Akunndanfuɛ'n 2:11 - NYANMIƐN NDƐ'N 1998

¹¹ I sin n niannin m bɔbɔ mín sa ti junman nga n dili'n, ɔ nin i su afɛ nga n fa fɛli'n, i kwlaa. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ fuan aunngban'n nan ɔ ko trɛ i sa. Nyanmiɛn'n bo wa'n, junman kekle kwlaa bɔ sran di'n, mmlusuɛ nun-man wie fi nun .

Akunndanfuɛ'n 2:11 ပူးပေါင်းရင်းမြစ်များ

Bo Bolɛ 1:31

Nyanmiɛn niannin ninnge ng'ɔ yoli'n be kwlaa, ɔ wunnin kɛ ɔ yoli kpa dan. Kɛ ɔ yoli sɔ'n, aliɛ'n sannin kpɛkuun lika'n cɛnnin. Cɛn nsiɛn su'n yɛ ɔ o lɛ-ɔ.

Jue Mun 89:47

?Anannganman, cɛn onin ko yɛ a ´yaci é wun fialɛ-ɔ? ?Cɛn onin ko yɛ a ´yaci e wun ya falɛ kekle nin-ɔn?

Ezipt Lɔ Tulɛ'n 39:43

Kɛ Moiz wunnin i kɛ i kwlaa'n ɔ'a wie kɛ Anannganman fa kleli be'n sa'n, ɔ yrali Izraɛlfuɛ'm be nguan.

Akunndanfuɛ'n 1:14

N niannin junman nga be di be nyanmiɛn'n bo wa'n be kwlaa, n wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 1:17

N kunndɛli ngwlɛlɛ nin sinnzin'n be afiɛn ngbaciɛ'n. Ɔ ti kɛ sran kun waan ɔ ´fuan aunngban'n nan ɔ ko trɛ i sa.

Akunndanfuɛ'n 1:3

?Nguɛ mmlusuɛ yɛ sran kun kwla nyɛn i junman kekle b'ɔ di i nyanmiɛn'n bo wa'n i nun-ɔn?

Akunndanfuɛ'n 3:9

?Nguɛ mmlusuɛ yɛ sran ng'ɔ di junman'n nyɛn i i afɛ'n nun-ɔn?

Akunndanfuɛ'n 5:10

Kɛ sran kun ko nyɛn i wun dan'n, be nga be su i su be di i wun ninnge mun'n, be di-man be yalɛ. ?Be nga be lɛ ninnge kaka sɔ mun'n, nguɛ yɛ be nyɛn i nun-ɔn? ?Nán nianlɛ bɔ be ´nian ninnge sɔ'n sa'n yɛ ɔ ti be liɛ nin-ɔn?

Akunndanfuɛ'n 5:16

Ng'ɔ o su ekun'n, yɛlɛ kɛ i blɛ ng'ɔ dili i nyanmiɛn'n bo wa'n, ɔ dili i aosin, nin sa yalɛ, nin afɛ, ɔ nin klunngbɔ'n nun .

Abakik 2:13

Mɛnfuɛ'm be ´kle bé wun yalɛ ngbɛn. Junman nga be ´di i lɛ'n, san sin'n yɛ ɔ ´di-ɔ. Anannganman b'ɔ sie mɛn wunmuan'n yɛ ɔ di i sɔ junman liɛ'n ngba-a.

1 Timote 6:6

Nanwlɛ, sɛ sran kun su Nyanmiɛn nan i nyin yi like ng'ɔ lɛ, i sɔ'n ti anyanbeun like dan.