Akunndanfuɛ'n 12:1 - NYANMIƐN NDƐ'N 1998

¹ Blɛ bɔ a tɛ yo gbanflɛn'n, man ɔ́ wla kpɛn ɔ yifuɛ'n i su kwlaa nan nyrɛnnɛn blɛ'n ɔ'a ju. Man ɔ wla kpɛn i su nan w'a yo kpɛnngbɛn, afin ɔ kpɛnngbɛn blɛ sɔ'n nun'n, ɔ nyin wa tu nguan'n su .

Akunndanfuɛ'n 12:1 ပူးပေါင်းရင်းမြစ်များ

Bo Bolɛ 39:2

Anannganman nin Zozɛf be o nun, ɔ man ninnge ng'ɔ yo'n be yo kpa. Zozɛf trannin i min'n bɔbɔ i awlo lɔ.

Bo Bolɛ 39:23

Bisua su kpɛnngbɛn'n ɔ bo-man wɛ nian-man junman ng'ɔ fa wlɛli i Zozɛf sa nun'n kun, yɛlɛ kɛ Anannganman nin Zozɛf be o nun, ɔ yo man like kwlaa ng'ɔ yo, ɔ yo ye.

2 Samiɛl 19:35

Barzilai waan: «?Nannan, n tɛ di le nnyɛ nguan nun bɔ man e nin wɔ e kɔ Zerizalɛm-ɔ?

2 Samiɛl 19:36

?Min afuɛ ablaɔcuɛ yɛ ɔ o yɛ, n tɛ wun sa kpa nin sa tɛ'n be ngbaciɛ? ?Aliɛ nga n di'n, ɔ nin nzan nga n nɔn'n, n tɛ wun i fɛ? ?Jue tofuɛ bla annzɛ yasua'm be nɛn'n tɛ yo min fɛ? Nannan, nán n ko kle wɔ yalɛ ngbɛn.

1 Famiɛn Mun 14:13

Izraɛlfuɛ'm be kwlaa be ´yo i sɛ, yɛ be ´sie i. Zeroboam i awlo'n nun'n, i kunngba cɛ yɛ be ´sie i asieliɛ'n nun-ɔn, afin i awlo nun'n, i kunngba yɛ Anannganman b'ɔ ti Izraɛl Nyanmiɛn'n wunnin i kɛ ɔ yoli sa kpa-a.

1 Famiɛn Mun 18:12

Kɛ n ´fin ɔ́ wun wa bɔ n ´kɔ cɛ'n, wienun-ɔn, Anannganman i Wawɛ'n ɔ wa man ɔ́ su kɔ lika wie bɔ n si-mɛn'n, kusu wuun m'an dun mmua se min min'n kɛ wɔ yɛ a ba lɛ-ɔ. Ɔ man be wa kunndɛ wɔ lele ngbɛn. Yɛ ɔ man be ´kun min. Kɛ ɔ fin n bakan nun lele'n, min nyin yi Anannganman'n.

Neemi 4:14

Sɛ amun ti awɛ'n, amun `yia kan e o bɔ e bo awɛ'n lɛ'n. E Nyanmiɛn'n ´kun e ti alɛ!»

Zɔb I Nyrɛnnɛn Wunlɛ 30:2

Afin be wunmiɛn'n ɔ ju-man lika fi. Be ti sɔ flɛkpɛɛ.

Jue Mun 119:55

Ee Anannganman, kɔnguɛ'n, m bu ɔ dunman'n i akunndan kɛ ɔ ´yo nan m'an fa ɔ mmla'n su'n ti.

Jue Mun 34:11

Asɔmɔli'n i mma mun bɔbɔ, awe kwla kun be. Sanngɛ be bɔ be mantan Anannganman'n, be mian-man like fi wun.

Jue Mun 63:6

N klun ɔ ´jɔ dan kɛ m'an nyan like kpakpa m'an di sa. M muan mín nuan-an ɔ yo-man ye, san manmanlɛ cɛ yɛ m ´manman wɔ-ɔ.

Jue Mun 90:10

Sɛ be waan y'a cɛ o, wuun y'a di afuɛ ableso. Be nga be lɛ wunmiɛn kpa'n be kwla di afuɛ ablaɔcuɛ. Sanngɛ afɛ nin nyrɛnnɛn ngunmin yɛ e wun i-ɔ. E nguan'n sin ndɛndɛ, wie'n fa e ndɛndɛ.

