be asikalie'n. Ɔ fali wie ekun yoli jru nin sanngo mannin jue tofuɛ mun. B'a wun-man waka kɛ nga sa Zida mɛn'n nun laa le.

Ɛsdras 2:65

Be sufuɛ bla nin yasua'm be ti sran akpi-akpi nso sran ya nsan sran ablasan-nin-nso (7.337). Jue tofuɛ bla nin yasua'm be ti sran ya nnyɔn.

Akunndanfuɛ'n 1:2

Akunndanfuɛ'n i waan: «Sa'm be kwlaa be tra sran i akunndan'n su. Be trɛ i kpɛn sakpa. Like nga be yo be'n, i kwlaa ti afɛ ngbɛn .»

Daniɛl 3:15

Siɛn'n, sɛ amun ti awɛ i bolɛ'n, nin blo nin sanngo'm be bolɛ'n, nin aluku nin kote'm be bolɛ'n, nin sɛkɛsɛkɛ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase sika ɔkwlɛ sran bɔ n yoli'n i bo, nan amun `su i. Sɛ amu'an su-mɛn i'n, bé ja nun lɛ be ´fa amun to yi sin dan kpa kun nun. ?Amuɛn onin yɛ ɔ kwla de amun mín sa nun-ɔn?»

Daniɛl 3:5

Kɛ amun ti awɛ'n, nin blo'n, nin sanngo'n, nin kote'n, nin aluku'n, nin sɛkɛsɛkɛ'n, ɔ nin ngowa ninnge uflɛ wie'm be tɛlɛ cɛ'n, amun `koto yɛ amun `utu amun nyin ase nan amun `su famiɛn'n i sika ɔkwlɛ sran b'ɔ takali'n.

Daniɛl 3:7

I sɔ'n ti, kɛ nvle-nvle'm be nunfuɛ'm bɔ be fin mɛnmɛn'm be nun'n, bɔ be kan aniɛn wafa-wafa'n be kwlaa'n, be tili awɛ'n, nin blo'n, nin sanngo'n, nin aluku'n, nin kote'n, nin ngowa ninnge wafa-wafa'm be tɛlɛ'n, be kotoli yɛ be utuli be nyin ase nan b'a su sika ɔkwlɛ sran nga famiɛn Nɛbikadnɛzar takali'n.

Amɔs 6:5

An ´bo sanngo'n, wuun an ´kpankpan be ´to jue. David sɔnnzɔnlɛ ti able silɛ ninnge uflɛ mun yɛ amun kpɛ be ba-a.