Akunndanfuɛ'n 11:9 - NYANMIƐN NDƐ'N 1998

⁹ Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Akunndanfuɛ'n 11:9 ပူးပေါင်းရင်းမြစ်များ

Bo Bolɛ 3:6

Kɛ bla'n nian waka nin-ɔn, i mma'm be yo nyɛnmɛn. Ɔ wun kɛ be wa yo fɛ nan be man sran ngwlɛlɛ-ɔ ɔ yo ye, yɛ ɔ ´ti wie di-ɔ, yɛ ɔ ´fa wie mɛn i wun b'ɔ o i wun lɛ nin-ɔn, yɛ i kusu ɔ ´di wie-ɔ.

Bo Bolɛ 6:2

Nyanmiɛn mma mun be wunnin kɛ sran'm bé wa bla sɔ'm be ti nglanman kpa nan b'a kunndɛ wie b'a ja.

1 Famiɛn Mun 18:12

Kɛ n ´fin ɔ́ wun wa bɔ n ´kɔ cɛ'n, wienun-ɔn, Anannganman i Wawɛ'n ɔ wa man ɔ́ su kɔ lika wie bɔ n si-mɛn'n, kusu wuun m'an dun mmua se min min'n kɛ wɔ yɛ a ba lɛ-ɔ. Ɔ man be wa kunndɛ wɔ lele ngbɛn. Yɛ ɔ man be ´kun min. Kɛ ɔ fin n bakan nun lele'n, min nyin yi Anannganman'n.

1 Famiɛn Mun 18:27

Kɛ wia'n juli bé ti afiɛn'n, Eli yoli be fiaan, ɔ seli be kɛ: «Amun `kpan kekle! Ɔ ti amun amuɛn'n, wienun-ɔn, ɔ su bu like wie akunndan, annzɛ i sa ti mianwa, annzɛ kusu ɔ'a tu ajalɛ. Wienun-ɔn, ɔ su lafi, yɛ ɔ fata kɛ be tinnge i.»

1 Famiɛn Mun 22:15

Kɛ ɔ juli famiɛn'n i nyrun lɔ'n, famiɛn'n usɛli kɛ: «?Mise, e wɔ Galaad mɛn'n nun lɔ e ko kun alɛ Ramɔt lɔ annzɛ nán e wɔ?» Mise waan: «Kɔ, a wa kwla lɔfuɛ mun! Anannganman wa yi lɔfuɛ mun man wɔ.»

Zɔb I Nyrɛnnɛn Wunlɛ 31:7

Sɛ m'an fa-man atin'n su sein, sɛ n fali min nyin m bloli like wie su, sɛ n kannin fiɛn wie,

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Akunndanfuɛ'n 12:1

Blɛ bɔ a tɛ yo gbanflɛn'n, man ɔ́ wla kpɛn ɔ yifuɛ'n i su kwlaa nan nyrɛnnɛn blɛ'n ɔ'a ju. Man ɔ wla kpɛn i su nan w'a yo kpɛnngbɛn, afin ɔ kpɛnngbɛn blɛ sɔ'n nun'n, ɔ nyin wa tu nguan'n su .

Akunndanfuɛ'n 12:14

Afin Nyanmiɛn wa usa é like nga e yoli'n i kwlaa i su ndɛ. Sa kwlaa ng'ɔ ti fiawa o, ng'ɔ ti kpa o, ng'ɔ ti tɛ o, ɔ ´di be jɔlɛ .

Akunndanfuɛ'n 2:10

Like kwlaa nga n klo kɛ n ´nian'n, n niannin. Like nga be nyan nun aklunjuɛ'n i wafa wie fi ɔ'a san-man mín wun. Min junman kwlaa nga n dili'n, n nyɛnnin i nuan aklunjuɛ. Junman nga n dili'n i nuan like liɛ nga n ko nyɛn i mɛn'n nun'n, yɛ ɔ o lɛ-ɔ.

Akunndanfuɛ'n 3:12

Kpɛkuun yɛ n fa wunnin i wlɛ kɛ like ng'ɔ ti kpa man sran'n yɛlɛ aklunjuɛ dilɛ nin mɛn dilɛ blɛ b'ɔ tɛ o mɛn'n nun'n.

Akunndanfuɛ'n 3:17

N seli min klun lɔ kɛ: «Nyanmiɛn wa di sran kpa nin sran tɛ'm be jɔlɛ. Afin like kwlaa lɛ blɛ. E nyoliɛ'm be ti Nyanmiɛn wa di e jɔlɛ.»

Akunndanfuɛ'n 6:9

Sɛ sran kun nyin yi like ng'ɔ lɛ i'n, ɔ ti kpa tra kɛ i konvi o like wie su sanngɛ ɔ kwla nyɛn-mɛn i'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 7:14

Sɛ a wun ɔ́ wun fɛ'n, man ɔ klun jɔ, sɛ kusu a o nyrɛnnɛn nun'n, bu akunndan. Nyanmiɛn yɛ man sran wun i wun fɛ-ɔ, i kunngba'n yɛ man sran wun nyrɛnnɛn nin-ɔn. Kɛ ɔ ´yo nan sran ɔ'a si-man cɛn wie sa ng'ɔ wa ju'n, i ti yɛ ɔ yo i sɔ nin-ɔn.

