Akunndanfuɛ'n 12:5 - NYANMIƐN NDƐ'N 1998

⁵ Blɛ sɔ'n nun'n be ´sro kpɔlɛ kaan sa'n i su fulɛ, kɛ be ´nanti'n srɛ ´kun be. Bé ti'n ɔ ´fɛn fuaii kɛ amandie i nyrɛ'n sa. Be ´nanti sa yɛklɛyɛklɛ kɛ lalo'n bɔ kpɛnngbɛn'n ɔ'a ti i'n sa. Afin kɛ blɛ sɔ'n ko ju'n, wuun sran kwlaa su kɔ i tranwlɛ b'ɔ ti anannganman'n i nun lɔ. Yɛ ngwlɛ yifuɛ'm be wlan-wlan atin'n nun be sin .

Akunndanfuɛ'n 12:5 ပူးပေါင်းရင်းမြစ်များ

Bo Bolɛ 42:38

Zakɔb waan: «Cɛcɛ kun, nán mín wa liɛ'n yɛ ɔ nin amun ´kɔ-ɔ. I niaan'n wuli, i kunngba yɛ ɔ ka mín sa nun-ɔn. Kɛ an ´kɔ lɛ nan like wie ko yo i atin'n nun'n, oke nga m'an yo i yɛ'n, san klunngbɔ'n ´kun min.»

Bo Bolɛ 44:29

Sɛ an fa nga ekun'n nan sa wie ko nyɛn i'n, oke nga m'an yo i yɛ'n, klunngbɔ'n ´kun min.›

Zɔb I Nyrɛnnɛn Wunlɛ 15:10

Sran oke bɔ be tra ɔ́ si i kpɛn bɔbɔ'n be wie wo e nun, be si sa kpanngban.

Zɔb I Nyrɛnnɛn Wunlɛ 17:13

Awlo nga min akunndan'n wo su kɛ e ´se yɛ'n, yɛlɛ blɔlɔ lɔ lika'n. Blɔlɔ lɔ aosin'n nun yɛ n ´ko sɛ min bɛ nin-ɔn.

Zɔb I Nyrɛnnɛn Wunlɛ 30:23

N si jrɛin kɛ wie'n i sin yɛ a nin min kɔ-ɔ. Sran'm be kwlaa be kɔwlɛ lika'n nun lɔ yɛ a fa min kɔ-ɔ.

Jue Mun 71:18

Ee Nyanmiɛn, siɛn'n bɔ m'an yo oke bɔ mín ti'n ɔ'a bo je yɛ'n, nán yi min ase. Man n kan ɔ kwlalɛ bɔ a kwla'n i nun ndɛ n kle min blɛ sufuɛ mun. Man n kan ɔ safunyrɛn sa bɔ a yo be'n n kle be kwlaa nga be ´ba bé sin lɔ'n.

Nyanndra Mun 16:31

Be ti je'n ti kɛ famiɛn kle sa, afin nguan tɛnndɛn'n ti sran kpa'm be nvasuɛ.

Nyanndra Mun 20:29

Wunmiɛn bɔ gbanflɛn'm be lɛ i'n, ɔ ti be anyrunnyan like. Kpɛnngbɛn'm be kusu bé ti je'n, ɔ ti be anyrunnyan like.

Akunndanfuɛ'n 9:10

Like kwlaa nga a ´yo'n, fa ɔ wunmiɛn'n gua su yo. Afin kɛ a wa wu a ´kɔ lɔ lɛ'n, i junman dilɛ o, i sa nun yiyilɛ o, i sa silɛ o, i ngwlɛlɛ o, be wie fi nun-man lɔ kun.

Ezai 46:4

Kɛ amun ´yo oke'n, wuun n tɛ o n osu nun. Kɛ amún ti ´bo je'n, wuun n tɛ suan amún bo. N fali amun ń sa su, yɛ n ´fa amun sɔ ekun. Sakpa, n wa suan amún bo, yɛ n ´de amun.

Zeremi 1:11

Anannganman'n usali min kɛ: «?Zeremi, nguɛ yɛ a wun i-ɔ?» Min waan: «N wun Amandie sama kun.»

Zeremi 9:16

Anannganman b'ɔ sie mɛn wunmuan'n yɛ ɔ kan sɔ-ɔ. «An `bu bla nga sunlɛ yɛ ɔ ti be junman'n be ko flɛlɛ akunndan. An `ko flɛ be nga be si sun kpa'n man be bla.

Saun Yolɛ 19:32

Amun wun sran oke mun-ɔn, man amún nyin yi be. Amun `bu min sran titi. Min yɛ n ti Anannganman amun Nyanmiɛn nin-ɔn.

Hébreu 9:27

Be sieli i kɛ sran wu kpɛ kunngba, i sin be fɛ i kɔ Nyanmiɛn ja su.