Akunndanfuɛ'n 11:2 - NYANMIƐN NDƐ'N 1998

² Fa wie cɛ sran kpanngban, afin a si-man nyrɛnnɛn ng'ɔ wa tɔ ɔ́ su nyanmiɛn'n bo wa cɛn wie-ɔ.

Akunndanfuɛ'n 11:2 ပူးပေါင်းရင်းမြစ်များ

Neemi 8:10

Be seli be ekun kɛ: «Amun `wɔ amun awlo, amun `di aliɛ kpakpa, yɛ amun `nɔn nzan bɔ be bo-man'n. Amun `ko man be nga b'a tɔn-man like'n be wie. Ndɛ cɛn'n ti e Min'n i liɛ. Nán amun mlan amun nyrun. Aklunjuɛ ng'ɔ fin Anannganman'n, ɔ ´man amun fanngan.»

Ɛstɛr 9:19

I sɔ'n ti yɛ man Zuif nga be tran klɔ kanngan nin nanmue'm be nun'n, be fa Adar anglo'n i le blu-nin-nnan su'n be fa yo bé cɛn be di nin-ɔn. Cɛn sɔ'n nun be klun jɔ kpa. Be di like kpanngban, yɛ be cɛ be wiengu be like diwa.

Ɛstɛr 9:22

Cɛn dilɛ sɔ'n ´kpɛn be wla kɛ cɛn sɔ'n nun yɛ be nyannin alaje be kpɔfuɛ'm be sa nun-ɔn. Anglo'n kusu ´kpɛn bé wla kɛ i nun yɛ bé sa yalɛ'n kacili be cenjele sa nin-ɔn. Nan i ti, be `fa yo cɛn be `di nan be klun `jɔ, be `man be wiengu'm be like, be `cɛ yalɛfuɛ'm be like.

Zɔb I Nyrɛnnɛn Wunlɛ 5:19

Sɛ sa tɔ wɔ su kpɛ nsiɛn bɔbɔ'n, ɔ ´de wɔ, yɛ ɔ man sa ´to fuan wɔ kpɛ nso bɔbɔ.

Jue Mun 112:9

Ɔ ´cɛ sran like-ɔ, ɔ bu-mɛn i sin, ɔ tu i klun cɛ yalɛfuɛ'm be like. Nyanmiɛn nin i bé bo sɛ titi. I wunmiɛn'n ´uka su titi yɛ i kɔmin'n jin su .

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 6:16

Anannganman i nyin ci like nsiɛn: tutre kun, gblɛ kun, sran kunlɛ kun, sran wun akunndan tɛ bulɛ kun, sa tɛ yolɛ bɔ be fa cici bé ti'n kun, yɛ lalofuɛ ng'ɔ di-man ndɛ nanwlɛ'n. Sanngɛ kun ekun o lɛ bɔ i nyin ci i tra su, yɛlɛ sran ng'ɔ kpɛ lare yi i niaan nnyɔn be afiɛn'n.

Akunndanfuɛ'n 11:3

Kɛ nzue'n ko mlan'n, wuun ɔ su tɔ asiɛ'n su. Sɛ waka kun tɔli mɛn'n i ngua lɔ annzɛ nglo lɔ'n, kan ɔ tɔli lɛ'n, ɔ kɛ i osu'n nun lɛ.

Akunndanfuɛ'n 11:8

Sɛ sran kun cɛ nyanmiɛn'n bo wa lele nan ɔ di afuɛ kpanngban kpa bɔbɔ'n, ɔ fata kɛ i klun jɔ i sɔ'n ti, sanngɛ kusu nán man i wla fi kɛ aosin tuun'n i blɛ'n ɔ wa yo tɛnndɛn. Sa'm be kwlaa be tra sran i akunndan'n su. Like nga be yo be'n, i kwlaa ti afɛ ngbɛn.

Akunndanfuɛ'n 12:1

Blɛ bɔ a tɛ yo gbanflɛn'n, man ɔ́ wla kpɛn ɔ yifuɛ'n i su kwlaa nan nyrɛnnɛn blɛ'n ɔ'a ju. Man ɔ wla kpɛn i su nan w'a yo kpɛnngbɛn, afin ɔ kpɛnngbɛn blɛ sɔ'n nun'n, ɔ nyin wa tu nguan'n su .

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Mise 5:5

Bé sa nun alɛ ninnge'n ti, be ´kwla Asiri asiɛ'n su sran wunmuan'n, be ´kwla Nimrɔd mɛn wunmuan'n. Sɛ Asirifuɛ'm be wlu e mɛn'n nun'n, nan bé ja tia e mɛn'n nun asiɛ su'n, ɔ ´de ye bé sa nun.

Matthieu 18:22

Jésus seli i kɛ: «Nán kpɛ nso-ɔ, sanngɛ lele kpɛ ableso fa nso .

Matthieu 5:42

Sran ng'ɔ srɛ ɔ like'n, fa mɛn i, yɛ sran ng'ɔ klo kɛ ɔ ´fɛ like ɔ́ sa nun'n, nán kaci ɔ́ sin si i .»

JÉSUS-CHRIST I DYASIN FE'N BO LUC KLELI'N 17:4

Yɛ sɛ cɛn ba kunngba'n nun ɔ yo wɔ sa kpɛ nso'n, sɛ i kpɛ nso sɔ'n ɔ wa kpata wɔ'n, yaci.»

Galasifuɛ Mun 6:1

Aniaan mun, sɛ an wun kɛ amun niaan kun su yo sa wie b'ɔ ti-man kpa'n, amun bɔ Nyanmiɛn Wawɛ'n sie amun'n, an `kle i atin ng'ɔ ti kpa'n amanniɛn su. Sanngɛ an `nian amun bɔbɔ amun wun nan amu'an yo-man sa kunngba sɔ'n wie.

Efɛzfuɛ Mun 5:16

Kɛ amu'an nyan amún ti'n, nán an tran lɛ ngbɛn, an `yo like ng'ɔ yo sa ye'n, afin blɛ nga e o nun yɛ'n ti tɛ.

Hébreu 13:3

An `bu bisuafuɛ'm be akunndan kɛ amun bɔbɔ an wo lɔ wie sa. An `bu be nga be ´yo be tɛtɛ'n be akunndan, afin be kusu be ti sran kɛ amun sa.

1 Samiɛl 25:8

Sɛ ɔ waan m ´bua ato-ɔ usa, be ´kan kle wɔ. Nan i sɔ'n ti nian min gbanflɛn'm be nyrun. Nyanmiɛn sa, y'a to wɔ cɛn dilɛ cɛn nun, like kwlaa nga a nyɛn i'n, fa man be ɔ nin ɔ sufuɛ David.› »