Zeremi 23:17

Be se be bɔ be bu-man min like fi'n be kɛ: ‹Anannganman waan: Amun ´di alaje.› Be se be bɔ be klun sa'n cɛ yɛ be waan be ´yo'n, bɔ be su mlin'n be kɛ yoo: ‹Sa su nyan-man amun.›

Zeremi 7:24

Sanngɛ b'a sie-man bé su nan se kɛ tielɛ yɛ be ´tie-ɔ. Be klun klo akunndan liɛ'n su yɛ be fali-ɔ. Be nzuɛn tɛ akunndan bɔ be kaci i-ɔ ɔ kaci-man'n i su yɛ be fali-ɔ. B'a ɔ-man be nyrun, bé sin yɛ be ɔli-ɔ.

Ngwlɛ Yilɛ 3:27

Sɛ sran kun wo sa nan i kaan nun sa'm be sɔn i nun'n, i sɔ liɛ'n, i kpa ng'ɔ ti'n, nán sa yolɛ-ɔ.

Kalɛ 15:30

Sanngɛ sɛ sran kun, sɛ ɔnvuɛ o, sɛ aofuɛ o, bɔ nán sanvuɛsa yɛ ɔ nyɛnnin i-ɔ, nan ɔ yo nyinfu sa'n, be `kɛn i bo min mma'm be afiɛn.

Kalɛ 15:39

Tralɛ ng'ɔ lɛ nuan su njɔlɛ'n yɛ amun `wla-a. I liɛ'n, kɛ amun wun be'n, amún wla ´kpɛn min mmla'm bé su, kpɛkuun amun ´fa bé su. Nán amun yo amun klun klo ninnge nin konvi ninnge bɔ be fa sran wla amuɛn sɔlɛ nun mun.

Kalɛ 22:32

Anz'n usɛli i kɛ: «?Nguɛ ti yɛ w'a bo wɔ aflunmun'n lele kpɛ nsan sɔ nin-ɔn? Nian m buli ɔ nyrun, yɛlɛ kɛ atin nga a fa su yɛ'n ɔ ´fa wɔ kɔ mlinlɛ nun.

Matthieu 5:28

Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

JÉSUS-CHRIST I DYASIN FE'N BO LUC KLELI'N 12:19

Kɛ ɔ ko yo sɔ'n, n ´tran ase, n ´de wunmiɛn, n ´di n klun like, afin ninnge ng'ɔ o yɛ'n, n ´di lele ɔ su wie-man. N klun a jɔ siɛn'n.›

Sa nga bé yôli'n 14:16

Laa'n ɔ yacili nvle'm be kwlaa be yoli be bɔbɔ be klun sa.

Sa nga bé yôli'n 24:25

Sanngɛ kɛ Pɔl su kan nanwlɛ dilɛ'n nin bé wun su nianlɛ'n, ɔ nin jɔlɛ dilɛ b'ɔ wa ba'n be ndɛ'n, srɛ kunnin Feliks nan ɔ'a se kɛ: «Ndɛ liɛ'n, kɔ, sɛ n nyan n ti-ɔ, cɛn uflɛ n ko flɛ wɔ.»

Rɔmfuɛ Mun 14:10

?Ɔ kpa'n, a fin ɔ liɛ nin bɔ a kan ɔ niaan i wun ndɛ annzɛ a yo i finfin nin-ɔn? Afin be wa fa e kwlaa kɔ Nyanmiɛn ja su.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 5:10

Afin wafa kwlaa nga e ti'n, be ´fa e kɔ Krist ja su nan sran kun kɛ ɔ o wa'n, i like ng'ɔ yoli'n, sɛ ɔ ti kpa o, sɛ ɔ ti tɛ o, ɔ `nyɛn i nuan like .

Mmla'n 29:19

Anannganman su yaci cɛ-mɛn i. Ɔ ´fɛ i wun ya dan kpa, ɔ ´fa sa yalɛ nga be kan be ndɛ fluwa nga nun'n ɔ ´yi i su. Ɔ ´nunnun i dunman asiɛ'n su.

Hébreu 9:27

Be sieli i kɛ sran wu kpɛ kunngba, i sin be fɛ i kɔ Nyanmiɛn ja su.

Zozie 7:21

N wunnin Mezopotami lɔ tralɛ klanman kpa kun, ɔ nin jɛtɛ ufue b'ɔ tra kilo nnyɔn, ɔ nin sika ɔkwlɛ kpɔlɛ kun b'ɔ ju kilo kun nin bue e kpɔfuɛ'm be bɔlɛ nun. Nanwlɛ, kɛ n wunnin ninnge sɔ mun'n, m'an kwla tra-man min anwlɛn yɛ n fali-ɔ. N fuli kunman yɛ n fa be n fa fiali min tannin sua'n nun lɔ, jɛtɛ ufue'n wo i bo.»

2 Piɛr 3:7

Nyanmiɛn kunngba'n yɛ ɔ seli ekun kɛ man be sie nyanmiɛn su lɔ'n nin asiɛ nga be o lɛ ndɛ'n, be lɛ man sin di be. Be ´sie be lɛ lele ´fa ju cɛn nga be ´bu sran nga be sro-man Nyanmiɛn'n be fɔ bɔ be ´saci be'n.