Akunndanfuɛ'n 11:1 - NYANMIƐN NDƐ'N 1998

¹ Fa ɔ kpaun'n to yi i nzue'n i nyin su, afin cɛn wie lele a ´nyɛn i ekun .

Akunndanfuɛ'n 11:1 ပူးပေါင်းရင်းမြစ်များ

Nyanndra Mun 11:18

Like nga sran tɛfuɛ'n yo'n, ɔ nyan-man su. Sran nga kusu bɔ kpa'n yɛ ɔ yo sin'n, kannzɛ ɔ yo sɛ san ɔ ´nyan su le .

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 22:9

Sran nga bɔ i klun ti ufue'n, bɔ kɛ ɔ ´di like-ɔ ɔ man yalɛfuɛ wie'n, ɔ ´nyan muae.

Akunndanfuɛ'n 11:6

I sɔ'n ti'n, lua ɔ ninnge mun nglɛmun nun lele fa ju nnɔsua nun, nán de wunmiɛn. Afin a si-man ng'ɔ wa yo kpa-a, sɛ nglɛmun nun liɛ'n nin o, sɛ nnɔsua nun liɛ'n nin o, sɛ kusu nglɛmun nun liɛ'n nin nnɔsua nun liɛ'm be nnyɔn yɛ be ´yo kpa o.

Akunndanfuɛ'n 3:6

Ɔ lɛ blɛ kun bɔ be fa kunndɛ like-ɔ, yɛ ɔ lɛ blɛ kun bɔ be fa saci like bɔ be nyɛnnin nin-ɔn. Ɔ lɛ blɛ kun bɔ be fa yia like su-ɔ, yɛ ɔ lɛ blɛ kun bɔ be fa yi like blo-ɔ.

Ezai 32:20

Sanngɛ be bɔ be lua like nzue'm be nuan'n, bɔ be yaci nannin mun nin aflunmun'm be nun be kɔ kan be klo'n, be liɛ su ti ye.

Ezai 32:8

Sanngɛ sran kpa'n i liɛ'n, akunndan kpa cɛ yɛ ɔ bu-ɔ. Yɛ sa kpa cɛ yɛ ɔ yo-ɔ.

Saun Yolɛ 19:25

I afuɛ nnun'n su'n mma liɛ'n, amun kwla di. Sɛ amun nian nga n kle amun'n su yo i sɔ'n, waka sɔ'm be ´su kpa titi. Min yɛ n ti Anannganman amun Nyanmiɛn nin-ɔn.

Matthieu 10:13

Sɛ awlo sɔ'n i nunfuɛ'm be ti kpa'n, alaje ´tran nun, sanngɛ sɛ be ti-man kpa'n, nán man amún nuan yralɛ'n yo ye.

Matthieu 10:42

Sran kwlaa ng'ɔ ko man be nga be o yɛ'n be nun kaan kun nzue flɔlɔ klowa kun yɛlɛ kɛ ɔ ti n sɔnnzɔnfuɛ'n ti'n, nanwlɛ, i mo yolɛ'n su ka-man mlɔnmlɔn.»

Matthieu 25:17

I kunngba'n, nga be mɛnnin i talan nnyɔn'n, ɔ nyannin nnyɔn ukali su.

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

JÉSUS-CHRIST I DYASIN FE'N BO LUC KLELI'N 14:14

Sɛ a yo sɔ'n, Nyanmiɛn wa yo ɔ liɛ ye. Be liɛ'n be lɛ-man like nan b'a yo wie a man wɔ, Nyanmiɛn bɔbɔ yɛ kɛ sran kpa'm be ´cɛn'n, ɔ ´yo ɔ liɛ'n man wɔ-ɔ.»

2 Korɛntfuɛ Mun 9:6

An si kɛ sran ng'ɔ di fie kaan'n, i su like ng'ɔ nyɛn i'n ti kaan, yɛ sran ng'ɔ di fie dan'n, ɔ nyan like kpanngban.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.