Akunndanfuɛ'n 11:8 - NYANMIƐN NDƐ'N 1998

⁸ Sɛ sran kun cɛ nyanmiɛn'n bo wa lele nan ɔ di afuɛ kpanngban kpa bɔbɔ'n, ɔ fata kɛ i klun jɔ i sɔ'n ti, sanngɛ kusu nán man i wla fi kɛ aosin tuun'n i blɛ'n ɔ wa yo tɛnndɛn. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Akunndanfuɛ'n 11:8 ပူးပေါင်းရင်းမြစ်များ

Zɔb I Nyrɛnnɛn Wunlɛ 10:21

ka nan m'an ɔ kan be kɔ lɔ-ɔ be ba-man kun'n, bɔ lɔ ti aosin ble'n.

Zɔb I Nyrɛnnɛn Wunlɛ 10:22

Mɛn sɔ'n i nun lɔ dun tritritri kpa, yɛ lɔ ti sukusuku. Wia nun'n, lɔ lika'n ɔ dun kɛ aosin sa.

Zɔb I Nyrɛnnɛn Wunlɛ 14:10

Sanngɛ sran'n i liɛ'n, kɛ ɔ ko wu'n, ɔ kwla keje-mɛn i wun kun. ?Kɛ ɔ ko ka nun'n, ninfan yɛ ɔ kɔ-ɔ?

Zɔb I Nyrɛnnɛn Wunlɛ 14:12

Sanngɛ sran'n i liɛ'n, sɛ ɔ wu'n, ɔ jaso-man kun. Sɛ ɔ ´tinnge ekun'n, wuun nyanmiɛn ng'ɔ wo é ti su yɛ'n ɔ'a sin. Kɛ ɔ la lɛ'n yɛ ɔ la-a.

Zɔb I Nyrɛnnɛn Wunlɛ 15:23

nan ɔ'a kaci apɛtɛkuasi'm be nnɛn. Ɔ si kɛ i sacilɛ blɛ'n ɔ'a mɛntɛn i koko.

Zɔb I Nyrɛnnɛn Wunlɛ 18:18

B'a fuɛn i wia'n nun b'a yi i aosin'n nun. B'a kɛn i bo mɛn'n nun mlɔnmlɔn.

Jue Mun 49:20

kannzɛ ɔ yo sɛ san ɔ ´to be nga be dunnin mmua i nyrun bɔ be su wun-man wia'n i wun mlɔnmlɔn kun le'n be lɔ.

Akunndanfuɛ'n 11:2

Fa wie cɛ sran kpanngban, afin a si-man nyrɛnnɛn ng'ɔ wa tɔ ɔ́ su nyanmiɛn'n bo wa cɛn wie-ɔ.

Akunndanfuɛ'n 2:15

Yɛ n seli n klun kɛ: «?Sɛ awieliɛ kunngba ng'ɔ ´wie sinnglinfuɛ'n yɛ ɔ ´wie min wie'n, wuun min ngwlɛlɛ dan nga n si trɛli i'n ɔ yo nzu yɛ ɔ man min-ɔn?» Yɛ n seli min klun lɔ kɛ: «Sa sɔ'n tra sran i akunndan'n su, yɛ i kwlaa ti afɛ ngbɛn.»

Akunndanfuɛ'n 2:17

Kɛ n wunnin i sɔ'n, mín nyin tuli nguan'n nun tranlɛ'n su. Afin n wunnin i kɛ like nga sran'm be yo be nyanmiɛn'n bo wa'n, i kwlaa'n ti tɛtɛ ngunmin. N wunnin kɛ sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 2:19

?Sɛ sran sɔ'n ɔ wa yo ngwlɛlɛfuɛ o, sɛ kusu ɔ wa yo sinnglinfuɛ o, wan yɛ ɔ kwla wun i wlɛ-ɔ? Sanngɛ like nga n fali min ngwlɛlɛ n nyɛnnin i mín sa ti junman'm be dilɛ nun'n, i kwlaa sɔ'n, ɔ wa fa yo i liɛ. Sa sɔ'n tra sran i akunndan'n su, yɛ i kwlaa ti afɛ ngbɛn.