Nyanndra Mun 22:6

Atin b'ɔ ti klanman bɔ bakan'n ko fa su'n, kle i i bakan nun. I liɛ'n, kɛ ɔ ´fa yo kpɛnngbɛn'n, ɔ su yaci ko fa-man uflɛ.

Nyanndra Mun 8:17

Be nga be klo min'n, n kusu n klo be. Be nga be kunndɛ min'n, be wun min .

Akunndanfuɛ'n 11:10

Man klunngbɔ'n tu ɔ klun, nán yo sa nga ɔ ´fa nyrɛnnɛn yi ɔ wunnɛn su'n. Afin gbanflɛn nzue'n nin wunmiɛn'n be sin ndɛndɛ .

Akunndanfuɛ'n 11:2

Fa wie cɛ sran kpanngban, afin a si-man nyrɛnnɛn ng'ɔ wa tɔ ɔ́ su nyanmiɛn'n bo wa cɛn wie-ɔ.

Akunndanfuɛ'n 11:8

Sɛ sran kun cɛ nyanmiɛn'n bo wa lele nan ɔ di afuɛ kpanngban kpa bɔbɔ'n, ɔ fata kɛ i klun jɔ i sɔ'n ti, sanngɛ kusu nán man i wla fi kɛ aosin tuun'n i blɛ'n ɔ wa yo tɛnndɛn. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

Ngwlɛ Yilɛ 3:27

Sɛ sran kun wo sa nan i kaan nun sa'm be sɔn i nun'n, i sɔ liɛ'n, i kpa ng'ɔ ti'n, nán sa yolɛ-ɔ.

Daniɛl 1:17

Nyanmiɛn mannin gbanflɛn nnan sɔ'm be sa wlɛ wunlɛ, nin aniɛn tilɛ'n i wun ngwlɛlɛ, ɔ nin akunndan dan. Daniɛl tutu aolia nun ninnge kwlaa nin laliɛ'm be kwlaa bé bo .

Ndɛ Nga Nyanmiɛn I Nuan Ijɔfuɛ Oze Kannin'n 7:9

I wunmiɛn ng'ɔ o i nun'n, aofuɛ'm b'a fa, sanngɛ ɔ si-man sɔ. I ti'n ɔ'a bo je sanngɛ ɔ wun-man nun kɛ ɔ'a yo oke.

JÉSUS-CHRIST I DYASIN FE'N BO LUC KLELI'N 1:15

Afin ɔ ´yo sran dan e Min Nyanmiɛn'n nyrun, ɔ su nɔn-man nzan b'ɔ bo'n i wie fi, ɔ nin Nyanmiɛn Wawɛ'n fin blɔlɔ .

JÉSUS-CHRIST I DYASIN FE'N BO LUC KLELI'N 18:16

Sanngɛ Jésus flɛli ba kanngan mun kɛ be blɛ i wun lɛ, yɛ ɔ seli kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

Efɛzfuɛ Mun 6:4

Nja mun, amun kusu, nán an yo sa b'ɔ kun amun mma'm be ya, sanngɛ an `ta be kpa e Min'n liɛ'n su, yɛ an `tu be fɔ, an `kle be ngwlɛlɛ.

Mmla'n 8:18

Nán amún wla fi Anannganman amun Nyanmiɛn'n, afin i kunngba cɛ yɛ ɔ kwla man amun wunmiɛn kɛ amun `fa di junman nan amun `nyan like-ɔ. I waan ɔ ´yo i sɔ nan aenguɛ nga ɔ nin amun nannan mun be trali'n ɔ'a taka kɛ ɔ fa taka ndɛ yɛ'n sa.

2 Timote 3:15

Kɛ ɔ fin ɔ ba kaan nun'n, a si Nyanmiɛn Ndɛ nga be klɛli'n yɛ man a si ngwlɛlɛ b'ɔ man sɛ be lafi Krist su-ɔ be nyan bé ti nin-ɔn.

1 Samiɛl 1:28

Ɔ man n kusu n waan n ´fɛ i man Anannganman. Ɔ ´yo i liɛ lele ɔ ´fa ju i wie cɛn.» Kɛ ɔ yoli sɔ'n, yɛ Ɛlkana i awlofuɛ'm be kwlaa be kotoli Anannganman i bo-ɔ.

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»

1 Samiɛl 2:18

Kɛ ɔ ´yo sɔ'n, wuun Samiɛl kan'n kusu ´di i junman'n Anannganman i nyrun, i lɛn tannin'n ci i bo.

1 Samiɛl 2:26

Samiɛl kan'n kusu ɔ nyin kɔ i nyrun. I wun yo Anannganman ɔ nin sran'm be fɛ.