Akunndanfuɛ'n 12:11 - NYANMIƐN NDƐ'N 1998

¹¹ Ngwlɛlɛfuɛ'm be ndɛ'm be ti kɛ like ti piembie nga be fa kankan nnɛn mun'n sa. Nyanndra'm be ti kɛ kpɛngbɛ bɔ b'a fa bobo like wie nun kpa'n sa. Be kwlaa be fin Nyanmiɛn .

Akunndanfuɛ'n 12:11 ပူးပေါင်းရင်းမြစ်များ

Bo Bolɛ 49:24

Sanngɛ kɛ ɔ lɛ i ta'n nun'n yɛ ɔ lɛ nun-ɔn, i sa'n ɔ'a kpɔ-man le. Zakɔb Nyanmiɛn'n i kwlalɛ'n b'ɔ lɛ i'n ti, Nyanmiɛn b'ɔ ti Izraɛl i tafuɛ kɛ be ta bua'n kpa sa'n, Nyanmiɛn b'ɔ ti kɛ Izraɛl i yɛbuɛ b'ɔ kisa su'n sa'n,

Ɛsdras 9:8

Yɛ ndɛ Anannganman e Nyanmiɛn, w'a si ye aunnvuɛ man e nvle nunfuɛ wie'm b'a nyan atin b'a sa be sin. W'a man e kpata kan kplanwlɛ wɔ lika kpa'n nun, w'a kpaja e nyrun man y'a wun atin'n, w'a man e nguan kan e kanga yolɛ'n nun,

Jue Mun 23:1

Jue nga ti David liɛ. I waan: N ti kɛ bua sa, Anannganman yɛ ɔ nian min su-ɔ. Like fi su mian-man min.

Jue Mun 80:1

Jue nga ti Azaf liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Nyanndra Mun 1:6

Sɛ ngwlɛlɛfuɛ sɔ'm be ti nyanndra nga be bu be'n, be ´si bé bo, yɛ kosan nga be blublu su'n, be `wun i wlɛ. Yɛ i waan ɔ ´bu i sɔ nan ngwlɛlɛfuɛ'm be ndɛ nga be kan'n nin be akunndan nga be bu'n, be `wun bé sin.

Nyanndra Mun 10:21

Sran kpa'n i nuan nun ndɛ'n ɔ man sran kaka kpa be fa atin kpa su. Sinnzin wie yɛ be nga be wun-man sa wlɛ'n be wu-ɔ.

Nyanndra Mun 22:17

Sie ɔ́ su diin tie i kpa. Ngwlɛlɛ ndɛ yɛ n su kan kle wɔ lɛ-ɔ. Akunndan nun ndɛ nga n ´kan kle wɔ yɛ, man ɔ wlu ɔ́ su nun.

Akunndanfuɛ'n 10:12

Akunndanfuɛ'n i nuan nun ndɛ'n yo man sran'm bé nyin yi i. Sanngɛ sinnglinfuɛ'n i nuan ndɛ'n mlin i bɔbɔ.

Akunndanfuɛ'n 7:5

Kɛ n ko sie mín su sinnglinfuɛ i manmanlɛ jue'n i bo'n, ɔ flunman kɛ n tie afɔtuɛ ndɛ nga ngwlɛlɛfuɛ'n kan kle min'n.

Ezai 22:23

Sɛ ɔ ti kpɛngbɛ'n, wuun n ´se kɛ n ´kplɛn i lika kpa kun nun. I si i awlo nun'n, ɔ ´yo kɛ famiɛn bia b'ɔ lɛ nyrun'n sa.»

Ezai 40:11

Sran'm be ti kɛ i bua sa, ɔ ´ta be kɛ bua tafuɛ kpa'n ɔ fa ta i bua mun'n sa. Ɔ ´fɛ i sa'n flɛ i bua ba mun yɛ ɔ ´tian be nuan, ɔ ´fa be sie i wue'n nun, yɛ bua nga be tɛ man be mma'm be nyɔnflɛn'n, kɛ ɔ ´kle be atin'n, ɔ ´yo be cɛcɛ .

Zeremi 23:29

Mín nuan ndɛ'n ti kɛ sin sa yɛ ɔ o lɛ-ɔ. Ɔ ti kɛ marto kekleke b'ɔ kpuke yɛbuɛ nun'n sa.»

Ezekiɛl 34:23

N wa sie bé su bua sunianfuɛ kun, b'ɔ si min bua'm be su nian. Sran sɔ'n yɛlɛ min sufuɛ David. I liɛ'n, ɔ si min nnɛn'm bé su nian, i liɛ'n, ɔ ti bua tafuɛ kpa .

Matthieu 3:7

Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

Jean 10:14

N liɛ'n, n ti bua tafuɛ kpa. Kɛ n Si si min bɔ n kusu n si i'n, i kunngba nin-ɔn, n si m bua mun yɛ be kusu be si min. Yɛ m bua'm be ti n fa min wun m man.

Jean 3:10

Jésus seli i kɛ: «?Wɔ bɔ a ti Izraɛlfuɛ'm be ninnge klefuɛ dan'n, a wun-man sa nga wlɛ?»

Sa nga bé yôli'n 2:37

Kɛ be tili ndɛ sɔ'n ɔ yoli be ya, nan b'a usa Piɛr nin i wiengu mun kɛ: «?Nja mun, e ´yo i sɛ? »

2 Korɛntfuɛ Mun 10:4

Afin like nga e fa kun alɛ'n, be fin-man sran, be fin Nyanmiɛn, be ti kekleke, ɔ man be kwla bu awa ngbli-ngbli mun. E bu be kwlaa nga be akunndan'n ti tɛ'n be bue,

Hébreu 13:20

Nyanmiɛn cɛnnin e Min Jésus b'ɔ ti Bua Tafuɛ Dan'n i mmoja b'ɔ man sran nin Nyanmiɛn be tra aenguɛ tititi'n ti . Man Nyanmiɛn b'ɔ man sran di alaje'n

Hébreu 4:12

Afin Nyanmiɛn i ndɛ nga ɔ ko kan'n, wuun ɔ'a kan ɔ kaci-mɛn i, ɔ man sran'm be kaci. Sɛ e kwla se'n, wuun e ´se kɛ ɔ la tra tokofi. Ɔ wɔ ɔ wlu lele ɔ ju be wawɛ'n, nin be anwlɛn'n, nin be akpɔlɛ'n, ɔ nin be owie i klun lui'm be nun, ɔ si be klun akunndan'n, ɔ nin be klun sa'n.

1 Piɛr 5:4

Yɛ cɛn nga Bua Tafuɛ Dan'n ba'n, ɔ ´yo amun mo, dunman nga amun ´nyɛn i'n, ɔ su wie-man mlɔnmlɔn.