Akunndanfuɛ'n 2:15 - NYANMIƐN NDƐ'N 1998

¹⁵ Yɛ n seli n klun kɛ: «?Sɛ awieliɛ kunngba ng'ɔ ´wie sinnglinfuɛ'n yɛ ɔ ´wie min wie'n, wuun min ngwlɛlɛ dan nga n si trɛli i'n ɔ yo nzu yɛ ɔ man min-ɔn?» Yɛ n seli min klun lɔ kɛ: «Sa sɔ'n tra sran i akunndan'n su, yɛ i kwlaa ti afɛ ngbɛn.»

Akunndanfuɛ'n 2:15 ပူးပေါင်းရင်းမြစ်များ

1 Famiɛn Mun 3:12

i ti like nga a usali'n, n wa yo man wɔ. N wa man wɔ ngwlɛlɛ, a ´yo akunndanfuɛ dan. Sran fi nian nyɛn-mɛn i sɔ ngwlɛlɛ'n le, yɛ sran fi su nyɛn-mɛn i sɔ le nan kɛ ɔ ´yo ɔ'a yo-ɔ.

Akunndanfuɛ'n 1:14

N niannin junman nga be di be nyanmiɛn'n bo wa'n be kwlaa, n wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 1:16

N seli n klun lɔ kɛ ngwlɛlɛ nga n ko si i'n, m'an si i. N seli kɛ be nga be dunnin mmua trannin famiɛn Zerizalɛm wa nan m'an yo famiɛn'n, min ngwlɛlɛ'n ɔ'a tra be kwlaa be liɛ'n. M'an wun wie, yɛ m'an si mɛn'n nun sa kpanngban kpa.

Akunndanfuɛ'n 1:18

Afin ɔ sran nga a ti akunndanfuɛ dan'n, wɔ awlaboɛ'n yo dan, yɛ ɔ sran nga ɔ́ silɛ'n cɛnnin'n, ɔ́ nyrun yɛ a wun i-ɔ.

Akunndanfuɛ'n 1:2

Akunndanfuɛ'n i waan: «Sa'm be kwlaa be tra sran i akunndan'n su. Be trɛ i kpɛn sakpa. Like nga be yo be'n, i kwlaa ti afɛ ngbɛn .»

Akunndanfuɛ'n 2:16

I ngwlɛlɛfuɛ o, i sinnglinfuɛ o, be kwlaa be wu, yɛ kɛ ɔ ´cɛ kɔ'n, sran'm be wla fi be su.

Akunndanfuɛ'n 6:11

Kɛ sran kun ijɔ kpanngban'n, ɔ kan ndɛ ngbɛn ngbɛn mun. ?Mmlusuɛ onin yɛ sran kwla nyɛn i nun-ɔn?

Akunndanfuɛ'n 6:8

?Nguɛ yɛ ngwlɛlɛfuɛ'n nyɛn i tra sinnglinfuɛ nin-ɔn? ?Yɛ nguɛ like yɛ yalɛfuɛ nga i nzuɛn ti kpa'n, ɔ nyɛn i sran'm be nyrun-ɔn?