Akunndanfuɛ'n 2:14 - NYANMIƐN NDƐ'N 1998

¹⁴ Ngwlɛlɛfuɛ'n ɔ wun ase yɛ sinnglinfuɛ'n nanti i liɛ ble'n nun. Sanngɛ n si kɛ awieliɛ kunngba'n yɛ ɔ wa wie be nnyɔn nin-ɔn.

Akunndanfuɛ'n 2:14 ပူးပေါင်းရင်းမြစ်များ

Jue Mun 19:10

Be nyin b'ɔ yi Anannganman'n ɔ ti like kpa. Ɔ sin-man le. Anannganman i jɔlɛ ng'ɔ di be'n, be ti i su. Ɔ lɛ-man kun b'ɔ ti-man nanwlɛ-ɔ.

Jue Mun 49:10

?Be kwla ka lɛ sa mlɔnmlɔn bɔ be su wlu-man ndia nun le-ɔ?

Jue Mun 49:11

E wun kɛ ngwlɛlɛfuɛ'm be wu kɛ sinnglinfuɛ tɛ kpa'm be sa. Be wu be yaci bé bo ninnge'n i lɛ be man sran uflɛ.

Nyanndra Mun 14:8

Sran ng'ɔ ti akunndanfuɛ'n, ɔ niɛn i wun su kpa. Sinnglinfuɛ'n i sinnzin'n ti ɔ mlin.

Nyanndra Mun 17:24

Sran ng'ɔ si sa'n, akunndan ndɛ mlin-mɛn i klun le, sanngɛ sran ng'ɔ wun-man sa wlɛ'n, like nga be o mmua-mmua'n, be akunndan yɛ ɔ bu-ɔ.

Akunndanfuɛ'n 2:16

I ngwlɛlɛfuɛ o, i sinnglinfuɛ o, be kwlaa be wu, yɛ kɛ ɔ ´cɛ kɔ'n, sran'm be wla fi be su.

Akunndanfuɛ'n 3:19

Afin sran'm be agualiɛ'n nin nnɛn'm be liɛ'n, ngbaciɛ nun-man be afiɛn. Like kunngba nga bɔ man sran de wunmiɛn'n, i kunngba'n yɛ nnɛn'm be kusu be lɛ i-ɔ. I klɔ sran o, i nnɛn o, be kwlaa be wu. Sran'n i kpa tra-man nnɛn'n. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Akunndanfuɛ'n 6:6

?Sɛ sran kun cɛ lele di afuɛ akpi nnyɔn (2.000) nan ɔ'a nyan-man manndran le'n, i mmlusuɛ liɛ'n yɛlɛ onin? ?Sran'm be kwlaa be kɔwlɛ'n ti-man kunngba?

Akunndanfuɛ'n 6:8

?Nguɛ yɛ ngwlɛlɛfuɛ'n nyɛn i tra sinnglinfuɛ nin-ɔn? ?Yɛ nguɛ like yɛ yalɛfuɛ nga i nzuɛn ti kpa'n, ɔ nyɛn i sran'm be nyrun-ɔn?

Akunndanfuɛ'n 7:2

Awlo nga sɛ o nun'n, i nun kɔlɛ'n ti kpa tra awlo nga be su di cɛn nun'n. Yɛlɛ kɛ sran'm be kwlaa be awieliɛ yɛlɛ wie'n, i ti ɔ fata kɛ be nga be nyin o su'n be bu i akunndan.

Akunndanfuɛ'n 8:1

?Wan yɛ ɔ ti kɛ akunndanfuɛ'n i sa, b'ɔ si sa nga be ju'n be bo-ɔ? Ngwlɛlɛ'n ɔ fite sran i ngban su, kpɛkuun i nyrun wiwi'n i kwlaa wie.

Akunndanfuɛ'n 9:11

N wunnin i nyanmiɛn'n bo wa ekun kɛ wanndilɛ i akatua'n ɔ ti-man be nga bé wun kpɛ'n be liɛ titi, kwlalɛ'n kusu ti-man safunyrɛn'm be liɛ titi. Nán cɛn kwlaa yɛ ngwlɛlɛfuɛ'n nyɛn i nuan nun aliɛ di-ɔ. Ngwlɛlɛfuɛ'n yo-man anyanbeunfuɛ cɛn ngba. Nán be nga be si sa'n yɛ be man be kɔmin su cɛn ngba-a. Afin kɛ blɛ'n fa ti bɔ sa'm be fa ju'n, i su like yɛ be wun i-ɔ.

Akunndanfuɛ'n 9:16

Yɛ n seli kɛ: «Ngwlɛlɛ'n i kpa liɛ'n, wunmiɛn'n to-mɛn i.» Sanngɛ be bu-man yalɛfuɛ'n i ngwlɛlɛ b'ɔ si i'n i like fi. I ndɛ ng'ɔ kan'n, sran'm be fa-man su.

1 Jean 2:11

Sanngɛ sran ng'ɔ kpɔ i niaan'n, ɔ o aosin'n nun, ɔ man kɛ ɔ ´nanti'n, ɔ si-man lika ng'ɔ kɔ'n, afin ɔ ti kɛ anyansifuɛ sa.