Akunndanfuɛ'n 2:23 - NYANMIƐN NDƐ'N 1998

²³ Mɛn'n nun tranlɛ b'ɔ trannin'n i kwlaa'n ti nyrɛnnɛn ngbɛn. I junman b'ɔ dili'n, klunngbɔ yɛ ɔ nyɛnnin i nun-ɔn. Kɔnguɛ bɔbɔ sa'n, i wla kwla gua-man ase. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 2:23 ပူးပေါင်းရင်းမြစ်များ

Bo Bolɛ 3:17

Yɛ ɔ seli yasua'n kusu kɛ: «Sa ti bɔ ɔ́ yi i aniɛn liɛ'n yɛ a tili'n, bɔ a dili waka mma nga n seli wɔ kɛ: ‹Nán di'n,› i ti asiɛ'n ´saci. A ´fɛ kpa nan w'a nyan ɔ́ nuan nun aliɛ. Ɔ ´yo sɔ lele yɛ a ´fa wu-ɔ.

Bo Bolɛ 47:9

Zakɔb tɛli i su kɛ: «M'an tu m'an tran mɛnmɛn wie'm be nun lele afuɛ ya afuɛ ablasan. Sa yalɛ sunman nyannin min, i ti m'an yo oke ndɛ. N su cɛ-man kɛ mín si'm be sa, kusu be yoli wlan-wlan sinfuɛ wie kɛ min sa.»

Ɛstɛr 6:1

Kɔnguɛ sɔ nun'n, famiɛn'n lafi-ɔ, ɔ yo-man ye. Kpɛkuun i waan be fa wla kpɛnlɛ fluwa'n bɔ yɛlɛ mɛn'n i sielɛ fluwa nga be klɛ sa dandan nga be ju i famiɛn diwlɛ'n nun'n be nun'n be blɛ i. Be fa bali nan b'a kanngan nun b'a kle i.

Zɔb I Nyrɛnnɛn Wunlɛ 14:1

Klɔ sran'n bɔ bla yɛ ɔ wuli i'n i nguan'n ɔ ti tika. Kusu i nguan sɔ'n, ɔ ti afɛ ngunmin.

Zɔb I Nyrɛnnɛn Wunlɛ 5:7

Kɛ be wu sran sa'n, fɛlɛ yɛ ɔ fɛ-ɔ. Ɔ ti kɛ anunman nyin sa. Kɛ b'a wu i'n, kannzɛ ɔ yo sɛ san ɔ ´tu.

Jue Mun 127:2

Aliɛ'n ɔ kwla cɛn-man nan amu'an jaso, sanngɛ wuun amun la-man ndɛ. Amun fɛ lele nan amu'an nyan amun nuan nun aliɛ b'a di. Nga amun yo i sɔ'n ɔ ti ngbɛn, afin Anannganman fa aliɛ kunngba nga an di'n man i klofuɛ nga be la be lafi mun.

Jue Mun 32:4

Afin i wia nun o, i kɔnguɛ o, a fa sa mun yi min su. Kpɛkuun min wunmiɛn'n ɔ wie, yɛ n yo kɛ waka b'ɔ wu kee wawa nun'n sa.

Jue Mun 90:15

Blɛ'n kwlaa nga a fa sokpali ye'n, man e klun jɔ ju sɔ. Blɛ'n kwlaa nga e fa wunnin e nyrun'n, man e klun jɔ ju sɔ.

Akunndanfuɛ'n 1:13

M buli like nga be ju mɛn'n nun'n be kwlaa be akunndan nan n ´si bé bo. I sɔ yolɛ'n ɔ ti junman kekleke kun yɛ Nyanmiɛn fa mannin sran'm be kɛ be di-ɔ.

Akunndanfuɛ'n 1:18

Afin ɔ sran nga a ti akunndanfuɛ dan'n, wɔ awlaboɛ'n yo dan, yɛ ɔ sran nga ɔ́ silɛ'n cɛnnin'n, ɔ́ nyrun yɛ a wun i-ɔ.

Akunndanfuɛ'n 2:11

I sin n niannin m bɔbɔ mín sa ti junman nga n dili'n, ɔ nin i su afɛ nga n fa fɛli'n, i kwlaa. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ fuan aunngban'n nan ɔ ko trɛ i sa. Nyanmiɛn'n bo wa'n, junman kekle kwlaa bɔ sran di'n, mmlusuɛ nun-man wie fi nun .

Akunndanfuɛ'n 5:12

N wunnin sa kun nyanmiɛn'n bo wa, ɔ ti nyrɛnnɛn sa. Yɛlɛ kɛ sran wie tian sika nuan, sanngɛ ɔ di-man, ɔ fa minndɛ sa yalɛ nga be wa tɔ i su'n.

Akunndanfuɛ'n 5:17

Sa nga n wunnin i sa sɔ'm be kwlaa be nun'n yɛ: like ng'ɔ ti kpa man sran'n, yɛlɛ aliɛ dilɛ, nin nzan nɔnlɛ, ɔ nin i junman kekle ng'ɔ di'n i nuan like nyanlɛ. Blɛ nga Nyanmiɛn mɛnnin i kɛ ɔ di i nyanmiɛn'n bo wa'n, ng'ɔ ti i liɛ'n yɛ ɔ o lɛ-ɔ.

Akunndanfuɛ'n 8:16

N fali mín wun n wlali ngwlɛlɛ'n i silɛ'n nun, yɛ m buli kokolɛ nga sran'm be koko nyanmiɛn'n bo wa'n i akunndan, afin i kɔnguɛ o, i wia'n nun o, sran'm be nyinma si-man lafilɛ'n.

Daniɛl 6:18

Be fali yɛbuɛ kun be katali kunman i nuan'n su, famiɛn'n ɔ fɛli i sa nuan'n sieli su . I sran dandan'm be yoli i sɔ wie. Kɛ ɔ ko yo nan sran wie ɔ'a sin-man lɛ ɔ'a yi-man Daniɛl'n annzɛ ɔ'a kun-mɛn i'n, i ti yɛ be yoli i sɔ-ɔ.

Sa nga bé yôli'n 14:22

be wlali asɔnunfuɛ'm be fanngan, be tuli be fɔ kɛ be lafi Nyanmiɛn su kpa, yɛ be seli be ekun kɛ: «San e ´wun nyrɛnnɛn dan kpa nan y'a kwla ju Nyanmiɛn mɛn'n nun.»