Akunndanfuɛ'n 11:5 - NYANMIƐN NDƐ'N 1998

⁵ Kɛ bɔ a si-man wafa nga aunngban'n fa fita'n, nin wafa nga ba kan kun ɔ fa trɛn i nin klun lɔ'n b'ɔ nyin'n, i kunngba nin-ɔn, a si-man wafa nga Nyanmiɛn b'ɔ yo sa kwlaa'n ɔ fa di i junman'n.

Akunndanfuɛ'n 11:5 ပူးပေါင်းရင်းမြစ်များ

Zɔb I Nyrɛnnɛn Wunlɛ 37:23

Nyanmiɛn b'ɔ kwla like kwlaa yo'n, e kwla ju-mɛn i wun lɔ. I fanngan'n ɔ ti dan. Ɔ yo sa i nuan su weiin weiin kpa. Ɔ tɛ-man sran fi su.

Zɔb I Nyrɛnnɛn Wunlɛ 38:4

?Blɛ nga bɔ n ´wla asiɛ'n i bo ase'n, wuun a o nin? Sɛ a ´wun i nanwlɛ'n kan-an, kan kle min man n nian.

Zɔb I Nyrɛnnɛn Wunlɛ 5:9

Ɔ yo sa dandan, yɛ be wun-man sa sɔ'm bé bo. Abonuan sa ng'ɔ yo be'n be sɔnnin.

Jue Mun 104:24

Ee Anannganman, junman nga a di be'n, be sɔnnin o! Ngwlɛlɛ nga a fa yoli i kwlakwla sɔ'n ɔ cɛnnin o! Ɔ sa nuan ninnge'n ɔ'a yi asiɛ'n.

Jue Mun 40:5

Sran ng'ɔ fɛ i wla'n gua Anannganman su'n, b'ɔ fɛ-mɛn i wun mantan-man wun tufuɛ mun nin ato buafuɛ mun'n, i sɔ sran'n i liɛ su ti ye!

Jue Mun 92:5

Ee Anannganman, sa nga a yo be'n be yo min fɛ dan, i ti m bo ndɛ.

Akunndanfuɛ'n 1:13

M buli like nga be ju mɛn'n nun'n be kwlaa be akunndan nan n ´si bé bo. I sɔ yolɛ'n ɔ ti junman kekleke kun yɛ Nyanmiɛn fa mannin sran'm be kɛ be di-ɔ.

Akunndanfuɛ'n 1:6

Aunngban'n fita kɔ mɛn'n i ngua lɔ, ɔ fita kɔ nglo lɔ. Ɔ fita, ɔ fita, kpɛkuun ɔ kpɛ i wun, ɔ wa sin i osu kunngba'n nun ekun .

Akunndanfuɛ'n 11:4

Sɛ sran kun waan ɔ ´nian aunngban'n i fitalɛ'n ti'n, ɔ su lua-man like. Sɛ sran kun waan ɔ ´nian nzue'n i mlanlɛ'n ti'n, ɔ su kpɛ-mɛn i fie'n su ble'n.

Akunndanfuɛ'n 3:10

M buli junman nga Nyanmiɛn fa mannin klɔ sran'm be kɛ be di'n i akunndan n niannin.

Akunndanfuɛ'n 3:11

Sa kun ng'ɔ o sa'n, sɛ i blɛ ko ju'n, Nyanmiɛn nian su yo i sɛsɛsɛ. Nyanmiɛn bɔbɔ yɛ man e si like ng'ɔ lɛ-man bo bolɛ nin awieliɛ nin-ɔn. Sanngɛ sa nga Nyanmiɛn yo'n, kɛ ɔ fin i bo bolɛ'n nun lele b'ɔ ´fa ju i awieliɛ'n, sran si-mɛn i bo.

Akunndanfuɛ'n 7:24

Ninnge nga be o mɛn nun'n bé bo ti kploun dan. ?Wan yɛ ɔ kwla wun be wlɛ-ɔ ?

Akunndanfuɛ'n 8:17

N wunnin Nyanmiɛn i junman ng'ɔ di'n i kwlaa, yɛ n wunnin kɛ sran'm be ´kle bé wun nyrɛnnɛn ngbɛn, be su wun-mɛn i wlɛ le. Sran nga bɔ i waan ɔ si ngwlɛlɛ bɔbɔ'n, ɔ su wun-mɛn i wlɛ le.

Ezai 40:28

?Amun si-man sɔ? ?B'a kan kle-man amun? Anannganman Nyanmiɛn b'ɔ ti adudua'n yɛ ɔ yili asiɛ'n kɛ ɔ fɛ i bue kun su lele fa ju i bue kun su lɔ nin-ɔn. I wunmiɛn'n wie-man, ɔ fɛ-man. Be kwla wun-mɛn i ngwlɛlɛ'n i bo.

Jean 3:8

Aunngban'n fita kan ɔ klo'n, a ti i ngan, sanngɛ a si-mɛn i finwlɛ nin i kɔwlɛ. Sran kwlaa nga Nyanmiɛn Wawɛ'n wu i'n, kɛ ɔ ti sɔ-ɔ.

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?