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:16

Ɔ o sran kpanngban kpa bé ti su. Sanngɛ sran nga be wa ba kasiɛn'n be su klo-mɛn i sa kun. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Akunndanfuɛ'n 4:8

Sa sɔ'n yɛlɛ sran kun bɔ i kunngba cɛ yɛ ɔ wo-ɔ, ɔ lɛ-man sran, ɔ lɛ-man ba, ɔ lɛ-man niaan, sanngɛ kɛ ɔ di junman sa'n, ɔ de-man wunmiɛn. Ɔ kunndɛ kɛ ɔ ´nyɛn i wun ´tra su. Ɔ se kɛ: «?Wan li yɛ n di junman wla sɔ'n m mɛn i bɔ i ti yɛ mín wla kwla gua-man ase mlɔnmlɔn nin-ɔn?» I sɔ sa'n ɔ ti sa ya. Sa sɔ'n tra sran i akunndan'n su, yɛ i kwlaa ti afɛ ngbɛn .

Akunndanfuɛ'n 6:11

Kɛ sran kun ijɔ kpanngban'n, ɔ kan ndɛ ngbɛn ngbɛn mun. ?Mmlusuɛ onin yɛ sran kwla nyɛn i nun-ɔn?

Akunndanfuɛ'n 6:6

?Sɛ sran kun cɛ lele di afuɛ akpi nnyɔn (2.000) nan ɔ'a nyan-man manndran le'n, i mmlusuɛ liɛ'n yɛlɛ onin? ?Sran'm be kwlaa be kɔwlɛ'n ti-man kunngba?

Akunndanfuɛ'n 7:14

Sɛ a wun ɔ́ wun fɛ'n, man ɔ klun jɔ, sɛ kusu a o nyrɛnnɛn nun'n, bu akunndan. Nyanmiɛn yɛ man sran wun i wun fɛ-ɔ, i kunngba'n yɛ man sran wun nyrɛnnɛn nin-ɔn. Kɛ ɔ ´yo nan sran ɔ'a si-man cɛn wie sa ng'ɔ wa ju'n, i ti yɛ ɔ yo i sɔ nin-ɔn.

Akunndanfuɛ'n 8:12

Kannzɛ bɔ sa tɛ yofuɛ'n ɔ yo sa tɛ'n lele kpɛ ya, nan i nguan'n i sin ɔ'a kpɛ-man'n, sanngɛ n si kɛ be nga be nyin yi Nyanmiɛn'n be liɛ be lɛ muae .

Akunndanfuɛ'n 8:15

N wunnin i kɛ like ng'ɔ ti kpa man sran'n yɛlɛ aklunjuɛ dilɛ. Afin nyanmiɛn'n i bo wa'n, like fi ti-man kpa man-man sran kɛ like dilɛ, nin nzan nɔnlɛ, ɔ nin aklunjuɛ nyanlɛ'n sa. Kɛ sran'n fɛ nyanmiɛn'n bo wa lele'n, i junman nuan like nga Nyanmiɛn mɛnnin i kɛ ɔ `nyɛn i'n yɛ ɔ o lɛ-ɔ.

Akunndanfuɛ'n 9:7

I sɔ'n ti, di ɔ́ sa ti aliɛ'n, nan nɔn ɔ́ sa ti nzan'n man ɔ klun jɔ. Afin ɔ sa nga a yo be'n, be jɔ Nyanmiɛn i klun.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Matthieu 22:13

Bian sɔ'n ɔ'a uke-mɛn i nuan. Yɛ famiɛn'n seli i minniɛn'm be kɛ: ‹An `ci i sa nin i ja'n nan an `yi i guasu lɔ aosin nun bɔ lɔ yɛ be sun be di be je'n.»

Jean 12:35

Jésus seli be kɛ: «Lika'n tɛ kpaja amún wun wa kan. Kɛ an tɛ wun ase'n, an `nanti nan lika'n ɔ'a dun-man amun. Sran ng'ɔ nanti aosin nun'n, ɔ wun-mɛn i bo.

Mmla'n 32:29

Sɛ ɔ ti kɛ be si ngwlɛlɛ'n, wuun be ´fa sunnzun ase be ´wun sa ng'ɔ wa ju'n.

Jude 1:18

Be seli amun kɛ: «Cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´to amun mma, yɛ Nyanmiɛn bɔ be sro-mɛn'n ti, be ´yo sa nga be klun klo'n.»