Akunndanfuɛ'n 2:5 - NYANMIƐN NDƐ'N 1998

⁵ N dili n klun klo waka fie mun, n fali waka fanunfanun nga be su mma'n n fa n tali fie sɔ'm be nun.

Akunndanfuɛ'n 2:5 ပူးပေါင်းရင်းမြစ်များ

Neemi 2:8

Klɛ kun ekun man n `fa ko man Azaf b'ɔ nian ɔ bo'n su'n, nan ɔ `man min waka nga n ko fa ko yo klɔ wun sasalɛ sua b'ɔ mantan Nyanmiɛn i sua'n i anuan mun'n, ɔ nin waka nga n ko fa ko kplan klɔ'n wun talɛ'n, ɔ nin nga n ko fa ko kplan sua nga n ´tran nun'n.» Famiɛn'n klɛ fluwa sɔ mun mannin min afin min Nyanmiɛn'n jin mín sin.

Ngɔjue Fɛfɛ Kpa'n 4:12

Min niaan bla, min yi, a ti kɛ wunmiɛn delɛ lika kun bɔ i wun ti sisiwa'n sa. A ti kɛ nzue ti kun bɔ i wun ti sisiwa'n sa. Yɛ a ti kɛ nzue b'ɔ fin like nun fite, bɔ i anuan'n nun ti towa'n sa.

Ngɔjue Fɛfɛ Kpa'n 4:13

A ti nɔnman-nɔnman kɛ grenadie bɔ be nyin klanman fie'n nun, bɔ be mma'm be ti nɛnkɛn-nɛnkɛn kpa'n sa. Ene nin nar waka'm be fifi fie sɔ'n nun wie.

Ngɔjue Fɛfɛ Kpa'n 4:16

Nglo lɔ aunngban, fita. Ngua lɔ aunngban, fita wie. Amun `fita min wunmiɛn delɛ lika'n su man i bɔnlɛ fɛɛn'n ɔ tru lika'n nun. Min adeba, wlu ɔ tro fie'n nun nan di i nun mma fɛfɛfɛ mun.

Ngɔjue Fɛfɛ Kpa'n 5:1

Min niaan bla, min yi, n su wlu min wunmiɛn delɛ lika'n nun. N ´ti min mir'n i mma'n, n ´kpɛkpɛ min ijre fanninfannin'n. N ´nɔn min awɛma nzue'n. N ´nɔnnɔn min awɛma nzue'n. N ´nɔn min nzan nin min nɔnnɔn'n. Min janvuɛ mun, amun `di, amun `nɔn. Sɛ be nɔn klolɛ'n ɔ yo ye'n, wuun n ´se kɛ amun `nɔn, man ɔ bo amun kɛ nzan sa.

Ngɔjue Fɛfɛ Kpa'n 6:2

Min adeba'n ɔ ɔli i wunmiɛn delɛ lika'n nun kan ɔ tɛli i nnya-nnya fannin'm be lɔ'n. Ɔ fɛli i bua mun ɔli didilɛ lɔ, yɛ ɔ ɔli lis nyrɛ tilɛ.

Zeremi 39:4

Kɛ Sedesias b'ɔ ti Zida famiɛn'n nin alɛ kunfuɛ'm be wunnin be'n, be lɛ wanndilɛ. Kɔnguɛ be fin klɔ'n nun fiteli. Be fali famiɛn'n i fie su atin'n, kpɛkuun be ko sinnin talɛ nnyɔn'm be afiɛn anuan'n nun, kpɛkuun be fali Zurdɛn tɔnun'n nun atin'n.