Akunndanfuɛ'n 2:22 - NYANMIƐN NDƐ'N 1998

²² ?Nguɛ mmlusuɛ yɛ sran kun kwla nyɛn i nyin kplinlɛ b'ɔ kplin'n nin junman kekle b'ɔ di i nyanmiɛn'n bo wa nun-ɔn?

Akunndanfuɛ'n 2:22 ပူးပေါင်းရင်းမြစ်များ

Jue Mun 127:2

Aliɛ'n ɔ kwla cɛn-man nan amu'an jaso, sanngɛ wuun amun la-man ndɛ. Amun fɛ lele nan amu'an nyan amun nuan nun aliɛ b'a di. Nga amun yo i sɔ'n ɔ ti ngbɛn, afin Anannganman fa aliɛ kunngba nga an di'n man i klofuɛ nga be la be lafi mun.

Nyanndra Mun 16:26

Awe'n ɔ su junman difuɛ'n bo ɔ di junman kpa, afin ɔ klo kɛ i ku yi.

Akunndanfuɛ'n 1:3

?Nguɛ mmlusuɛ yɛ sran kun kwla nyɛn i junman kekle b'ɔ di i nyanmiɛn'n bo wa'n i nun-ɔn?

Akunndanfuɛ'n 2:11

I sin n niannin m bɔbɔ mín sa ti junman nga n dili'n, ɔ nin i su afɛ nga n fa fɛli'n, i kwlaa. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ fuan aunngban'n nan ɔ ko trɛ i sa. Nyanmiɛn'n bo wa'n, junman kekle kwlaa bɔ sran di'n, mmlusuɛ nun-man wie fi nun .

Akunndanfuɛ'n 3:9

?Nguɛ mmlusuɛ yɛ sran ng'ɔ di junman'n nyɛn i i afɛ'n nun-ɔn?

Akunndanfuɛ'n 4:6

Sɛ sran kun nyɛn i like liɛ kan nan ndɛ nun-man su'n, ɔ flunman tra kɛ ɔ'a nyan like kpanngban sanngɛ ndɛnngan wo su'n. Afin junman dilɛ nga lɛ'n kwlaa ti afɛ ngbɛn.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 5:17

Sa nga n wunnin i sa sɔ'm be kwlaa be nun'n yɛ: like ng'ɔ ti kpa man sran'n, yɛlɛ aliɛ dilɛ, nin nzan nɔnlɛ, ɔ nin i junman kekle ng'ɔ di'n i nuan like nyanlɛ. Blɛ nga Nyanmiɛn mɛnnin i kɛ ɔ di i nyanmiɛn'n bo wa'n, ng'ɔ ti i liɛ'n yɛ ɔ o lɛ-ɔ.

Akunndanfuɛ'n 8:15

N wunnin i kɛ like ng'ɔ ti kpa man sran'n yɛlɛ aklunjuɛ dilɛ. Afin nyanmiɛn'n i bo wa'n, like fi ti-man kpa man-man sran kɛ like dilɛ, nin nzan nɔnlɛ, ɔ nin aklunjuɛ nyanlɛ'n sa. Kɛ sran'n fɛ nyanmiɛn'n bo wa lele'n, i junman nuan like nga Nyanmiɛn mɛnnin i kɛ ɔ `nyɛn i'n yɛ ɔ o lɛ-ɔ.

Matthieu 16:26

?Sɛ sran kun nyan mɛn wunmuan'n, nan i ti i nguan'n kpɛ sin'n, nguɛ yɛ ɔ yo ye mɛn i-ɔ? ?Yɛ nguɛ like yɛ sran kun kwla fa to i nguan nin-ɔn?

Matthieu 6:11

Man ye aliɛ ng'ɔ ju ye ndɛ'n.

Matthieu 6:25

I sɔ'n ti, n ´kan kle amun kɛ, nán an koko ninnge bɔ an lɛ-mɛn'n ti se kɛ: ‹?Nguɛ yɛ e ´di-ɔ? ?Nguɛ yɛ e ´nɔn-ɔn? Annzɛ, ?E ´nyan tannin nin yɛ e ´kla-a? ?Nguan ndɛ'n ti-man cinnjin tra-man aliɛ'n? ?Be wunnɛn'n ti-man kpa tra-man tannin?› »

Matthieu 6:34

I sɔ'n ti, nán an koko ainman liɛ'n, afin ainman bɔbɔ yɛ ɔ ´kunndɛ i wun like-ɔ. Cɛn ba kun nun afɛ'n ɔ ju cɛn sɔ'n nun.»

JÉSUS-CHRIST I DYASIN FE'N BO LUC KLELI'N 12:22

Kɛ ɔ yoli sɔ'n, Jésus seli i sɔnnzɔnfuɛ'm be kɛ: «I sɔ'n ti, nán an koko ninnge bɔ an lɛ-mɛn'n ti se kɛ: ‹?Nguɛ yɛ e ´di-ɔ? ?E ´nyan tannin nin yɛ e kla-a?›

JÉSUS-CHRIST I DYASIN FE'N BO LUC KLELI'N 12:29

Nán an bu like nga amun ´di'n nin nzue nga amun ´nɔn'n i akunndan, yɛ nán an sanngan amun wun akunndan.

1 Korɛntfuɛ Mun 16:16

man amún nyin yi sran kɛ nga be ti kɛ be sa mun, yɛ be kwlaa nga be mian bé nyin be nin be di junman kunngba'n, amun nyin yi be wie.

Filipfuɛ Mun 4:6

Nán amun koko sa fi su, sanngɛ sa'n kwlaa nun nin like kwlaa ng'ɔ mian amun'n, an `kan kle Nyanmiɛn, an `srɛ i, an `jran su kpa, yɛ an `lɛ i ase.

1 Timote 6:8

I sɔ'n ti'n, sɛ e nyan like e di'n, yɛ sɛ e nyan tannin kla'n, man ɔ `ju ye.

1 Piɛr 5:7

An `koko sa ng'ɔ o amun su'n i kwlaa kle i, afin i yɛ ɔ nian amun lika-a .