Akunndanfuɛ'n 2:19 - NYANMIƐN NDƐ'N 1998

¹⁹ ?Sɛ sran sɔ'n ɔ wa yo ngwlɛlɛfuɛ o, sɛ kusu ɔ wa yo sinnglinfuɛ o, wan yɛ ɔ kwla wun i wlɛ-ɔ? Sanngɛ like nga n fali min ngwlɛlɛ n nyɛnnin i mín sa ti junman'm be dilɛ nun'n, i kwlaa sɔ'n, ɔ wa fa yo i liɛ. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 2:19 ပူးပေါင်းရင်းမြစ်များ

1 Famiɛn Mun 11:43

Kɛ ɔ wuli'n, be sieli i i si David i klɔ lɔ. Be sieli i i si wun lɛ. Yɛ i wa Rɔbɔam trɛnnin i osu-ɔ.

1 Famiɛn Mun 12:13

Kɛ be bali'n, wafa nga famiɛn'n fa tɛli be su'n, ɔ'a yo-man blɛblɛ. Ɔ yacili afɔtuɛ nga kpɛnngbɛn'm be mɛnnin i'n lɛ,

Akunndanfuɛ'n 2:11

I sin n niannin m bɔbɔ mín sa ti junman nga n dili'n, ɔ nin i su afɛ nga n fa fɛli'n, i kwlaa. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ fuan aunngban'n nan ɔ ko trɛ i sa. Nyanmiɛn'n bo wa'n, junman kekle kwlaa bɔ sran di'n, mmlusuɛ nun-man wie fi nun .

Akunndanfuɛ'n 2:20

Ɔ man kɛ n nian junman nga n kplinnin min nyin n dili'n, ɔ yo min ya lele kpe nun.

Akunndanfuɛ'n 3:22

I agualiɛ su'n, n wunnin i kɛ, like ng'ɔ ti kpa man sran'n, yɛlɛ i junman ng'ɔ dili'n i nun ninnge b'ɔ nyɛnnin i'n i wie dilɛ. ?Afin sɛ sran kun i blɛ liɛ'n ko ju'n, wan yɛ ɔ kwla fɛ i ba mɛn'n nun wa ekun bɔ sa nga be yo be i sin wa'n, ɔ ´kwla wun be nun ekun-ɔn?

Akunndanfuɛ'n 9:13

N wunnin i kɛ nyanmiɛn'n bo wa'n ngwlɛlɛ i wun ndɛ dan kun wo lɛ b'ɔ nin kanlɛ fata.

JÉSUS-CHRIST I DYASIN FE'N BO LUC KLELI'N 16:8

Ninnge sunianfuɛ sɔ'n b'ɔ yo-man sa i nuan su'n, i min'n yoli i mo i ngwlɛlɛ bɔ wunnin i'n ti, afin ajulisufuɛ nga'm be si be wiengu wun sa yo kpa tra be bɔ Nyanmiɛn man be wun ase'n.

1 Timote 6:10

Afin sika klolɛ'n yɛ ɔ ti sa tɛtɛ'n kwlaa i bo nin-ɔn. Sran wie'm be fa bé nyin bloli nun lele be lafi-man Nyanmiɛn su kun, ɔ man awlaboɛ'n ɔ'a kun be kpo.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.