Akunndanfuɛ'n 2:4 - NYANMIƐN NDƐ'N 1998

⁴ N dili n klun klo junman dandan mun. N kplannin n klun klo sua mun yɛ n dili n klun klo vinyi fie mun.

Akunndanfuɛ'n 2:4 ပူးပေါင်းရင်းမြစ်များ

Bo Bolɛ 11:4

Be seli kɛ: «An man e kplan klɔ kun nin sua mlomlo kun. Man i sɔ sua liɛ'n i ti'n to nyanmiɛn'n lɔ. E `yo sɔ nan e dunman'n fu nan kusu y'a bo y'a sanndi-man asiɛ wunmuan'n su.»

2 Samiɛl 18:18

Kɛ Absalɔm nyin tɛ o su'n, ɔ kplannin yɛbuɛ kun famiɛn'n kongo'n nun lɔ. I waan: «N lɛ-man ba bɔ i yɛ man min dunman'n ´ka lɛ-ɔ.» I ti ɔ fɛli i dunman'n sieli yɛbuɛ sɔ'n su. Lele nin ndɛ be tɛ flɛ i Absalɔm i Yɛbuɛ.

1 Famiɛn Mun 15:19

«N klo kɛ e nin wɔ e ´tra aenguɛ kɛ é si'm be trali'n sa. Ɔ jɛtɛ ufue nin ɔ sika ɔkwlɛ yɛ. I ti nán a nin Baɛsa b'ɔ ti Izraɛl famiɛn'n be di kun. I liɛ'n ɔ ´jaso min mɛn'n nun wa.»

1 Famiɛn Mun 9:1

Kɛ famiɛn Salomɔn wieli Anannganman i sua'n nin i bɔbɔ i sua'n, ɔ nin like uflɛ wie'm be kplan'n,

1 Be Nyoliɛ 27:27

Simɛi b'ɔ fin Rama'n yɛ ɔ nian vinyi fie'm be su-ɔ. Nzan nga be yi b'ɔ o vinyi fie'm be su'n, Zabdi b'ɔ fin Sɛfam yɛ ɔ nian su-ɔ.

2 Be Nyoliɛ 26:10

Ɔ kplannin sua bɔ be di nun gladi'n aawlɛ flɛnnɛn'n nun lɔ. Ɔ kpɛli nzue gbo kpanngban mɛn'n i ngua lɔ nin lika kpɛtɛkplɛɛ'n nun lɔ, afin ɔ lɛ nnɛn kpanngban. Ɔ lɛ fie difuɛ mun nin vinyi fie su nianfuɛ mun bɔ be di i junman kpɔlɛ'm be su lɔ nin vinyi fie'm be nun'n, afin ɔ klo asiɛ wun junman bɔ be di'n kpa.

2 Be Nyoliɛ 8:11

Ezipt famiɛn'n i wa talua'n, Salomɔn fɛli i David Klɔ lɔ ɔli sua b'ɔ kplan mɛnnin i'n nun, afin ɔ seli kɛ: «Ɔ fata-man kɛ min yi'n tran David b'ɔ ti Izraɛl famiɛn'n i sua'n nun, yɛlɛ kɛ lika bɔ Anannganman i alaka'n wluli lɛ'n ti Anannganman liɛ.»

Jue Mun 49:11

E wun kɛ ngwlɛlɛfuɛ'm be wu kɛ sinnglinfuɛ tɛ kpa'm be sa. Be wu be yaci bé bo ninnge'n i lɛ be man sran uflɛ.

Ngɔjue Fɛfɛ Kpa'n 1:14

Ɔ ti kɛ An-Gedi lɔ vinyi fie'n nun ene nyrɛ'n i sɔsɔwa wie sa.

Ngɔjue Fɛfɛ Kpa'n 7:12

Min adeba, bla e `fite e wɔ blo lɔ. E `wɔ klɔ kaan wie su e ko la lɔ kɔnguɛ.

Ezai 5:1

Min waan n ´to jue m bo flɛ min aenguɛ'n. Min aenguɛ'n ɔ nin i vinyi fie bé wun jue yɛ min waan n ´to-ɔ . Min aenguɛ'n ɔ lɛ i vinyi fie kun, i vinyi fie sɔ'n wo kpɔlɛ wie bɔ i asiɛ'n ti kpa'n su.

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.